Ինչպե՞ս երեխային անվտանգ տեղափոխել մեքենայով․ ահա 7 կանոն
1. Կապել ամրագոտին
Երեխան և մեքենայում գտնվող մյուս ուղևորները պետք է կապեն ամրագոտիները: Մինչև 12 տարեկաններին կարելի է նստել մեքենայի միայն հետևի նստարանին, որտեղ պետք է լինեն ամրագոտիներ: Բացի այդ, երեխայի անվտանգությունն ապահովող միջոցները պետք է համապատասխանեն երեխայի քաշին և հասակին: Այս կանոնը պարտադիր է բոլորի համար:
2. Ճանապարհին չուտել
Ոչինչ մի տվեք երեխային երթևեկության ընթացքում: Մի կերակրեք ու մի խմեցրեք նրան: Դա անմիջական վտանգ է երեխայի կյանքի համար: Անհրաժեշտության դեպքում կանգ առեք, փոքրիկ ընդմիջում կազմակերպեք, սնվեք ու նոր միայն շարունակեք ընթացքը:
3. Դեղատուփ
Նախապես պատրաստեք դեղատուփն անհրաժեշտ բոլոր դեղամիջոցներով: Պարտադիր են վիրակապերը, ցավազրկողներն ու մանկական նուրոֆենը, պարացետամոլը: Մի մոռացեք նաև հակաալերգիկ ու այրվածքների դեմ միջոցների մասին: Բացի այդ, անհրաժեշտ է մկրատը, ռետինե վիրակապն ու գրպանի լապտերը:
Կարդացեք նաև․
- Իմ երեխան ճանապարհորդում է միայնակ. Ի՞նչ է անհրաժեշտ իմանալ
- Ի՞նչ սովորեցնել երեխային՝ ապագայում հաջողության հասնելու համար
- Ծնողական հսկողություն. Ինչպե՞ս հետևել երեխային, բայց միևնույն ժամանակ չափը չանցնել
4. Փականները փակ պահեք
Մեքենայի դռները պետք է փակ լինեն: Ոչ մի դեպքում դրանք բաց մի թողեք, քանի որ կտրուկ թեքվելու ժամանակ դրանք կարող են բացվել ու երեխան պարզապես դուրս կընկնի մեքենայի սրահից: Երեխան կարող է պատահաբար ինքնուրույն բացել դռները: Այդ պատճառով, դռների փակ փականներն անվտանգության երաշխիք են:
5. Դեակտիվացրեք պատուհանների էլեկտրոնային բարձրացման կոճակները
Հետևեք, որ երեխան չկարողանա օգտագործել պատուհանների էլեկտրոնային բարձրացման համար նախատեսված կոճակները: Դա կարող է ոչ միայն վնասել երեխայի մատները, նաև կյանքին սպառնալ: Վիճակագրության համաձայն երեխաները մահանում են մեքենայի սրահում հենց այդ կոճակների ակտիվ լինելու պատճառով: Նրանք հանում են գլուխը պատուհանից և պատահաբար սեղմելով կոճակը չեն կարողանում գլուխը ներս բերել ու խեղդվում են:
6. Երեխային մեքենայում միայնակ մի թողեք
Նույնիսկ կարճ ժամանակով: Նույնիսկ եթե երեխան քնած է: Երեխային սրահում միայնակ մի թողեք:
7. Սրահում կարգուկանոն պահպանեք
Սրահը պետք է ազատ լինի: Անպետք իրեր մի թողեք սրահում: Եթե, այդուհանդերձ, սրահում ծանր իրեր եք տեղափոխում, անպայման ֆիքսեք դրանք:
Տարածել
Կարդա նաև
Անակնկալ Արմեն Դավթյանին. նոր գիրքը հրատարակվել է բանաստեղծից գաղտնի (լուսանկարներ)
Newmag-ը հրատարակել է Արմեն Դավթյանի «Հազարամյակների և օրերի միջով» պոեզիայի ժողովածուն (թրեյլեր)
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)