Դարձիր ավելի լավատես, և հաջողությունը կժպտա քեզ. Խորհուրդներ էքսպերտից

Դարձիր ավելի լավատես, և հաջողությունը կժպտա քեզ. Խորհուրդներ էքսպերտից

Փորձն ու պատմությունը ցույց են տվել, որ հիմնականում հաջողության հասնում են լավատեսները:

jakobsՀռետոր և թրեյներ Մայքլ Ջեկոբսը կիսվում է սեփական փորձով.

«Երբ բացասական մտքերս փոխարինեցի դրականով, կյանքիս որակն ամբողջությամբ փոխվեց՝ թե անձնական, թե մասնագիտական հարթակներում: Երբ լավատեսության չափաբաժինն ավելացավ, բազիմցս ձախողված սթարթափերից անցա հաջող բիզնեսի, որը հետո լուսաբանվեց ձեռներեցների ամսագրում»:

Ահա այն 5 խորհուրդները, որոնք օգնեցին ինձ ազատվել բացասական մտքերից ու դառնալ ավելի լավատես:

Արտահայտիր երախտագիտությունդ: Լավատեսությունն ավելացնելու ամենահեշտ ճանապարհներից մեկը երախտագիտությունն արտահայտելն է: Այս պահին ունեցածիդ համար շնորհակալ լինելը միանգամից ազատում է նեգատիվից, որը գուցե ձեզ գերության մեջ է պահում: Գոհունակությունն անմիջապես վերականգնում է սիրո հետ կապը: Իսկ որտեղ սերն է տիրում, այնտեղ վախն ու մյուս բացասական էմոցիաները տեղ չունեն:

Նոր տարին սկսեք լավատեսությամբ

«Գոհունակության մեթոդը» կիրառելու ամենալավ ու ամենաարդյունավետ ճանապարհն ամեն առավոտ այն արտահայտելն է: Արթնանալով՝ նշեք 10 բան, որոնց համար շնորհակալ եք: Ցանկը կարող եք կամ բարձրաձայն թվարկել, կամ մտքում: Կարևորը՝ դրանք լինեն հստակ և սրտից բխեն:

Եղիր նվիրող: Բացասական մտքերը հաճախ առաջ են գալիս, երբ կենտրոնանում եք ձեր կյանքի՝ վատ ընկալվող կողմերի վրա: Դուք կարող եք անմիջապես փոխել այդ զգացողությունը՝ մարդկանց համար անելով բաներ՝ առանց նախապայմանների:

Փոխանցեք ձեր հմտությունները շրջապատող մարդկանց: Եթե մեկը խորհրդի կարիք ունի, օգնեք: Կասկածի տակ մի դրեք ձեր կարողությունը: Նույնիսկ ամենափոքր ժեստը կամ միտքը կարող է մեծ փոփոխություն բերել անհատների կյանքում:

Վերահսկիր շնչառությունդ: Ասում են՝ ով վերահսկում է շնչառությունը, վերահսկում է կյանքը: Շատ ճիշտ է ասված: Հետ նայեք ու հիշեք բոլոր այն պահերը, երբ կորցրել եք վերահսկողությունը: Ի՞նչ էր կատարվում ձեր շնչառության հետ: Բարկության պահերին շնչառությունն արագանում է: Եթե վերահսկեք այն, կարող եք սթափ դատել և փոխել ձեր բացասական էմոցիաները:

Հանգիստ մի տեղ կամ մեդիտացիայի ընթացքում սովորեք հետևել ձեր շնչառությանը: Երբ քթով օդ եք վերցնում, թույլ տվեք այն ամբողջությամբ ներթափանցի թոքերը: Երբ այն հասել է ամենախոր կետին, զգացեք, թե ինչպես է դանդաղորեն դուրս գալիս ձեր մարմնից՝ բերանով, զուգահեռ թողեք դուրս գա նաև ամբողջ լարվածությունը:

Ուզում եք հաջողել բիզնեսում, լավատեսություն «մշակեք»

Վիզուալիզացրեք հաջողությունը: Շատ հայտնիներ՝ Օփրա Ուինֆրի, Ուիլ Սմիթ, Առնոլդ Շվարցենեգեր, հենց այս մեթոդն են կիրառել իրենց ուզածը ստանալու համար: Իսկ ինչո՞ւ չփորձել:

Սկսեք աչքերը փակելուց: Մտածեք մի լավ բանի մասին, որն ուզում եք կատարվի: Բայց պատկերացրեք այնպես, կարծես դա արդեն տեղի է ունեցել: Պատկերացրեք ամեն մանրուքը: Եղեք մասնակիցն այդ իրադարձության և զգացեք դրական էմոցիաները: Երբ բացեք աչքերը, թույլ տվեք ձեզ մնալ այդ դրական հոգեվիճակում: Վիզուալիզացիայի էֆեկտը կարող է բազմապատկվել, եթե մեդիտացիան նախապես փորձեք:

Խաղաղ և հարմար տեղ գտեք, նստեք, պառկեք կամ վարվեք, ինչպես սիրտներդ ուզի: Փակեք աչքերը, մի քանի անգամ խորը շնչեք և թուլացեք: Շնչելով զգացեք՝ ինչպես եք թողնում ձեզ պահող բոլոր էմոցիաները: Ամեն շնչի հետ թույլ տվեք օդն ավելի խորը ներթափանցի, ու կգիտացեք, որ ձեզ շրջապատող ամեն ինչ սիրով է ստեղծված և դուք ապրում եք այդ սիրո մեջ:

Եթե փորձեք այս ամենը, դուք էլ կմիանաք կյանքի մեծ շրջապտույտին ու ավելի շատ հաջողություն «կորսաք»:

Գրել կարծիք