Էլեկտրոնային սիգարետն անվտա՞նգ է. Ահա՛ թե ինչ են գիտնականներն ասում
Ավելի քան 60 տարի է անցել, բայց Ժիլբերի հայտանգործությունը հանրային առողջության լայն շրջանակում քննարկումների առիթ է դարձել: Էլ.-սիգարետները, որոնք հատկապես վերջին հնգամյակում մեծ տարածում են գտել հանրության շրջանում, ի սկզբանե ստեղծվել էին ծխելը թողնելու հարցում մարդկանց օգնելու համար: Դրանք նաև պետք է զգալիորեն կրճատեին թոքերի քաղցկեղի ու այլ հիվանդությունների քանակը: Ավանդական սիգարետների մեխանիզմը շատ պարզ է. Ծխախոտն այրվում է, թթվածնի համադրությամբ առաջանում է ծուխը: Juul, Blu և Vuse բրենդների արտադրության Էլ.սիգարետներն այրում են քիմիական բաղադրության հեղուկը, որը, որպես կանոն, նիկոտին և բուրավետ բաղադրիչներ է պարունակում և որն առաջացնում է աէրոզոլ: Առանց խեժի ու այլ վնասակար բաղադրիչների նիկոտին մատակարարելով ու միաժամանակ ծխողի ցանկությունը բավարարելով՝ էլ.սիգարետները ծխողների համար ավելի առողջ այլընտրանք են դառնում:
Առաջին հայացքից թվում է՝ կրկնակի շահում, բայց պրակտիկորեն այս հարցում առայժմ կոնսենսուս չկա. Էլ.սիգարետներն իրո՞ք արդյունավետ օգնություն են ծխողներին, թե՝ոչ:
Կարդացեք նաև.
Հոգեկան խանգարումներ, որ կարելի է բացահայտել խոսքով ու պահվածքով
Ի՞նչ են ուտում Էմանուել և Բրիջիտ Մակրոնները
[InterPress] 7 առողջարար մթերք, որոնք անառողջ էիք համարում
Վեյփերը (այսպես են դրանց անվանում) սովորական սիգարետներից քիչ քաղցկեղածին քիմիական բաղադրիչներ են պարունակում (մկնդեղ, բենզոլ 7 ֆորմալդեհիդ): Միևնույն ժամանակ դրանց ազդեցության շուրջ երկարաժամկետ ուսումնասիրություններն էլ են քիչ: Գիտնականները չեն բացառում, որ Էլ.սիգարետներն ազդում են սրտի ու թոքերի վրա: Բացի այդ, Էլ.սիգարետների օրինական վաճառքը թույլատրվում է միայն չափահասներին, բայց դրանք լայն տարածում են գտել հատկապես թինեյջերների շրջանում: Մասնագետներն ահազանգում են՝ Էլ.սիգարետները նոր սերնդի ծխախոտային կախվածություն առաջացնելու պոտենցիալ վտանգ է:
Թեև հանրային առողջության որոշ փորձագետներ, օրինակ՝ Բրիտանիայում, էլ.սիգարետների օգտագործմանը կողմ են, Առողջապահության Համաշխարհային Կազմակերպությունն ավելի զգուշավոր է: Դոկտոր Սքոթ Գոթլիբը (ԱՄՆ) Սննդի ու դեղորայքի անվտանգության կոմիտեի անդամ է և կարծում է, որ Էլ.ծխախոտներն անվնաս չեն, քանի որ այդուհանդերձ կան ռիսկեր: Բայց կարևոր է նաև, որ դրանք չափահասներին օգնում են ծխելը թողնելու հարցում, նվազեցնում են քաղցկեղով հիվանդների թիվն ու ընդհանրապես բարելավում են շնչառական օրգանների վիճակը:
Շարունակությունը՝ InterPress.am–ում