Newmag-ը հաղթել է ԵՄ «Ստեղծարար Եվրոպա» ծրագրի մրցույթում. կթարգմանվի եվրոպական 6 մրցանակակիր, ժամանակակից վեպ

Գրեթե 10 տարի անցկացվող այս մրցույթին մասնակցում են Արևելյան Եվրոպայի և ԱՊՀ երկրների 200-ից ավելի հրատարակչություններ։ Առաջին անգամ այս մրցույթում հաղթել է Հայաստանը: Newmag-ը առաջին հայկական հրատարակչությունն է, որի ներկայացրած ծրագիրը արժանացել է հավանության, հաղթել մրցույթում և շահել դրամաշնորհ։

Newmag-ի ներկայացրած ծրագիրը կոչվում է «Ճգնաժամի թեման եվրոպական գրականությունում»։ Նախագծի նպատակն է թարգմանել եվրոպացի գրողների 6 գիրք հայերեն և հայ գրողի 1 գիրք ֆրանսերեն և գերմաներեն: Նախագծի նպատակն է հայկական գրաշուկա բերել տարբեր գրական ձայներ:

Բուլղարիայի, Գերմանիայի, Հունաստանի, Իտալիայի, Իսպանիայի և Շվեդիայի ընտրված գրքերը ներկայացնում են տարբեր տեսակի ճգնաժամեր՝ տարիքային, սոցիալական, տնտեսական, քաղաքական կամ պատերազմական:

Թարգմանական գրականության բազմազանության բացակայությունը հանգեցնում է մշակութային փոխանակման բացակայությանը: Բուլղարիայի, Գերմանիայի, Հունաստանի, Իտալիայի, Իսպանիայի և Շվեդիայի ընտրված գրքերը ներկայացնում են տարբեր տեսակի ճգնաժամեր՝ տարիքային, սոցիալական, տնտեսական, քաղաքական կամ պատերազմական:

Նախագծի նպատակն է թարգմանել գրական ստեղծագործություններ, որոնք արտացոլում են ամենադժվար հանգամանքներում և ծայրահեղ անհրաժեշտության իրավիճակներում հայտնված առավել խոցելի մարդկանց՝  փախստականների, տարեցների, էթնիկ, տարածքային և քաղաքական հակամարտությունների մեջ ներգրավվածների իրական պատկերը:

Այս նախագծով հայ ընթերցողին կներկայացվեն գրքեր, որոնք կօգնեն հաղթահարել  հետկորոնավիրուսային և հետպատերազմյան ճգնաժամը: Ճգնաժամի պատմությունները ցույց են տալիս, որ մարդիկ միայնակ չեն իրենց դժվարություններում, ավելին, շատ հաճախ այդ խնդիրները նույնն են, ճիշտ այնպես, ինչպես դրանց առերեսումն ու հաղթահարումը։

Մայիսի 16-ին, ժամը 13։00-ին Անի Գրանդ հյուրանոցում կազդարարվի ծրագրի մեկնարկը և կներկայացվեն առաջին երկու վեպերը։

Ճգնաժամի թեման եվրոպական 6 գրքերում ներկայացված է տարբեր տեսանկյուններից, տարբեր  մշակութային միջավայրերում։ Դրանք ապացուցում են, որ ճգնաժամը, որտեղ էլ որ դրա պատճառները լինեն, կարող է և միշտ հաղթահարվում է անձնական կամքով և քաջությամբ, համատեղ և միասին:

Եվրոպական 6 վեպերից 2-ն արդեն պատրաստ են։ Մայիսի 16-ին, ժամը 13։00-ին Անի Գրանդ հյուրանոցում կազդարարվի ծրագրի մեկնարկը և կներկայացվեն առաջին երկու վեպերը։