Տիգրան Հայրապետյանի «Պատերազմ և քաղաքականություն» գրիք առաջին օրինակը փոխանցվել է նրա անվան գրադարան (տեսանյութ)

Մխիթար Սեբաստացի կրթահամալիրի սաներին հենց մուտքից է հարազատ դառնում Տիգրան Հայրապետյանի կերպարը: Նրա անվան գրադարանում աչքի լույսի պես են պահում վերլուծաբանին վերաբերող ամեն ինչ՝ ժողովածուներ, տեսանյութեր, ամսագրեր: Ամեն տարի մարտի 1-ից գրադարանում աժիոտաժն ավելի է մեծանում։ Սկսվում են տիգրանհայրապետյանական օրերը՝ հասարակագիտական ստուգատեսներով, մրցանակաբաշխությամբ՝ ներկայացնում է պատմության ուսուցիչ Վարդան Կարապետյանը. «Հանրակրթական դպրոցներում շրջեք՝ կճանաչե՞ն Տիգրան Հայրապետյանին, չի գտնվի դպրոց, մեր կրթահամալիրը եզակի է»:

Տիգրան Հայրապետյանի՝ այս տարվա մրցանակին հավակնող Կարինե Գոմցյանը ժամերով առանձնանում է Ղարաբաղյան հակամարտությանը վերաբերող հոդվածով՝ խորանում է ամենաարդիական խնդրի մեջ. «Մեր օրերում դա շատ արդիական է, կգրեմ վերլուծություն։ Իր մոտեցումը, որ պետք է մեր խնդիրներն ինքներս լուծենք։ Միայն մեր պատասխանատվության ներքո է, չդիմել այլ պետությունների օգնությանը»:

Այս պատկերն է գրադարանի տարբեր հատվածներում. բոլորի շուրթերին 1990-ականներին գրված մտքերն են, որոնք կարծես այսօրվա մասին են։  Անցած տարվա մրցանակակիր Անահիտ Ասատրյանը տպավորված է «3-րդ աշխարհամարտի մատույցներում» գրքով ու հատկապես այն տողերով, որոնք պետության ոչնչացմանն են վերաբերում. «Այն, որ պետության ոչնչացումից է խոսում, պետությունը կա, բայց ոչնչացված է։ Երևում է, որ կանխատեսումներ ուներ, և մտածում էր անցյալից եկող խնդիրները, որ ուղեկցելու են ապագա, որ հասարակությունը կոնսոլիդացված չէ»:

Կարդացեք նաև

• Newmag-ը ներկայացնում է Տիգրան Հայրապետյանի «Պատերազմ և քաղաքականություն» գիրքը. Նրա ծննդյան օրը կլինի գրքի շնորհանդես, պանելային քննարկում և մրցանակաբաշխություն (թրեյլեր)
• Ֆոտոռեպորտաժ՝ Տիգրան Հայրապետյանի «Պատերազմ եւ քաղաքականություն» գրքի շնորհանդեսից
• Մեծ հանդիսավորությամբ տեղի ունեցավ Տիգրան Հայրապետյանի «Պատերազմ և քաղաքականություն» գրքի շնորհանդեսը (տեսանյութ, լուսանկաներ)
• Խաբեությանը կուլ գնացող ժողովուրդը ոչ թե զոհ է, այլ մեղսակից՝ քաղաքագիտական սուր մտքեր Տիգրան Հայրապետյանից (տեսանյութ)​
• Քաղաքագետներն ու խմբագիրները՝ անկախ Հայաստանի եզակի քաղաքագետ Տիրգրան Հայրապետյանի մասին (տեսանյութ)
• Տիգրան Հայրապետյան. պիտի լինենք ժողովրդավարական երկիր, չլինենք՝ կստիպեն (տեսանյութ)