«Ստացել եմ սպառնալից նամակ՝ անձամբ Իսպանիայում Ադրբեջանի դեսպանի կողմից». Մագդա Թախտաճյան
![newmag-y-n](https://newmag.am/public/assets/images/news/6240/2470cbd8781f18476a15e0701c6c4b77.jpg)
Օրերս Newmag հրատարակչությունը հայ ընթերցողին ներկայացրեց արգենտինահայ գրող Մագդա Թախտաճյանի «Ռոջավա» վեպը: Այս առիթով գրքի հեղինակը Հայաստանում է, և 168TV-ի «Ռեվյու» հաղորդման ընթացքում զրուցել ենք նրա հետ: Քանի որ Մագդա Թախտաճյանը հայերեն չի խոսում, իսպ
Օրերս Newmag հրատարակչությունը հայ ընթերցողին ներկայացրեց արգենտինահայ գրող Մագդա Թախտաճյանի «Ռոջավա» վեպը: Այս առիթով գրքի հեղինակը Հայաստանում է, և 168TV-ի «Ռեվյու» հաղորդման ընթացքում զրուցել ենք նրա հետ: Քանի որ Մագդա Թախտաճյանը հայերեն չի խոսում, իսպաներենից հայերեն թարգմանության հարցում օգնել է թարգմանչուհի Սվետլանա Մարտիրոսյանը:
Մագդա Թախտաճյանի խոսքով՝ վեպի նպատակներից մեկն է՝ ավելի հանրայնացնել և տեսանելի դարձնել քուրդ կանանց պայքարը Էրդողանի և Բաշար Ասադի կողմից ստեղծված բռնապետական ռեժիմի դեմ, և հատկապես՝ պայքարելու Իսլամական պետություն ահաբեկչական խմբավորման դեմ, որը շատ կանանց գերի է վերցնում սեռական շահագործման նպատակով.
«Տարածաշրջանում մինչև հիմա ավելի քան 3000 կին կա գերության մեջ: Վեպի նպատակներից մեկն է՝ պայքարել հայրիշխանական մշակույթի դեմ, քանի որ այդ տարածաշրջանում այն շատ տարածված է: Այդ շրջանում կանայք չեն կարող որոշումներ կայացնել իրենց կյանքի վերաբերյալ և կախված են իրենց ամուսնու կամ իրենց հոր որոշումներից»:
Նրա դիտարկմամբ՝ միջազգային հանրության կողմից երկակի ստանդարտներ կան և՛ Ռոջավայի, և՛ Արցախի նկատմամբ, և՛ եղել են բոլոր պայքարների և դիմադրությունների ժամանակ. «Կեղծավորությունը պատերազմի, պայքարների և դիմադրությունների պատմության մեջ միշտ տեղ է ունեցել: Նմանատիպ որոշ բարդ հարցեր շատ հանրայնացված են և տեսանելի են աշխարհին, և կան այլ հարցեր, որոնք ընդհանրապես հասանելիություն չունեն: Մասնավորապես, Արցախի պարագայում այն հանգամանքը, որ 120 հազար մարդ 3 ամիս շարունակ շրջափակման մեջ է, կարելի է ասել՝ հանցանք է և ամոթ է ամբողջ աշխարհի համար: Թուրք-ադրբեջանական դաշինքը շատ հմուտ է գործում, նաև համագործակցում է Եվրոպայի հետ, քանի որ Եվրոպան չի ուզում, որ քուրդ և սիրիացի փախստականները մուտք գործեն իրենց երկրներ: Թուրքիայի ստրատեգիական դիրքն է, որ խոչընդոտում է միջազգային հանրությանը արտահայտվել թեկուզ Թուրքիայի դեմ: Թերևս, քաղաքական առումով այս արտահայտությունը կարող է կոշտ հնչել, բայց Բայդենի օրոք ԱՄՆ-ի կողմից Հայոց ցեղասպանությունը ճանաչվում է, և դրանից որոշ ժամանակ անց ուղարկվում է պատվիրակություն՝ Անկարայի հետ բանակցելու: Շատ կարևոր է, թե այս ամենին զուգահեռ՝ ում հետ են համագործակցում և ինչպես են իրենց դրսևորում գերտերությունները՝ ԱՄՆ-ը, Մեծ Բրիտանիան, Իսրայելը, Չինաստանը, Ռուսաստանը»:
Նա չի պատկերացնում խաղաղություն Թուրքիայի և Ադրբեջանի հետ, քանի որ հայատյացությունն այդ երկրներում պետական մակարդակով է տարածված. «Միակ հնարավորությունը, որ ինչ-որ փոփոխություն լինի, այն է, որ Թուրքիայի և Ադրբեջանի այդ քաղաքականությունը փոխվի, բայց Ադրբեջանում մանկապարտեզից երեխաներին սովորեցնում են հայերի դեմ երգեր, բանաստեղծություններ, տրամադրում են հայերի դեմ և մանկուց հայատյացությունը սերմանում նրանց մեջ: Սակայն, այս ամենը չի խանգարում, որ Արցախը շարունակի իր պայքարը՝ իր իրավունքների համար՝ օգտվելով նրանց օգնությունից, ովքեր ցանկանում են օգնել՝ լինի դա Հայաստանը, Սփյուռքը կամ միջազգային հանրությունը: Իրավիճակը կրիտիկական է, քանի որ գիտենք՝ ինչ պայմաններում են գտնվում շրջափակման մեջ գտնվող արցախցիները. Աշխարհի լռությունը ամոթալի և հանցավոր է, քանի որ մենք 21-րդ դարում ենք, և կան բոլոր հնարավոր միջոցներն այս խնդրի մասին բարձրաձայնելու և ավելի տեսանելի դարձնելու»:
Մագդա Թախտաճյանի վեպերը չեն ողջունվում ադրբեջանցիների կողմից, նրանցից բազմաթիվ սպառնալիքներ է ստացել, ավելին, Իսպանիայում ադրբեջանի դեսպանը փորձել է խանգարել և ամեն ինչ արել է, որ նրա «Արցախ» վեպի շնորհանդեսը Մադրիդում չկայանա:
«Սպառնալիքներն ինձ ընդհանրապես չեն անհանգստացրել, հակառակը՝ ինձ համար մեծ հպարտություն է, որ ես այնպիսի ստեղծագործություններ եմ գրում, որոնցում տեղ գտած ամբողջ պատմությունը ճշմարիտ է: Ես ստացել եմ սպառնալից նամակ անձամբ Իսպանիայում Ադրբեջանի դեսպանի կողմից»,- ընդգծեց նա:
Մանրամասները՝ 168TV-ի տեսանյութում
Կարդա նաև
![«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը](https://newmag.am/public/front/assets/images/placeholder.jpg)
«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը
![«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով](https://newmag.am/public/front/assets/images/placeholder.jpg)
«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով
![3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը](https://newmag.am/public/front/assets/images/placeholder.jpg)
3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը
![«Հասարակ գիտություն» հաղորդման հյուրը Դավիթ Սարգսյանն է](https://newmag.am/public/front/assets/images/placeholder.jpg)
«Հասարակ գիտություն» հաղորդման հյուրը Դավիթ Սարգսյանն է
![21-րդ դարի 100 լավագույն գրքերը՝ ըստ The New York Times-ի](https://newmag.am/public/front/assets/images/placeholder.jpg)