Ինչի՞ մասին է Ֆրանսիայի նախագահ Էմանուել Մակրոնի «Հեղափոխություն» գիրքը (տեսանյութ)
Ֆրանսիայի ամենաերիտասարդ նախագահի «Հեղափոխություն»-ը` հայերեն: newmag հրատարակչական ընկերությունը Ֆրանոկֆոնիայի համաշխարհային համաժողովից ու Էմանուել Մակրոնի հայաստանյան այցից ընդամենը մեկ աբաթ առաջ ներակյացնում է հեղափոխություն գիրքը:
«Սա Մակրոնի ընտրարշավը ներկայացնող գիրք է: Մակրոնն արդեն մեկ տարի նախագահ է, ուստի սա նաեւ ժամանակակից, այսօրվա Ֆրանսիայի մասին գիրք է: Ֆրանսիայի, որը համաշխարհային թատերաբեմում ուզում է ակտիվ մասնակցություն ունենալ», -ասում է ՀՀ-ում Ֆրանսիայի դեսպան Ջոնաթան Լաքոթ:
Եթե ուզում եք ճանաչել Ֆրանսիայի նոր նախագահին, որն ընդամենը մեկ շաբաթից գալու է հայաստան, ուրեմն կարդացեք այս գիրքը: Մակրոնն իր հեղափոխություն գրքում պատմում է իր կյանքի, իր նախընտրական արշավի ու ֆրանսիայի մասին իր պատկերացումների մասին: newmag ընկերությունը շարունակում է ոչ գեղարվետսական գրքերի թարգմանությունն ու հրատարակումը: Հեղափոխությունն առաջին եվրոպական քաղաքական բեսթսելլերն է, որը հրատարկվում է հայերեն: Ու չնայած այն ֆրանսիական ներքաղաքական իրադարձութունների մասին պատմող գիրք է, Հրատարակչական ծրագրի ղեկավար Արտակ Ալեքսանյանը վստահ է, այն պետք է կարդալ:
«Բալզակը, Ռեմբոն կարեւոր են, բայց գրողների միջոցով չես կարող ճանաչել երկիրը: Եթե ուզում ես իմանալ՝ ի՞նչ է կատարվում Ֆրանսիայում, ի՞նչ է մտածում ֆրանսիացի ժողովուրդը, ի՞նչ մտահոգութուններ ունի ֆրանսիական հասարակությունն ու ինչպե՞ս է ֆրանսիայի գործող իշխանությունը լուծում դրանք, ապա պետք է կարդալ»,-ասում է newmag հրատարակչական ծրագրի ղեկավար Արտակ Ալեքսանյանը:
Պարզ, հասկանալի, նույնիսկ ժողովրդական լեզվով` բարդ քաղաքական թեմաների մասին: Սա գիրք է, հատկապես իշխանավորների ու այդ իշխանավորներին ընտրողների ընթերցանության համար:
«Իշխանավորները պետք է կարդան բարձրակարգ քաղաքագիտական մտքեր ձեւակերպելու համար: Մակրոնը իդեաների հեղեղ է տալիս: Աշխարհի դիմագիծը կառուցելու պատասխանատվության մասին է: Եթե խոսում ենք, որ հայերն էլ են համաշխարհային քաղաքակրթության մաս կազմում, պետք է դուրս գան լոկալ նեղ իրավիճակներից»-ասում է «Հեղափոխություն» գրքի խմբագիր Գնել Նալբանդյանը:
Կարդացեք նաև.
5 պատճառ, թե ինչու պետք է գնել «Ռոնալդու» գիրքը
- Տեղի ունեցավ «Թքած ունենալու նուրբ արվեստը» գրքի շնորհանդեսը
Գիրքը թարգմանել է առաջին մասնագիտությամբ լեզվաբան Արտակ Հերիքյանը: Երեք շաբաթ անքուն գիշերներ է անցկացրել, ու առաջին անգամ պրոֆեսիոնալ թարգմանություն արել:
«Համահեղինակ եմ Մակրոնի հետ, բավականին դժվար է, գիրքը ֆրանսիական լսարանի համար է և շատ բան պետք չէ բացատրել, բայց հայկական լսարանի համար պետք է: Վատ չի ստացվել», - ասում է գրքի թարգմանիչ Արտակ Հերիքյանը:
Հեղափոխություն գիրքը պետական համակարգերը փոխելու, կարծրատիպերը կոտրելու մասին է: Այդպիսին է նաեւ գրքի շապիկը` պարզ, անմիջական, նոր ու հեղափոխական:
«Անջրպետ կա քաղաքական գործիչների ու ժողովրդի միջեւ: Սա լավ օրինակ է, լեզուն, շապիկը, տեսքը, հայացքը, որպեսզի անջրպետը վերանա», - ասում է գրքի դիզայներ Էդիկ Պողոսյանը:
Գիրք, որում համաշխարհային քաղաքականության առանցքային դերակատար, Հայաստանի բարեկամ երկրի գործող նախագահի ազդեցիկ վկայություններն են` հասարակության մեջ ու աշխարհում փոփոխություններ անելու մասին: Գիրքը հրատարակվել է Մշակույթի նախարարության ու Ագբա-Կրեդիտ Ագրիկոլ բանկի աջակցությամբ: Էմանուել Մակրոնի Հեղափոխություն գիրքը արդեն բոլոր գրախանութներում է:
[embed]https://www.youtube.com/watch?v=SsCRcTvLIDw[/embed]
Հետևեք newmag-ին Telegram-ում և Instagram-ում
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)