«Նոր գիրք»-11/25. Փամուք, Մինաս, դեր Կոլկ
04/08/2025
«Արմենպրես» լրատվական գործակալությունը ներկայացնում է իր հեղինակային «Նոր գիրք» նախագիծը: Այն ամեն երկուշաբթի ընթերցողի դատին է հանձնում հայաստանյան հրատարակչությունների լույս ընծայած գրքերը:
Գործակալության էջերում ընթերցասերները հնարավորություն ունեն տեղեկատվություն ստանալ նոր գրքերի մասին, ծանոթանալ դասական գործերին և արդի գրականության զարգացման միտումներին:
Այս շաբաթ «Արմենպրես»-ն առանձնացրել է 2025 թվականին հրատարակված և հանրության դատին հանձնված տարբեր հրատարակչությունների ուշագրավ գրքեր՝ տարբեր խորագրերի ներքո:
Թարգմանական գրականություն. Օրհան Փամուք, «Ձյուն»
Առաջին անգամ 2006 թվականին հրատարակված «Ձյուն» վեպը մասամբ հիմնված է դեպի Կարս գրողի ճանապարհորդական նոթերի ու հիշողությունների վրա:Գլխավոր հերոս Քայի շուրջ ծավալվող վեպը ողբերգության, դրամայի ու հեգնանքի ընդհանուր տարրեր ունի:Կարս քաղաքում ծավալվող դեպքերը հետաքրքրական են նաև հայ ընթերցողին Հայոց Ցեղասպանության թեմային անդրադարձի պատճառով: Թարգմանությունը թուրքերենից՝ Արփի Աթաբեկյանի։
Խմբագիր՝ Արքմենիկ Նիկողոսյան։ Գիրքը լույս է ընծայել «Անտարես»-ը:
Մանկապատանեկան գրականություն. Մար Մինաս, «Էրիմենայի դուստրը»
Հայերն ունեն մի ասացվածք. «Մեկ օրն օտարության մեջ մեկ տարվա է հավասար»։ Քառասուն օր Անդրաշխարհում՝ երկրային կյանքի քառասուն տարի... Այս հեքիաթ-վիպակը հրաշալի մի պատմություն է այն մասին, թե ինչ մեծ գին է պատրաստ վճարելու մարդը սիրո, երջանկության համար:
Ամեն մարդ չէ, որ ի զորու է անցնելու ցավի, վախի, գայթակղության և ժամանակի փորձության միջով։ Ամեն մարդ չէ, որ պատրաստ է հանուն սիրելիի կտրել անցնելու Մահվան Ստվերի Հովիտը, Տառապանքի Բլուրները, Մենության Ավազները, Լացի Կիրճը, Դառը Հոգոցների Անապատը և Տրտմության Գետը։ Միայն անկեղծ և անձնուրաց սիրտն է ի զորու նման սխրանքի։
Ռուսերենից թարգմանությունը Աննա Աբասյանի։ Գիրքը լույս է ընծայել «Էդիթ Պրինտ»-ը:
Փաստավավերագրական գրականություն. Բեսել վան դեր Կոլկ, «Մարմինը ամեն ինչ հիշում է»
Տրավման արմատապես փոխում է մարդու ուղեղի կառուցվածքը, խախտում նյարդային համակարգի նուրբ հավասարակշռությունը և մարմնի ֆիզիոլոգիական ռեակցիաները։ Համաշխարհային ճանաչում ունեցող հոգեբույժ Բեսելվան դեր Կոլկն իր բեսթսելեր աշխատությունում բացատրում է, թե ինչու չեն մոռացվում ցավալի հիշողությունները, ինչպես են դրանք դրսևորվում ֆիզիկական և հուզական խնդիրների տեսքով, և ինչպես կարելի է հաղթահարել դրանց հետևանքները։ Հեղինակն իրական պատմությունների և գիտական հետազոտությունների միջոցով ներկայացնում է նորարար թերապևտիկ մոտեցումներ, որոնք յուրաքանչյուր ընթերցողի կօգնեն վերականգնել հոգեկան ու ֆիզիկական հավասարակշռությունը։
Թարգմանիչ՝ Աստղիկ Սարգսյան, Գոհար Գևորգյան։ Գիրքը լույս է ընծայել Newmag-ը։
Տարածել
Մարմինը ամեն ինչ հիշում է
Բեսել վան դեր Կոլկ
7800 ֏
Նկարագրություն
Տրավման արմատապես փոխում է մարդու ուղեղի կառուցվածքը, խախտում նյարդային համակարգի նուրբ հավասարակշռությունը և մարմնի ֆիզիոլոգիական ռեակցիաները։ Համաշխարհային ճանաչում ունեցող հոգեբույժ Բեսելվան դեր Կոլկն իր բեսթսելլեր աշխատությունում բացատրում է, թե ինչու չեն մոռացվում ցավալի հիշողությունները, ինչպես են դրանք դրսևորվում ֆիզիկական և հուզական խնդիրների տեսքով, և ինչպես կարելի է հաղթահարել դրանց հետևանքները։ Հեղինակն իրական պատմությունների և գիտական հետազոտությունների միջոցով ներկայացնում է նորարար թերապևտիկ մոտեցումներ, որոնք յուրաքանչյուր ընթերցողի կօգնեն վերականգնել հոգեկան ու ֆիզիկական հավասարակշռությունը։
Կարդա նաև
Medicine «Անունները չփոխել». Մարիաննա Հակոբյանի գիրքը՝ ծանր մանկության ու անպատասխան հարցերի մասին
«Քաղաքային խենթը», «Նոյը» եւ մենք բոլորս. Ռուսլան Սաղաբալյանի գրական երեկոն
«Քաղաքային խենթը ես եմ». ներկայացվեցին Ռուսլան Սաղաբալյանի 2 գրքերը
Երևանում կայացավ «Project Management Conference & Awards 2025» միջոցառումը՝ նախագծերի կառավարման տարվա գլխավոր իրադարձությունը