JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027
Գլխավոր Լուրեր

5 կարևոր բաղադրիչ ամեն օր սիրած գործով զբաղվելու հ

5 կարևոր բաղադրիչ ամեն օր սիրած գործով զբաղվելու համար

1. Նպատակներին վերաբերվեք` ինչպես բաղադրատոմսի: Քայլ քայլի հետևից:
Դուք կարող եք անել այն, ինչ, մեծ հաշվով, սիրում եք, բայց դա չի նշանակում, որ միշտ եք սիրելու: Նպատակները մասերի բաժանելն ու հստակ պատկեր ունենալն օգնում է պահպանել հանդարտությունը և կենտրոնանալ ընթացքի վրա: Վերջնական նպատակը պահեք մտքում, բայց փորձեք գնահատել պահը և դրան չվերաբերվել` որպես անցյալի: Ես հաճախ հիշեցնում եմ ինձ, որ անընդհատ սովորում եմ և քիչ-քիչ ավելի եմ մոտենում երազանքիս:
2. Ճանաչեք մարդկանց, ովքեր ձեզնից առաջ էլ եղել են:
Երբ փոխեցի գործս, սովորում էի մարդկանցից, ովքեր արդեն հաջողության էին հասել իմ նոր ձեռնարկած բիզնեսում: Ես ուզում էի իմանալ ամեն մանրուք, հաջողություններն ու սխալները, որոնք գործել էին նրանք: Ես երբեք չեմ ցանկացել կրկնել նրանց անցած ուղին, բայց հասկացա, թե ինչն է նրանց հասցրել այդ մակարդակի:
3. Միշտ առաջարկելու բան ունեցեք:
Ես ճամփորդել եմ և սովորել շեֆ-խոհարարներից ու տնային տնտեսուհիներից: Երբ նոր վայր էի այցելում, սիրում էի ստվերի նման հետևել խոհարարներին պրոֆեսիոնալ կամ տնային խոհանոցներում և սովորել նրանց բաղադրատոմսերն ու մասնագիտական նրբությունները: Սա ամենամեծ մարտահրավերներից մեկն էր ինձ համար թե' որպես կին, թե' որպես օտարերկրացի: Միշտ փոքրիկ խնդրանքից էի սկսում` արդյոք կարող եմ նրանց գոնե մեկ օր հետևել խոհանոցում: Որպես փոխանակություն` առաջարկում էի մի բան պատրաստել` գուցե բաղադրատոմսով, որի մասին նրանք չգիտեին: Վստահություն ստեղծելու համար ժամանակ է պետք, իսկ եթե առաջարկելու բան ունես, դա ավելի է տրամադրում մարդկանց:
4. Փնտրեք մարդկանց օգնությունն, ովքեր գործից ավելի լավ են գլուխ հանում:
Ձեր ունեցած ցանցն ու աղբյուրները մտածված օգտագործեք: Եթե չունեք հմտություններ, լավ է իմանաք մեկին, ով ունի:
5. Պատրաստվեք անհարմարությունների` ֆիզիկական և մտավոր:
Ամենամեծ դասերից մեկն ու փորձառությունը գալիս է այն ժամանակներից, երբ ես այդքան էլ տարված չէի իմ արածով: Երբ ես հանձն առա գրել իմ առաջին խոհարարական գիրքը, հղի էի և ամբողջ օրն աշխատում էի: Պետք էր գրել, եփել, համտեսել և լուսանկարել ամբողջ գիրքը: Այս գաղափարը սարսափեցնում էր ինձ: Օրեր էին լինում, երբ այնքան էի հոգնում, որ նույնիսկ բազմոցից բարձրանալն էր դժվար: Բայց գիրքը պատրաստ է և շուտով լույս կտեսնի:
 

Տարածել