Նկարագրություն
Ի՞նչ եղավ այն հայերի հետ, որոնք 1915 թվականին մնացին Օսմանյան կայսրությունում։ Պետական ի՞նչ քաղաքականություն էր որդեգրել Թուրքիան՝ նրանց նկատմամբ։ Ինչպե՞ս ստացվեց, որ 1920 թվականից հետո Խորհրդային Միությունն ուսումնասիրում էր Կարսի և Սևրի դաշնագրերը և լրջորեն քննարկում Կարսն ու Արդահանը Թուրքիայից հետ պահանջելու խնդիրը։
Խորհրդային Հայաստանի ներգաղթի հայտարարությունն ինչո՞ւհայտնվեց Խորհրդային Միության և Թուրքիայի՝ պատմական դիմակայության, բայց քաղաքական նոր կարգով և մեթոդներով ձևավորվող հարաբերությունների ճիշտ մեջտեղում և ամենավտանգավոր կետում։
Գիրք, որին սպասում էին հատկապես նրանք, ովքեր նկատում էին թուրք պատմաբանների ակտիվ աշխատանքը արխիվներում։ Այն արխվներում, որտեղ հնարավոր է գտնել փաստաթղթեր ու տեղեկություններ Հայոց ցեղասպանության, փրկվածների և ժառանգների մասին։ Այս անգամ արխիվներում մանրամասն և խնամքով աշխատել են երկու հայ թուրքագետներ։
Նրանք գտել և ներկայացնում են «խիստ գաղտնի»դասիչի ներքո պահված ու մինչև այս անհայտ տեղեկություններ այն հայերի մասին, որոնք բռնեցին էրգրից Հայաստան «փախուստի» ճանապարհը։ Ինչու և ինչպես՝ որոշեցին, եկան և մնացին․այս գրքում պատմում են հենց իրենք՝ Թուրքիայի հայերը և նրանց սերունդները։ Ցեղասպանության տրավմայից մինչև Հայաստանում գետոյացման գործընթաց․ ինչերի միջով են անցել հայրենադարձները։
Լրացուցիչ տեղեկություն
Օրիգինալ անունը Փախուստ Էրգրից
Կատեգորիան Գիտահանրամատչելի
ISBN 978-9939-884-66-0
Հրատարակության տարին 2022
Էջերի քանակը 344
Չափսը 14.5x22.3, կոշտ կազմ
Հեղինակներ
Նաիրա Պողոսյան
Նաիրա Պողոսյանը (ծնվ. 1988 թ․) ուսանել է Ռուս-հայկական (սլավոնական) համալսարանի միջազգային հարաբերությունների ֆակուլտետում: Միջազգայնագետի որակավորում ստանալուց հետո ուսումը շարունակել է ԵՊՀ արևելագիտության ֆակուլտետի թյուրքագիտության ամբիոնի մագիստրատուրայում, ապա ասպիրանտուրայում: 2016 թ. պաշտպանել է թեկնածուական ատենախոսություն: 2011-ից ԵՊՀ արևելագիտության ֆակուլտետի դասախոս է, հեղինակ է քսանից ավելի գիտական հոդվածների:
Ռուբեն Մելքոնյան
Ռուբեն Մելքոնյանը (ծնվ. 1979 թ.)ուսանել է ԵՊՀ արևելագիտության ֆակուլտետի թուրքագիտության ամբիոնում: 2005-ին պաշտպանել է թեկնածուական ատենախոսություն, 2019-ին՝ դոկտորական ատենախոսություն և ստացել պատմական գիտությունների դոկտորի գիտական աստիճան: 2003-ից դասավանդում է ԵՊՀ թուրքագիտության ամբիոնում։ 2018-ին ստացել է պրոֆեսորի կոչում, ԵՊՀ արևելագիտության ֆակուլտետի դեկանն է: Նա համահեղինակ և հեղինակ է 2 բուհական դասագրքի, յոթ մենագրության, յոթ տասնյակից ավելի գիտական հոդվածների:
Թողնել կարծիք