<span style='color:red;'>[ newmag x ted ]</span> Արտաքինն ամեն ինչ չէ, հավատացեք ինձ, ես մոդել եմ

[ newmag x ted ] Արտաքինն ամեն ինչ չէ, հավատացեք ինձ, ես մոդել եմ

newmag-ը հատուկ խորագրով ամեն շաբաթ ներկայացնում է Ted Talks-ի ամենից հիշարժան ելույթների հայերեն սեղմագիրը:

cameron

– Ողջույն, ես Քամերոն Ռասելն եմ և վերջին շրջանում` մասնավորապես 10 տարի, մոդել եմ աշխատում: Զգում եմ, որ դահլիճում անհարմար լարվածություն կա, որովհետև ես այս զգեստը չպետք է հագնեի:

Բարեբախտաբար, հագուստ եմ բերել ինձ հետ, կարող եմ փոխվել: Ted-ի բեմին սա առաջին զգեստափոխությունն է, այնպես որ` դուք հաջողակ եք, քանի որ դա կատարվում է ձեր աչքի առաջ: Այս կրունկները շատ անհարմար են, լավ է, որ չէի պատրաստվում դրանցով քայլել:

Ամենավատ պահն այս սվիտերը հագնելն է, հիմա բոլորդ կծիծաղեք վրաս:

russellԻնչո՞ւ ես դա արեցի: Տարօրինա՞կ էր:

Իմիջը հզոր գործիք է, բայց և խաբուսիկ:

Ես հենց նոր ամբողջությամբ փոխակերպվեցի ընդամենը 6 վայրկյանում: Այս նկարում, ես նույնիսկ իրական բոյֆրենդ չունեի: Այնքան էի ամաչում, որ լուսանկարիչն ինձ ասաց՝ մեջքս կորացնեմ ու ձեռքս դնեմ տղայի մազերի մեջ:

Չնայած տեսքը խաբուսիկ է, բայց մեծ ազդեցություն ունի մեր կյանքի վրա:

760full-cameron-russellԱյսօր լինել անվախ նշանակում է լինել ազնիվ: Ես կպատասխանեմ այն հարցերին, որոնք մարդիկ հաճախ են տալիս, բայց կլինեմ անկեղծ:

Այսպիսով, առաջին հարցը՝ ինչպե՞ս դարձա մոդել: Ես, որպես կանոն, ասում եմ. «Օ՜հ, ինձ գտան»: Բայց դա համարենք՝ ոչինչ է: Իրականում ես մոդել դարձա, որովհետև գենետիկ վիճակախաղի հաղթական տոմս ունեի և ստացել էի ժառանգաբար՝ հասակ, նիհարություն, կանացիություն ու սպիտակ մաշկ: Սա է հենց այն ժառանգությունը, որ ստացել եմ, և ես դրանով վաստակում եմ:

Հաջորդ հարցը, որ մարդիկ տալիս ես՝ կարո՞ղ ենք մոդել դառնալ, երբ մեծանանք: Ես ասում եմ՝ չգիտեմ, ես չեմ որոշողը:

Բայց այդ փոքրիկ աղջիկներին կուզեի տալ երկրորդ պատասխանը. ինչո՞ւ, դու կարող ես ցանկացած բան դառնալ՝ նախագահ, գյուտարար կամ նինձա սրտաբան-պոետ-վիրաբույժ. դա ուղղակի հիանալի կլինի, որովհետև կլինես առաջինը:

Եթե այս ամենից հետո էլ նրանք ասում են. «Ոչ, ոչ, Քամերոն, մենք ուզում ենք մոդել դառնալ»: Ես ասում եմ՝ ի գործ: Ասել, թե ուզում եք մոդել դառնալ, նույնն է, թե ասեք՝ ուզում եք հաղթել վիճակախաղում, երբ մեծանաք: Դա ձեր վերահսկողությունից դուրս է, և հրաշալի է, բայց դա կարիերա չէ:

Ցավոք, դպրոցն ավարտելուց հետո գրում ես ռեզյումեդ, աշխատում մի քանի տեղ ու ավելին չես կարող աՆել: Եթե ասես, ուզում ես նախագահ դառնալ, իսկ քո ռեզյումեում գրված է՝ 10 տարի ներքնազգեստ ներկայացնող մոդել, մարդիկ կծիծաղեն:

CRussell02_GQ_08Nov12_rex_b_426x639_1Այն ամենն, ինչ դուք տեսնում եք այս նկարներում, ինձ հետ կապ չունի: Դա պրոֆեսիոնալների խմբի ստեղծածն է՝ վարսահարդար, շպարի վարպետ, լուսանկարիչ, ոճաբան. մարդիկ, որոնք կերտում են իմ կերպարը: Սա ես չեմ:

Եվ վերջին հարցը՝ ինչ է նշանակում լինել մոդել: Եվ պատասխանը, որ ուզում են լսել. «Եթե մի քիչ  նիհար ես և փայլուն վարսեր ունես, այնքան երջանիկ ես»: Մենք՝ պոդիումի աղջիկներս,  դրա նման մի բան ենք ասում, թե իսկապես հրաշալի է ճամփորդել, աշխատել կրեատիվ, ոգեշնչված և իր գործով տարված մարդկանց հետ: Եվ դա ճիշտ է, բայց պատմության միայն մի մասն է:

Կան բաներ, որ երբեք չենք ասում տեսախցիկի առջև, և ես հիմա կասեմ՝ ես ինքնավստահ չեմ, որովհետև ամեն օր պետք է մտածեմ՝ ինչպիսի տեսք ունեմ:

Եթե ձեզ իսկապես հետաքրքիր է, թե ավելի նեղ կոնքեր ու փայլուն վարսեր ունենալու դեպքում իրո՞ք ավելի երջանիկ են լինում, պարզապես պետք  է հանդիպեք մոդելների հետ:

Այս աշխարհում ամենանվստահ կանայք նրանք են, ովքեր ունեն ամենանեղ կոնքերը, ամենափայլուն վարսերն ու գժական հագուստը: Դժվար էր, գալ այստեղ և ասել, որ բոլոր առավելությունները, որ ժառանգել եմ ու ստացել, միշտ չէ, որ ինձ երջանկություն են պարգևում:

 

Գրել կարծիք