Նկարագրություն
«Լռության ձայնը» փաստավավերագրական շարքը մեկնարկել է 2011 թվականից։ Գրքում ներառված մի քանի տասնյակ բանավոր պատմություններն ընտրվել են բազմաթիվ հարցազրույցից, որ արվել են Ստամբուլում, Դիարբեքիրում եւ աշխարհի այլ քաղաքներում ապրող դիարբեքիրցի հայերի հետ, որոնց մի մասը իսլամացված հայերի հետնորդներ են:
Գրքում բացի հարցազրույցներից, որոնք ներկայացվում են այնպես, որ պահպանվի դրանց ժամանակագրական միասնությունը, իսկ բանավոր պատմությունների տեքստերը հավատարիմ լինեն պատմողների խոսակցական լեզվին, ներկայացված է նաեւ նախաբան, որն անդրադառնում է «կորսված հիշողությանը», ինչպես նաեւ վերջաբան, որը ներկայացնում է բանավոր պատմության կարեւորությունը անցյալի իրադարձությունների նշանակության պահպանման հարցում:
Բանախոսների օգտագործած թուրքերեն որոշ բառեր, անձնանունների, տեղանունների, իրադարձությունների տարբերակներ ներկայացված են թարգմանչի ծանոթագրություններով՝ փակագծերում համապատասխան նշումով:
Բանավոր պատմության ուսումնասիրության նպատակն էր հաս կանալ՝ հայկական ինքնություն ունեցողներն իրենց եւ «ուրիշին» ինչպես են տեսնում, եւ ուսումնասիրել Թուրքիայում դեռ ապրող հայերի «իրականության» քաղաքական, մշակութային ու պատ մական գործառույթները։
Լրացուցիչ տեղեկություն
Օրիգինալ անունը Լռության ձայնը
Կատեգորիան Գիտահանրամատչելի
ISBN
Հրատարակության տարին 2021
Էջերի քանակը 913
Չափսը 14x24, փափուկ կազմ
Հեղինակներ
Հրանտ Դինք հիմնարկ
Հրանտ Դինք հիմնարկը ստեղծվել է 2007 թվականի մեծ ողբերգությունից հետո՝ նման դեպքերը կանխարգելելու, Հրանտ Դինքի՝ ավելի արդար ու ազատ աշխարհ կերտելուն միտված երազանքները իրականացնելու, նրա խոսքը եւ ոգին ապրեցնելու համար։ Հիմնարկի հիմնարար սկզբունքը ժողովրդավարության եւ մարդու իրավունքների համընդհանուր պաշտպանությունն է՝ անկախ էթնիկական, կրոնական, մշակութային եւ գենդերային տարբերություններից: Հիմնարկը ձգտում է այնպիսի հասարակարգի կերտմանը, որտեղ մարդն ունի ազատ խոսքի իրավունք, որտեղ գոյատեւում եւ խթանվում, պահպանվում եւ զարգացվում են բոլոր տարբերությունները: Հիմնարկը գործում է հանուն այնպիսի աշխարհի եւ այնպիսի Թուրքիայի, որտեղ ոչ թե հողը, այլ մարդն է արժեք, որտեղ անցյալին եւ ներկային նայելիս առաջնայինը խիղճն է։ Որպես Հրանտ Դինք հիմնարկ՝ «դատը, հանուն որի ապրում ենք», այնպիսի ապագա է խոստանում, որտեղ գերակշռում են երկխոսությունը, համերաշխությունն ու ապրումակցումը։
Թողնել կարծիք