[ Արգելված սեքս ] Հայ սվինգ զույգի անկեղծ պատմությունը

Հայաստանը, չնայած լիբերալ կանխատեսումներին ու փաբային դաունթաունյան երիտասարդությանն, այնուամենայնիվ, պուրիտանական հասարակություն է: Հենց պուրիտանական, ոչ կրոնական ու ոչ էլ հայրիշխանական: Այդ իմաստով սեքսուալ նախասիրությունների մասին մեր մոտ նախընտրում են լռել: Ու ոչ թե այն պատճառով, որ դա ամեն մեկի անձնական գործն է կամ նախընտրությունը, այլ որովհետև գավառական հասարակությանը բնորոշ պուրիտանությունը կարող է քեզ դարձնել սպիտակ ագռավ կամ ուղղակի դուրսպրծուկ կամ հանրային լուսանցքից դուրս:
Հենց այդ պատճառով է, որ սեքսուալ նախասիրությունների մասին հայկական մամուլը հիմնականում կամ արտատպում է կամ հորինում հերոսներ: Դժվար է գտնել իրական հերոսներ, ովքեր կարող են խոսել: Մեր հերոսները այն եզակիցներից են, ովքեր իրական են և խոսում են, բայց անանուն:
Նրանց հասկանալը հեշտ է, չէ որ դժվար է բացատրել, թե ինչպես կարող է հայ տղամարդը կամ կինը տեսնել, թե ինչպես է իր զուգընկերը/զուգընկերուհին զբաղվում սեքսով ուրիշի հետ` հենց քո ներկայությամբ: Խոսքն անշուշտ սվինգերի մասին է: Եթե կարճ, որովհետև եթե գուգլեք, ավելին կհայտնաբերեք, սվինգերները մարդիկ են, ովքեր փոխանակվում են զույգերով:
Սվինգ զույգերը որպես կանոն լինում են ամուսիններ, կամ ծայրահեղ դեպքում՝ ամուր զույգեր: Սվինգի մասնակիցներն իրենց սվինգեր են անվանում: Միևնույն հայացքներ ունեցող զույգերի հետ շփումների և նոր զուգընկերներ որոնելու համար սվինգերները սովորաբար հավաքվում են հատուկ իրենց համար նախատեսված ակումբներում: Նրանք պնդում են, որ իրենց սեքսուալ պրակտիկան թույլ է տալիս բազմազան դարձնել անկողնային կյանքը՝ պահպանելով վստահությունը կողակցի հանդեպ: Սվինգը նաև դրդում է հետևել արտաքինին, ու լավ կազմվածք ունենալ: Սա` Արևմուտքում:
Հայաստանում չկան սվինգ ակումբներ, ու կարելի է ասել` չկան նաև սվինգերներ: Բայց ես Երևանում զրուցել եմ մի սվինգեր տղամարդու հետ: Հայ է, ակտիվ ֆեյսբուքյան օգտատեր: Ահա ինչու նրա նախապայմանը անանուն մնալն էր: Նա համաձայնեց պատմել իր և իր կնոջ սվինգային ժամանցի մասին, կամ ավելի ճիշտ` թե ինչպես դարձան սվինգ զույգ: Նրա պատմությունը ներկայացնում եմ գրեթե առանց փոփոխության:

♥

- Մենք արդեն 12 տարի ամուսնացած ենք և ժամանակ առ ժամանակ ապրում ենք նաև Երևանում: Կինս շատ հետաքրքիր և ուրախ մարդ է: Մեր սեքսուալ կյանքը գրեթե ամեն օր անցնում է ժամերով անկողմնում թավալվելով, ինչը, իմ կարծիքով, մեզ միայն օգուտ է տալիս: Բայց միշտ չէ, որ այդպես է եղել:
Մի քանի տարի առաջ մենք աբստրակատ նկարների ցուցահանդեսում ծանոթացանք նույն հետաքրքրությունն ունեցող  մի ամուսնական զույգի հետ, մտերմացանք և սկսեցինք շփվել հեռախոսով, ֆեյսբուքով, հազվադեպ էլ՝ հանդիպել: Մեկ-երկու անգամ նրանք մեզ հրավիրեցին երեկույթների, որոնք չափազանց ձանձրալի ու անիմաստ էին անցնում, քանի որ հավաքվածները խոսում էին աբստրակտ բաների մասին:
Մի երեկույթի ժամանակ մենք ծանոթացանք հետաքրքիր ամուսնական զույգի հետ. ամուսինը` ռուս, կինը` Լորան, ուկրաինուհի: Նրանք միանգամից միացան մեզ: Լորան բարձրահասակ, սլացիկ, սպիտակամաշկ կին էր: Նա ինձ միանգամից գրավեց իր աննկարագրելի էրոտիկ, նման երեկույթներին ոչ հարիր զգեստով: Այն բացում էր այն ամենը, ինչ սովորաբար թաքցնում են: Երբ նրա նուրբ, երկար մատները հայտնվեցին ափիս մեջ, ես անսովոր գրգռվածություն զգացի: Նա նայում էր ուղիղ աչքերիս մեջ և մատները դանդաղ սահեցնում ափիս միջով: Դենիսի՝ նրա ամուսնու հետ ձեռքսեղմումն արագ և ուժեղ էր: Դենիսը բարձրահասակ էր, ամրակազմ, ամբողջովին ճաղատ, կարծես Հոլիվուդի դերասան լիներ:
Քիչ անց մենք արդեն նստած էինք հարմարավետ պարտեզի տաղավարում՝ տանը թողնելով հավաքվածներին: Մենք շարունակում էինք խոսել աբստրակտ նկարների մասին, երբ Դենիսը գնաց տուն` բաժակը լցնելու: Հանկարծ ես զգացի Լորայի հայացքն ու ոտքը` իմ ոտքի վրա: Տաքությունը միանգամից խփեց դեմքիս: Կողքիս նստած էր կինս, և վախս դրանից կրկնապատկվում էր: Մեր հարաբերությունները միապաղաղ էին, ինչը նորմալ էր փոքր-ինչ իրարից ձանձրացած, բայց իրար սիրող զույգի համար: Եվ մեր` ռոմանտիկայից զուրկ, շաբաթը 2-3 անգամ սեքսը ոչ մի անակնկալ չէր խոստանում: Իմ կինն իր էությամբ «շուտ ավարտող» է, իմ ամեն երկրորդ շարժումն առաջացնում է նրա բարձր տնքոցն ու բուռն օրգազմը: Այդ պատճառով մենք մեր սեքսի մեջ ոչ մի նոր բարձունք չէինք փնտրում, բավարարվածության էլ շուտ էինք հասնում: Երբ նա մի քիչ հոգնում էր, մարմնիս վրա գտնում էր միայն երկուսիս հայտնի այն կետերը, որոնց հպումից ես միանգամից ժայթքում էի: Մեր համատեղ կյանքի ընթացքում ես ոչ մի անգամ չեմ մտածել ուրիշ կանանց մասին, չնայած կրքոտ պատանեկություն եմ ունեցել:
Իսկ հիմա երիտասարդ, գեղեցիկ կինն ինձ ուշադրության էր արժանացնում, այն էլ` հենց կնոջս ներկայությամբ: Լորան, նկատելով իմ շփոթմունքը, հետ քաշեց ոտքը: Ես միանգամից գնացի ինձ ու կնոջս խմիչք բերելու: Վերադառնալով տեսա, որ Դենիսը նստել է սեղանի մոտ ու զրուցում է հեռախոսով, իսկ կինս աշխույժ զրուցում է Լորայի հետ: Խոսակցությունը ռուսական էստրադայի երկու երգչուհիների հարաբերությունների մասին էր, և ինձ հետաքրքիր չէր: Ես ակամա սկսեցի փնտրել Լորայի վարքի պատճառը: Ես` 30 տարեկան, սովորական, զոքանչիս խոսքով՝ սատանայից մի քիչ սարսափելի մեկն եմ, որը ոչ մի կերպ չէր կարող հետաքրքրել Լորային: Հենց այս մտքերն էին իմ գլխում, երբ միացա խոսակցությանը:
Հանկարծ տեսա կնոջս անսովոր կարմրատակած դեմքը: Հետո հայացքս գցեցի սեղանի տակ ու նկատեցի Լորայի ձեռքը` կնոջս ծնկներին: Դենիսը, տեսնելով իմ շփոթվածությունը, առաջարկեց գնալ խմելու բան բերելու: Խմիչք լցնելու ընթացքում նա սկսեց պատմել, որ Լորան հետաքրքրություն ունի կանանց նկատմամբ, ու որ նա դրան նորմալ է վերաբերվում՝ հարգելով նրա ցանկությունները: Բայց ես դեռ զգում էի Լորայի հպումն ինձ: Ի՞նչ էր այս ամենը նշանակում: Կես ականջով լսելով Դենիսին՝ շրջվեցի, որ կրկին դուրս գամ պարտեզ ու տեսա, որ մեր կանայք արդեն ներսում են: Պարզվեց՝ անձրև էր սկսվել, և նրանք ստիպված էին եղել տուն մտնել:
Հյուրերը սկսել էին ցրվել: Ես ու Դենիսը հեռախոսահամարներ փոխանակվեցինք, երբ հանկարծ Լորան առաջարկեց երեկույթը շարունակել իրենց տանը, որը այնքան էլ հեռու չէր այդտեղից: Մերժելն անհարմար կլիներ, ես տեսնում էի, որ կնոջս այդ ամենը հետաքրքիր է: Ու բացի այդ, ինքս էլ հմայված էի Լորայով, և մենք գնացինք՝ հետևելով Դենիսի մեքենային: Նրանց տունը համեմատաբար փոքր էր, բայց անասելի հարմարավետ: Դենիսն ասաց, որ Լորան պրոֆեսիոնալ դիզայներ է, ու տունն ամբողջությամբ կառուցված ու զարդարված է նրա ճաշակով: Հյուրասենյակի ապակե դռները տանում էին դեպի փակ այգի, որտեղ 4 հոգու համար նախատեսված օվալաձև, փոքրիկ ջակուզի կար: Դենիսը կրկին սկսեց խմիչքով զբաղվել, Լորան էլ հանեց մի քանի փոքր ֆոտոալբոմներ, որոնցում միայն ներքնազգեստ էր: Այն, ինչ կատարվեց հետո, ապշեցուցիչ էր ու շոկային:
Նստեցինք հեռուստացույցի դիմաց, ու էկրանին հայտնվեց` Լորան ուրիշ կնոջ հետ: Աչքի պոչով նայեցի կնոջս ու տեսա, որ նա շունչը պահած նայում է: Հանկարծ ես զգացի Լորայի ձեռքը արմունկիս. նա նուրբ շոյում էր ինձ՝ ամենայն հավանականությամբ էկրանին տեղի ունեցածով տարված: Մյուս ձեռքով էլ դիպչում էր կնոջս՝ ճիշտ նույն կերպ շոյելով նրան: Դենիսն այդ ընթացքում վիսկի էր կոնծում: Թվում էր՝ այն, ինչ կատարվում է, նրան չի վերաբերում: Հետո էկրանին հայտնվեց Դենիսն ու միացավ կանանց: Նա սկսեց շոյել երկուսին, մինչ նրանք զբաղված էին իրարով: Հենց այդ պահին պարզ դարձավ, որ մենք մեկ այլ ամուսնական զույգի սեքսուալ հետաքրքրության օբյեկտն ենք դարձել:
Մենք լսել էինք սվինգերների մասին՝ ամուսինների, ովքեր փոխվում են զույգերով: Բնականաբար ոչ ես, ոչ կինս դրան պատրաստ չէինք, չնայած ես զգում էի, որ նրան հետաքրքիր է այդ ամենը: Բայց զարմանալի էր այն, որ Դենիսը ոչ մի հետաքրքրության նշան չէր ցուցաբերում կնոջս հանդեպ: Կամ գուցե ես չէի նկատում:
Լորան մեզ առաջարկեց մտնել լողավազան: Լողազգեստի բացակայության հարցը ինձ չէր հուզում, ես սպասում էի կնոջս ռեակցիային: Նա, ինձ համար անսպասելի, համաձայնեց, և մենք արագ մերկանալով ՝ թռանք պղպջակներով լի ջակուզիի մեջ: Լորան ու Դենիսը շատ համահունչ էին: Լորայի կրծքին նայելով ես զգացի, որ խենթանում եմ: Ես տեսնում էի, որ կինս գրգռված է իր տեսածով: Լորան հայտնվեց իմ աջ կողմում, կինս՝ ձախ, Դենիսը՝ դիմացս: Հանկարծ ես զգացի, որ միանգամից երկու ձեռք է պայքարում իմ՝ անդամի համար: Լորան այն փորձում էր վերցնել իր ձեռքի մեջ, կինս չէր թողնում: Ծիծաղելի վիճակում էի: Փրկելով դրությունը՝ ես սկսեցի կրքոտ շոյել կնոջս՝ մտածելով մյուսի մասին, ու շատ ուժեղ ցանկանալով նրան:
Կինս պատասխանում էր ինձ. նա ընդհանրապես արագ է գրգռվում շոյանքներից: Ականջի ծայրով լսում էի, որ տանտերերը ինչ-որ բանով են զբաղված: Պտտեցի գլուխս ու հանկարծ տեսա, որ կնոջս ձեռքը ձգված է Դենիսի կողմը: Չեմ ասի, որ դա ինձ դուր եկավ, բայց հենց այդ պահին Լորան միանգամայն գրավեց իմ ուշադրությունը՝ սկսելով համբուրել դեմքս, և նուրբ շոյելով ինձ՝ սեղմվեց: Ես հանձնվեցի՝ ամբողջովին տրվելով նրան: Դենիսը մեկնվեց դեպի կինս, և ես տեսա, որ նրանք համբուրվում են: Ես ու Լորան ինքնամոռաց շոյում էինք իրար, և իմ ձեռքը հայտնվեց նրա ոտքերի արանքում: Կիրքն ամբողջովին կլանեց ինձ, ես արդեն երկար տարիներ կնոջիցս բացի ոչ մի կնոջ չէի հպվել: Ես գլուխս կորցնում էի: Լորան ինձ առաջարկեց ննջարան գնալ: Մենք դուրս եկանք ջրից, սակայն կինս նայեց ուղիղ աչքերիս մեջ  ու շուրթերը բաց ու խուփ անելով հասկացրեց, որ միայն ինձ հետ է ուզում: Դա իմ պլանների մեջ չէր մտնում, ես ամբողջովին Լորայի հետ էի: Լորան ու Դենիսը, իհարկե, հասկացան, թե ինչ է կատարվում և նրբանկատորեն թողնելով մեզ՝ գնացին ննջարան:
Մենք հագնվեցինք, արագ հրաժեշտ տվեցինք, համբուրվեցինք ու դուրս եկանք: Կնոջս համար այդ ամենը  չափազանց նոր էր, ռիսկային ու էքստրեմալ, և ես հասկանում էի, որ նա խելամիտ է վարվել՝ չթողնելով, որ այդ ամենը շարունակվի: Տուն գալով՝ մենք նետվեցինք անկողին և ինքամոռաց սիրեցինք իրար ամբողջ գիշեր: Ավելի ուշ կինս խոստովանեց, որ վայրի սեքս էր ուզում Դենիսի հետ, բայց պատրաստ չէր ինձ տեսնել ուրիշ կնոջ հետ:
Մենք երկուսս էլ հասկանում էինք, որ մեզ հետ կատարվածն ընդմիշտ կփոխի մեր կյանքը, մենք հասկանում էինք, որ այլ զույգի հետ հանդիպումն ավելի մոտ ու ցանկալի կդարձնի մեզ: Հենց այսպես էլ մենք դարձանք սվինգերներ: Հաջորդ օրը Դենիսը զանգեց ու շնորհակալություն հայտնելով՝ առաջարկեց կրկին հանդիպել: Մենք մի քանի անգամ հանդիպեցինք, բայց նրանց հետ այդպես էլ սեքսով չզբաղվեցինք: Արտասահմանում ուրիշ շատ զույգերի հետ ծանոթացանք, բայց այդ մասին չեմ ցանկանում խոսել:

Հեղինակ` Սվետլանա Խասմուրադյան