JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027JOIN SIGNATURE CLUB 2027
Գլխավոր Լուրեր

Ինչպե՞ս ասել «ոչ» ենթականերին ու չփչացնել հարաբերո

Ինչպե՞ս ասել «ոչ» ենթականերին ու չփչացնել հարաբերությունները

Շատ կարևոր է կոլեկտիվում մասնակցել նոր գաղափարների առաջացմանը: Բայց ի՞նչ անել, երբ ձեր ենթակաները խորապես համոզված են, որ իրենց որոշումները ճիշտ են, մինչդեռ դուք, որպես մենեջեր, հակառակը, հասկանում եք, որ իրենց առաջարկությունը չի աշխատի:
Դրա համար կան մի քանի պատրաստի բաղադրատոմսեր.
1. Մենթոր և ուսուցիչ Պոլ Հերսին միշտ ասում է. «Լիդերությունն ամենահայտնի անձի մրցույթ չէ»: Ղեկավարի համար ավելի կարևոր է հասնել նպատակներին: Հանուն դրա, երբեմն, պետք է մերժել ենթականերին ու վիճելի հարցերի վերաբերյալ ցուցաբերել կոշտ պահվածք:
2. Մյուս կողմից, Ջիմ Կուզեսն ասում է. «Լիդերությունն ամենաանհայտ անձի մրցույթ չէ»: Լավ ղեկավարը հաստատում է լավ հարաբերություններ ենթակաների հետ ու հոգ տանում, թե ինչպես են իրեն ընկալում կոլեկտիվում:
3. Օգտագործեք «Արա, ինչ պետք է անես» սկզբունքը, միևնույն ժամանակ, փորձեք խրախուսել թիմի ամենաակտիվ ու փորձառու մասնագետներին:
4. Պատասխանեք պարզ հարցի. «Որքանո՞վ է կարևոր այս պայքարում հաղթանակը»: Եթե կարծում եք, որ այդ հարցը թիմի համար շատ կարևոր է, պնդեք ձեր որոշումը: Իսկ եթե այն կարևոր է ձեր ենթակաների տեսանկյունից, բայց սկզբունքային չէ ընկերության համար, լավ կլինի տեղի տալ:



Նորաթուխ ղեկավարներին պետք է լիդերության սեփական փիլիսոփայությունը





5. Պետք չէ ենթականերին ապացուցել,  որ իրենք սխալ են: Ամենայն հավանականությամբ, նրանք խելացի մարդիկ են, որոնց, իսկապես, հետաքրքրում է այն, ինչով զբաղվում են, հատկապես այն մասնագետներին, որոնք ցուցաբերել են նախաձեռնություն ու առաջարկել  իրենց  գաղափարները: Այն, որ ձեր կարծիքները չեն համընկել, դեռ չի նշանակում, որ նրանք ճիշտ չեն: Դժվար է հավատալ, բայց դուք նույնպես կարող եք սխալ լինել:
6. Պատասխան տալուց առաջ, լսեք բոլորին ու լավ մտածեք: Երբեմն, դադարն ու մի քիչ խորհելը օգնում են իրավիճակն այլ տեսանկյունից տեսնել ու շատ բաներ նորովի ընկալել:
7. Եթե հնարավոր է մասնակիորեն իրականացնել ենթակաների գաղափարները, արեք այդպես: Ձեր աշխատակիցները գիտեն, որ իրենց ոչ բոլոր առաջարկները կարող են ընդունվել:
8. Եթե, ի վերջո, ոչ մի կերպ չեք կարողանում համաձայնել ձեր աշխատակիցների հետ, քաղաքավարի բացատրեք նրանց, որ դուք լսել եք իրենց գաղափարները, ուշադրությամբ  մտածել ու որոշել եք, որ, այնուամենայնիվ, դրանք դեռ չեք ուզում կիրառել: Բացատրեք, ինչ տրամաբանությամբ եք կայացրել որոշումը: Հավատացրեք նրանց, որ իրենց կարծիքը սխալ չեք համարում, բայց լավագույն շարժառիթներ ունեցող խելացի մարդիկ նույնպես ունենում են տարակարծություններ:
9. Մի փորձեք բոլորին ներքաշել դեպի ձեր կողմ: Եղեք բաց առաջարկների նկատմամբ, և, երբ կա հնարավորություն, դրանք կիրառեք: Եթե նրանք չեն համաձայնում ձեզ հետ ու, ի վերջո, ապացուցում են, որ ճիշտ են, օգնեք նրանց այնպես, ինչպես կցանկանայիք, որ իրենք օգնեին ձեզ:

Տարածել