Ռուսաստանում մելդրոնիումին փոխարինող են գտել, ավելի լավը

Մելդրոնիումը թույլատրելի դեղամիջոց էր, որը դոպինգ համարվեց շատ պատահաբար: Գուցե մտածված: WADA-ի մսաղացի տակ ընկան հիմնականում ռուս մարզիկներն ու զրկվեցին իրենց նվաճած մեդալներից: Գլխավոր զոհը Մարիա Շարապովան էր: Հիմա ռուսները մելդրոնիումին փոխարինող են գտել, բայց չեն ասում դրա անունը:
Մելդրոնիումին փոխարինող հայտնաբերել է բժշկա-կենսաբանական դաշնային գործակալությունը (FMBA): Այս մասին հայտնել է գործակալության ղեկավար Վլադիմիր Ուիբան: Խոսքը մի քանի դեղամիջոցների մասին է, որոնք Համաշխարհային հակադոպինգային գործակալությունը չի ընդգրկել արգելվածներ դեղամիջոցների ցուցակում: Ընդ որում, Վլադիմիր Ուիբանը հայտարարել է, որ դրանք ավելի լավ են գործում:

---

Մելդրոնիումի ու նրա զոհերի մասին`

• Մելդրոնատացում. Դոպինգ-սկանդալի վերադարձը ռուսական սպորտ


• Ռիոն`վտանգված. Շարապովայի դոպինգային սկանդալի հետևանքը


• Մելդոնիումի սարսափը. Հռիփսիմե Խուրշուդյանն օգտագործե՞լ էր դոպինգ


• Ո՜վ խթանի, ո՜վ հաղթի. դոպինգային պատերազմներ

---

«Մելդրոնիումն արդեն ակտուալ չէ»:
Մելդտոնատին փոխարինող դեղամիջոցի անունը FMBA-ի ղեկավարը դեռեւս չի հայտնել` համաձայն հեղինակային իրավունքի օրենքի:

• Մելդրոնիումը WADA-ի արգելված դեղամիոցների ցանկում ընդգրկվել էր 2016 թվականի հունվարի 1-ից: Այս դեղամիջոցը մեծ հեղինակություն ուներ Ռուսաստանի եւ ԽՍՀՄ նախկին երկրների մարզիկների մոտ:


• Մելդրոնիում օգտագործելու պատճառով երկու տարով որակազրկվել էր ռուս թենիսիստուհի Մարիա Շարապովան: Ավելի ուշ Շարապովայի որակազրկումը կրճատել էին` դարձնելով 15 ամիս:


• Մելդրոնիումի դոպինգ թեստերը դրական արդյունք են ունեցել նաեւ Ռուսաստանի այլ մարզիկների մոտ` լողորդներից մինչեւ գողասահորդներ: Նրանց հաստատել են, որ WADA-ի արգելքից հետո դադարել են օգտագործել այլ դեղամիջոցը:


• 2016 թվականի ապրիլին Համաշխարհային հակադոպինգային գործակալության համար մեծ նշանակություն ունեցավ մոլդրոնիումի ստուգումը: Դրանից հետո շատ ռուս մարզիկների վրայից հանվեց այդ դեղամիջոցն օգտագործելու մեղադրանքը:

Աղբյուրը