Ի՞նչ են սովորել ռոբոտները 2017 թվականին. սալտո կատարել, քրտնել և նեղացնել երեխաներին

 
Կատարել սալտո
Թվում է՝ ամենասարսափելի հմտությունը. ատլասը ցատկում է մեկմետրանոց աղյուսի վրա, իսկ հետո կատարում սալտո դեպի հետ ու կանգնում ոտքերի վրա:
[embed]https://youtu.be/fRj34o4hN4I[/embed]
Կանգնել մեկ ոտքի վրա
2017 թվականի նոյեմբերին Toyota-ն ցուցադրեց  ռոբոտ-մարդ T-HR3-ին, որը հեռակառավարվող է: Ռոբոտը նույնությամբ կրկնում է օպերատորի շարժումները, և այնքան լավ է պահում հավասարակշռությունը , որ կարողանում է կանգնել մեկ ոտքի վրա:
[embed]https://youtu.be/uPI0-14kEZI[/embed]
Քրտնել
Տոկիոյի համալսարանի հետազոտողները մշակել են ռոբոտների, որոնք փորձում են կրկնօրինակել մարդու մարմնի կառուցվածքը: Նրանցից մեկը՝ Կենգորոն, կարողանում է ոչ միայն մարզվել, այլև քրտնել:
[embed]https://youtu.be/UF4TKJ6GXOA[/embed]
Ստեղծել խառնաշփոթ
Ռոբոտ Ատլասը միշտ չէ այսքան ճկուն եղել: Մի ժամանակ նա զբաղվում էր ձանձրալի աշխատանքով՝ արկղեր տեղափոխելով, որն այդքան էլ լավ չէր ստացվում:
[embed]https://twitter.com/_/status/897228678802755584[/embed]
Խեղդվել
Որոշ ռոբոտներ դարձել են չափից ավելի մարդկային: Վաշինգտոնում նրանցից մեկը հսկում էր առևտրի կենտրոնը, սակայն հետո բախվել է շատրվանին, վստահ մտել ջուրն ու խեղդվել:

Պայքարել անտունների դեմ
Նույն մոդելի մեկ այլ ռոբոտի մոտ ճակատագիրը դասավորվել է մի փոքր ավելի լավ: Նրան ծառայության է վերցրել Սան-Ֆրանցիսկոյից կենդանիների համար կացարանը. ռոբոտ-հսկիչը պետք է հսկեր շրջակայքը և օգներ փողոցային հանցագործությունների կանխման հարցում: Նա ոստիկանություն էր կանչում, եթե ինչ-որ կասկաածելի բան էր նկատում: Բայց ռոբոտի մոտ ‹‹հակառակ ազդեցություն›› էր նկատվել. նա խանգարում էր անտուններին վրաններ դնել մայթերին. նրա վրա մի քանի անգամ նույնիսկ հարձակվել են: Ի վերջո, կացարանը հեռացրել էր ռոբոտ-հսկիչին:
 

---

Կարդացեք նաև.

• Ռոբոտ-հաքեր. Ինչպե՞ս կիրառել արհեստական բանականությունը կիբերանվտանգությունում


• Ինչո՞ւ են ստեղծել հումանոիդ-ռոբոտ Սոֆիային և սպառնո՞ւմ է նա մարդկությանը


• Մեկ տասնամյակ անց տարեցներին կխնամեն ռոբոտ-դայակները

---

Կրել օլիմպիական կրակը
Ռոբոտ-փրկիչ HUBO-ն Հարավային Կորեայից  մասնակցել էր օլիմպիական կրակի ավանդական մրցավազքին: Նա անցկացրել է ջահը փայտե պատի միջով, անցք բացել դրա մեջ և փոխանցել կրակը դեպի առաջ: Ճիշտ է, դա շատ ձանձրալի էր:
[embed]https://youtu.be/847izrhqoQ4[/embed]
Ստրիպտիզ պարել
Իրականում, այս հմտությունը նրանք ձեռք են բերել վաղուց. վերահսկող տեսախցիկի գլուխ ունեցող ռոբոտ-ստրիպտիզյորին ստեղծել է բրիտանացի նկարիչ Հայլս Ուոքերը 2008 թվականին:
[embed]https://twitter.com/Namastaywoke/status/937129871368744960[/embed]
Նեղացնել երեխաներին
Ռոբոտ-պաղպաղակավաճառը, որն աշխատում է NASA-ի ցուցասրահում, փոքրիկ աղջկա համար պատրաստել էր աղանդեր՝ հենց նրա բաղադրատոմսով, ցույց է տվել նրան ստացված պաղպաղակը, իսկ քիչ անց հետ վերցրել: Աղջնակը նեղացել էր:

Լինել սիրված
Սրա համար ռոբոտները կարող են ընդհանրապես ոչինչ չանել: Կարող է նույնիսկ լինել ջրատաքացուցիչ սարք, որը շատ նման է ռոբոտի , միևնույն է կգտնվի մի աղջնակ, ով կասի. «Ողջույն, ռոբոտ: Ես քեզ սիրում եմ, ռոբոտ»:
[embed]https://youtu.be/h1E-FlguwGw[/embed]

Հեղինակ՝ Լիանա Գրիգորյան