Newmag-ն ու Yeraz Projects-ը ներկայացնում են համաշխարհային բեսթսելլերի 4-րդ գիրքը՝ «Վտվտիկի օրագիրը. Օրեր շնիկի հետ» (թրեյլեր)

Ամառային արձակուրդը սկսվել է․ արևոտ օրեր են, հրաշալի եղանակ, և երեխաները ժամանակն անցկացնում են դրսում՝ խաղալով ու զվարճանալով։ Սակայն Գրեգ Հեֆլին նախընտրում է մնալ տանը՝ փակ վարագույրների հետևում և ամբողջ օրը տեսախաղեր խաղալով։

Գրեգն իրեն իսկական «տան մարդ» է համարում և վայելում է իր երազանքի ամառը՝ առանց պարտականությունների, դասերի ու սահմանափակումների։ Բայց նրա մայրիկը բոլորովին այլ պատկերացում ունի կատարյալ ամռան մասին։ Նրա կարծիքով՝ արձակուրդը պետք է լցված լինի ընտանեկան զբոսանքներով, բացօթյա զբաղմունքներով և միասին անցկացրած հաճելի ժամանակով։ 

Ո՞ւմ պատկերացումը կհաղթի, կկարողանա՞ Գրեգը շարունակել իր հանգիստ ու անհոգ առօրյան, թե՞ ընտանիքի ծրագրերը կփոխեն նրա ամբողջ ամառը։ Իսկ Հեֆլիների ընտանիքի նոր անդամն ի՞նչ անակնկալներ կբերի։

 Ջեֆ Քիննիի «Օրեր շնիկի հետ» զվարճալի և արկածներով լի պատմությունը Ջեֆ Քինիի «Վտվտիկի օրագիրը» հանրահայտ շարքի չորրորդ գիրքն է։ Ընթերցողներին սպասում են Գրեգի հումորային անհաջողությունները, ընտանեկան զվարճալի իրավիճակները և այնպիսի դեպքեր, որոնցում շատ երեխաներ հեշտությամբ կճանաչեն իրենց։

Ջեֆ Քիննին ամերիկացի մանկագիր, մուլտիպլիկատոր, դիզայներ և «The New York Times»-ի բեսթսելլերների հեղինակ է։ Հրատարակվելուց հետո «Վտվտիկի օրագիրը» շարքը դարձել է համաշխարհային ճանաչում ունեցող գրական երևույթ՝ վաճառվելով ավելի քան 280 միլիոն օրինակով։ Շարքը սիրվել է միլիոնավոր երեխաների կողմից՝ իր դիպուկ հումորի, հետաքրքիր կերպարների և նկարազարդումների շնորհիվ։

«Վտվտիկի օրագիրը» շարքի չորրորդ գիրքը հիանալի ընտրություն է այն երեխաների համար, ովքեր սիրում են զվարճալի պատմություններ, ընտանեկան արկածներ և Գրեգ Հեֆլիի անհավանական, բայց շատ ծանոթ թվացող աշխարհը։

Գրքի թարգմանիչ՝ Լիլիթ Գրիգորյան։