FRANCOFEST. Newmag-ն առաջին անգամ Հայաստանում կանցկացնի ֆրանսիական գրքի փառատոն
Newmag-ը, «Աքսել Մոնդրիանն» և «Պողոսյան հիմնադրամը» ներկայացնում են Ֆրանսիական գրքի առաջին փառատոնը։ FRANCOFEST-ը տեղի կունենա սեպտեմբերի 9-ին, Երևանի «Սիրահարների այգում»։ Փառատոնը կսկսվի կեսօրին ու կտևի մինչև ուշ երեկո։ Ձեզ սպասվում է ֆրանսիական բովանդակությամբ հագեցած օր՝ նոր գրքեր, քննարկումներ, երաժշտություն, պոեզիա, հումոր և արտադրանք. այն ամենը, ինչ մեզ հիշեցնում է ֆրանսիականը։
2021-ի ամռանն առաջին անգամ Newmag հրատարակչությունն անցկացրեց գրքի փառատոն։ Ընթերցասերների բուռն արձաքանգից հետո այն դարձավ ամենամյա ու տարվա ընթացքում երկու անգամ՝ ամռանն ու ձմռանը։ Այս տարի Summer և Winter փառատոններին ավելանում է նաև FRANCOFEST-ը, որի ընթացքում կներկայացվի միայն ֆրանսիական բովանդակություն։
Newmag հրատարակչությունը պատրաստել է չորս նոր գիրք` բացարձակ բեսթսելլեր.
- Բելգիացի բարոնուհի Ամելի Նոտոմբի ինտելեկտուալ և հումարոյին գործը՝ «Կապույտ մորուքը»
- Շվեյցարացի գրող, նոր մեգաաստղ Ժոել Դիկերի գրական սենսացիա վեպը՝ «Ամբողջ ճշմարտությունը Հարի Քվեբերտի մասին»
- Անդրեյ Մակինի նոր վեպը՝ «Հայ ընկերը»
- Եվ վաճառքի բացարձակ ռեկորդակիր, Անյես Մարտեն-Լուգանի սիրային դրաման՝ «Երջանիկներն ընթերցում են և սրճում»։
Փառատոնը կունենա մի քանի լոկացիա՝ ռելաքս զոն, շնորհանդեսների ու ներկայացումների հարթակ, գրքի տոնավաճառ: Եվ իհարկե, կգործի գրքային մեծ զեղչ՝ միայն FRANCOFEST-ին newmag-ի գրքերը կարող եք ձեռք բերել 40% զեղչով։
FRANCOFEST-ի համար Newmag-ը կազմել է հագեցած ժամանակացույց։ Առանց դադարի ու միաժամանակ տարբեր լոկացիաներում հանդես կգան հայտնի ֆրանսիական բրենդներ, կհնչի շուրջօրյա ֆրանսիական երաժշտություն, կանցկացվի Ֆրանսերենի էքսպրես դաս մեծերի ու փոքրերի համար, սպասվում է փարիզյան կյանքի մասին սթենդափ, թատերականացված ընթերցում, քննարկում-զրույց գրողների հետ, ինչպես նաև խաղարկություն և հյուրասիրություն և վերջում գալահամերգ. ֆրանսիականի հայկական նոտան՝ Lyoka ու Gorgeouz Beats-ից։
Փառատոնին կմասնակցեն Ֆրանկոֆոն երկրների դեսպաններ։ FRANCOFEST-ն ուղիղ եթերում կհեռարձակի Armenian Buisness News հեռուստաընկերությունը։
Ֆրանսիական գրքի առաջին փառատոնի հովանավորներն են ACBA, ACBA LEASING, OPRINT, աջակիցը Ohanyan Brandy-ն, ինֆորմացիոն աջակիցը` ABNews-ը։
Հիշիր փառատոնի ամսաթիվը. սեպտեմբերի 9-ին, Սիրահարների այգի. Կեսօրից մինչև...որքան կամենաք։ Մուտքն ազատ է: