Փողոցների նորաձև ֆոտոհերոսները

Փողոցների նորաձև ֆոտոհերոսները

Արմեն Գալյանը այցելել է Ջորջիո Արմանիի «Armani Silos» թանգարանը և բացահայտել, թե ամեն մի անկյունում նորաձևության վարպետն ինչ է խնամքով նախընտրել ներկայացնել:

Բոլորը խոսում են street style ժանրի անկման մասին, բայց մարդիկ շարունակում են գեղեցիկ հագնվել, իսկ լուսանկարիչները՝ անմահացնել նրանց լուքերը (արտաքին տեսքը): Այցելելով Միլանի տղամարդկանց նորաձևության շաբաթ և ֆլորենցիական «Pitti Uomo»-ն՝ համոզվեցի, որ այս «խաղը» դեռ չի կորցրել իր ակտուալությունը: Այս կարևորագույն ֆեշն իրադարձությունների հյուրերի լուքերը լուսանկարելու գայթակղությանը ես նույնպես չդիմացա: Հետևանքները կարող են դառնալ newmag-ի ընթերողների սեփականությունը:

«Armani Silos». «Armani»-ի հզորության թանգարանը

Ովքեր ճամփորդել են Իտալիայով, կհամաձայնեն, որ Միլանը ամենաանհետաքրքիր քաղաքներից մեկն է: Բիզնե՞ս. այո՛, հիասքանչ շոփի՞նգ. անշուշտ, և կարծես վերջԱյժմ Միլանի must see վայրերին ավելացել է ևս մեկը՝ Ջորջիո Արմանիի «Armani Silos» թանգարանը:

«Armani Silos»-ը նվիրված է իտալական նորաձևության դասականի աշխատանքի 40-ամյակին: Այս իսկապես հոյակապ թանգարանում միավորված են «Արմանիի» տարբեր տարիների և հոսքագծերի հավաքածուներից վերցված ավելի քան 600 կտոր հագուստ և 200 աքսեսուարներ: «Silos»-ը տեղավորվել է 4-հարկանի մինիմալիստիկ շենքերում: Բետոնե մոխրագույն պատերը, բարձր առաստաղներն ու պատուհաններն ընդգծում են հագուստների շքեղությունը և ճիշտ մատուցում «Armani»-ի անզուգական ոճը:

galyan-1

Այստեղ կարող ենք տեսնել ժամանակին «Armani»-ին համաշխարհային ճանաչում բերած իդեալական կոստյումները, տարբեր տասնամյակներում թողարկված և արդեն դասական դարձած հագուստները և, իհարկե, «Armane Prive» բարձր նորաձևության հոսքագծի՝ իրենց շքեղությամբ ապշեցնող զգեստները, որոնցից շատերը փայլել են տարբեր տարիների ամենահռչակավոր կարմիր գորգերին:

Ֆեշն թանգարանները և ցուցահանդեսները, իհարկե, սպեցիֆիկ են: Այստեղ հագուստները ներկայացվում են ոչ այնքան պրակտիկ տեսանկյունից, այլ որպես արվեստի նմուշներ: «Armani Silos» թանգարանում չկան այնպիսի մոդելներ, որոնք ստեղծված չլինեն կրելու համար. «Armani»-ն չափից շատ պրակտիկ և հաշվենկատ է, որ ստեղծի չկիրառվող զգեստներ:

Միևնույն ժամանակ «Armani Silos»-ի ցուցանմուշները, անշուշտ, արվեստի իսկական նմուշներ են: Հնարավոր է՝ հենց դա է «Արմանիի» բացառիկությունը և հսկայական ֆեշն կայսրության հաջողության գրավականը:


 Արմեն Գալյան. 7 ֆեշն սխրանք, որ պետք է գործի տղամարդը


Պետք է կարողանալ առաջին հայացքից սովորական թվացող իրերը հասցնել կատարելության և մատուցել որպես արվեստի իսկական նմուշ: «Silos»-ի հավաքածուն իսկապես տպավորիչ է իր ծավալով, իսկ ցուցահանդեսի մատուցումը, կարծում եմ, այս ժանրի լավագույն օրինակներից է:

galyan-2

«Արմանին» խոստանում է կես տարին մեկ թարմացնել էքսպոզիցիան, այնպես որ հաջորդ անգամ Միլան այցելելիս ես անպայման կրկին կմտնեմ այս թանգարան: Նույնը խորհուրդ եմ տալիս անել նաև Ձեզ:

Գրել կարծիք