Քաղաքագետներն ու խմբագիրները՝ անկախ Հայաստանի եզակի քաղաքագետ Տիրգրան Հայրապետյանի մասին (տեսանյութ)

Ըստ  Տիգրան Հայրապետյանի մտերիմ ընկեր, քաղաքագետ Աղասի Ենոքյանի, կոմպլեմենտարիզմի գաղափարը հենց Հայրապետյանն է դրել շրջանառության մեջ. «Ոչ միայն կարևոր մտքեր է արտահայտել, այն այն ժամանակ հայոց լեզուն չուներ քաղաքագիտական բառապաշար․ հընթացս քաղաագիտության բառարան էր ստեղծում, որից հիմա օգտվում ենք»:  

Երբ սկսեց հոդվածներ գրել, հրապարակվում էր  ոչ պետական թերթերում: Քաղաքագիտությունը նոր ստեղծվող, զարգացող ուղղություն էր Հայաստանում ու շատերը սովորում էին հենց նրա հոդվածների միջոցով. «Նրա մոտեցումը ԼՂ-ի հարցով այն էր, որ Արցախը պետք է պահել․ հիմնական քաղաքագիտական մոտեցումն այն էր, որ առանց Արցախի Հայաստանն  իրենից քաղաքական միավոր չի ներկայացնում տարածաշրջանում։ Արցախը կորցնելով, կկորցնենք ՀՀ նշանակությունը ռեգիոնի համար»։

Տիգրան Հայրապետյանի հոդվաները տպագրվում էին «Ազգ» օրաթերթում: Ըստ խմբագիր Հակոբ Ավետիքյանի, 1993-1995 թվականներին խմբագրությունում, կարծես, մի առանձին խմբագրություն էր հավաքվել. «Վերլուծաբանների խումբ էր՝ Տիգրանի հավաքած։ Սկսվեց նրանից, որ մեզ մի քանի հոդված բերեց: Տիգրանին շատ էի հավանում, բազմակողմանի զարգացած անձնավորություն էր»։  

Մինչև Newmag-ի «Պատերազմ և քաղաքականություն» գիրքը, նրա հոդվածները միայն արխիվներում էին, հիմա մի գրքով ամբողջացվել են տարբեր տարիներին տարբեր լեզուներով քաղաքագիտական եզակի մտքերը: Առավոտ թերթի խմբագիր Արամ Աբրահամյանի խոսքով, մեկ հատորի մեջ հնարավոր է տեսնել 30 տարվա պատկեր. «Տիգրանի հոդվածները միշտ հետաքրքիր էին, և հրատարակվում էին ամբողջությամբ։ Եթե տեղական խնդիրների մասին էր գրում, դա դիտարկում էր տարածաշրջանի տեսանկյունից։ Նա պոպուլիստ չէր․ չէր գրում այն, ինչ կարող է դուր գալ ընթերցողներին։ Գրում էր այն, ինչ մտածում էր»:

Քաղաքականապես կողմնորոշված, արժեքային համակարգով,  բայց ամենակարևորը՝ քաղաքական խրամատների մեջ չմտնող քաղաքագետ էր՝ ընդգծում են գործընկերներն ու հավելում՝  Տիգրանը միշտ գրում էր՝ ելնելով իր արժեքային համակարգից։

Կարդացեք նաև

• Newmag-ը ներկայացնում է Տիգրան Հայրապետյանի «Պատերազմ և քաղաքականություն» գիրքը. Նրա ծննդյան օրը կլինի գրքի շնորհանդես, պանելային քննարկում և մրցանակաբաշխություն (թրեյլեր)
• Ֆոտոռեպորտաժ՝ Տիգրան Հայրապետյանի «Պատերազմ եւ քաղաքականություն» գրքի շնորհանդեսից
• Մեծ հանդիսավորությամբ տեղի ունեցավ Տիգրան Հայրապետյանի «Պատերազմ և քաղաքականություն» գրքի շնորհանդեսը (տեսանյութ, լուսանկաներ)
• Խաբեությանը կուլ գնացող ժողովուրդը ոչ թե զոհ է, այլ մեղսակից՝ քաղաքագիտական սուր մտքեր Տիգրան Հայրապետյանից (տեսանյութ)​​​​​​​