«Երազի» Մուշն ու Վտվտիկը կլինեն երեխաների ամառային արձակուրդների խելացի ուղեկիցները
Հունիսի 1-ին ընդառաջ «Երազ» մատենաշարը ներկայացրել է երեք նոր մանկական գրքեր: Հայ մանուկներն այսուհետ հնարավորություն կունենան հայերեն ընթերցել աշխարհում ամենահայտնի ու սիրված մանկական վիպակը՝ Diary of a Wimpy Kid-ը՝ «Վտվտիկի օրագիրը», որի հեղինակը ամերիկ
Հունիսի 1-ին ընդառաջ «Երազ» մատենաշարը ներկայացրել է երեք նոր մանկական գրքեր: Հայ մանուկներն այսուհետ հնարավորություն կունենան հայերեն ընթերցել աշխարհում ամենահայտնի ու սիրված մանկական վիպակը՝ Diary of a Wimpy Kid-ը՝ «Վտվտիկի օրագիրը», որի հեղինակը ամերիկացի մանկագիր, մուլտիպլիկատոր, դիզայներ և The New York Times-ի բեսթսելլեր գրող Ջեֆ Քիննին է:
9-12 տարեկանների համար նախատեսված պատկերազարդ վիպակի գրքի հերոսը Գրեգ Հեֆլին է:
«Մանկական գիրք թարգմանելն ավելի դժվար է, քան սովորական գիրք թարգմանելը. սեփական փորձով համոզվեցի: Ջեֆ Քիննի այս շարքն ամբողջ աշխարհում վաճառվել է ավելի քան 300 միլիոն օրինակ: Հավես, զվարճալի պատմություն դպրոցական չարաճճի մի երեխայի մասին, որն անընդհատ հայտնվում է ամենատարբեր զվարճալի, զավեշտալի ու տարօրինակ իրավիճակներում։ Միջին դպրոցում նրա արկածներն անտարբեր չեն թողի ոչ մի երեխայի», - նշեց գրքի թարգմանիչ Ավետիս Հարությունյանը: 2010-ից մինչև 2016-ը ներառյալ գիրքն արժանացել է Nickelodeon Kids Choice մրցանակին։
Մատենաշարի երկրորդ գիրքը ավստրալաբնակ հայ նկարիչ և գեղարվեստական գրականության թարգմանիչ Սոնա Բաբաջանյանի հեքիաթն է՝ «Մուշի տարօրինակ ճամփորդությունը»: «Ինչո՞ւ Մուշ դժվարանում եմ ասել, բայց ուզում էի, որ հերոսը հայ լիներ: Քանի որ բնակվում եմ Ավստրալիայում, բոլոր գրքերը ավստրալացի երեխաների համար եմ ստեղծում: Մեկ մեկ վատ էի զգում, որ ոչ մի բան չեմ կարող անել մեր հայ երեխաների համար: Ուստի երբ գրքի մտահղացումր եղավ, որոշեցի անպայման գրել հայերեն ու անվանել Մուշ»,-շնորհանդեսի ժամանակ պատմեց Սոնան: Հեղինակը 6-9 տարեկան երեխաների համար հյուսել է մի հմայիչ պատմություն, որը նրանց տանում է զարմանալի արկածներով լի կախարդական ճամփորդության:
Մատենաշարի երրորդ գիրքը՝ «Կարգապահություն առանց դրամայի» ձեռնարկը, նախատեսված է ծնողների համար: Հեղինակները երկու ամերիկացի մանկական հոգեթերապևտներ են: Գրքի թարգմանիչ Վարդուհի Մկրտչյանի խոսքով սա հրաշալի ուղեցուց է ծնողների համար, թե ինչպես ճիշտ անցնել երեխայի դաստիարակության բոլոր դժվար փուլերով:
«Վստահ եմ, որ հայ ծնողները, օգտվելով այս գրքից, կհասկանան, որ կարգապահությունը, ոը սովորաբար վերածվում է արգելքի, պայքարի հետ, այնքան է այդպես չէ, և այն իրավիճակնեը, որում հայտնվում են ծնողները` երեխաների վատ վարքի պատճառով, կարող է նրանց համար դառնալ հնարավորություն, որպեսզի ոչ միայն այդ պահին շտկեն երեխայի պահվածքը, այլ հետագայում նույնպես»,-գիրքը ներկայացնելուց նշեց Վարդուհի Մկրտչյանը:
Մատենաշարի խորհրդանիշը «թռչող միաեղջյուրն» է, որի պատկերը գրքերի վրա է, իսկ երանգը հուշում է՝ որ գործն ինչ տարիքի համար է նախատեսված։ «Երազի» գրքերն ունեն նաև հատուկ՝ «հեքիաթ» տառատեսակ, որը հեշտ ընթեռնելի է։
«Երազ» մանկական մատենաշարը նախաձեռնել է Newmag հրատարակչությունը՝ «Երազ Փրոջեքթս»-ի հետ համատեղ:
Կարդա նաև
![«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը](https://newmag.am/public/front/assets/images/placeholder.jpg)
«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը
![«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով](https://newmag.am/public/front/assets/images/placeholder.jpg)
«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով
![3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը](https://newmag.am/public/front/assets/images/placeholder.jpg)
3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը
![«Հասարակ գիտություն» հաղորդման հյուրը Դավիթ Սարգսյանն է](https://newmag.am/public/front/assets/images/placeholder.jpg)
«Հասարակ գիտություն» հաղորդման հյուրը Դավիթ Սարգսյանն է
![21-րդ դարի 100 լավագույն գրքերը՝ ըստ The New York Times-ի](https://newmag.am/public/front/assets/images/placeholder.jpg)