Ինչպե՞ս փայլել նորաձև ու չհամարվել անճաշակ
February 16, 2016
Փարթիներում հավանաբար տեղին են փայլուն հագուստները: Եթե փոփ երգչուհի եք, մերկապարուհի կամ դիսկո ոճի մոլի երկրպագու, փայլուն զգեստները, անշուշտ, կարող են Ձեզ ուղեկցել նաև ամբողջ տարվա ընթացքում: Բայց մարդկանց մեծ մասն ամբողջ տարի զսպում է «ագռավի» բնազդը և հեռու մնում փայլուն գործվածքներով հագուստից՝ հոգու խորքում թաքուն երազելով, որ պլպլան զգեստը հագնելու առիթի դեպքում կփայլատակի այնպես, ինչպես չեն փայլել նույնիսկ «Studio 54»-ի աստղերը 70-ականներին:
Նոր գոթիկա. Նորաձևության մռայլ շունչը
Հետաքրքիր են նաև տղամարդկանց համար նախատեսված փայլուն աքսեսուարները:
Անկեղծ ասած՝ նույնիսկ զարմացա, երբ տղամարդկանց համար նախատեսված ամենահայտնի խանութների երևանյան ցանցում հայտնաբերեցի լուրեքսից գործված գուլպաների strip տեսականի:
Փայլուն թրենդի շրջանակում առանձնահատուկ ուշադրության է արժանի glitter դիմահարդարումը: Դիմահարդարման պարագաներ արտադրող ընկերությունները կարծես մրցում են ավելի օրիգինալ և բազմազան glitter պարագաների արտադրության ասպարեզում: