Ո՞ւմ շնորհիվ լույս տեսավ «Ռոնալդու» գիրքը և ինչպե՞ս հայերեն տարբերակում ավելացավ նոր գլուխ
Գրքում անծանոթ անուններ կամ տերմիններ հանդիպելիս պարզապես հայացք գցեք էջի ներքեւի հատված, ծանոթացեք դրա բացատրությանը եւ շարունակեք ընթերցանությունը: Հայ ընթերցողի համար ծանոթագրությունները կատարել է ֆուտբոլային վերլուծաբան Արմեն Նիկողոսյանը։ Նա ոչ միայն կատարել է ծանոթագրությունները, այլև ստուգել է հայերեն թարգմանությունը։
Գրքի ամբողջ ընթացքում ընթերցողին ուղեկցելու են ֆուտբոլային տերմիններ, հայտնի ու անհայտ ակումբների, ֆուտբոլիստների անուններ, որոնք հնարավոր է, շատերին ծանոթ չլինեն: Ֆուտբոլային վերլուծաբան Արմեն Նիկողոսյանն առանձնացրել է այն հատուկ անունները, տերմինները, որոնք ընթերցողին կօգնեն ավելի լավ հասկանալ գիրքը. «Բացատրագրերը գրքի բնօրինակում չկային, բայց քանի որ գիրքն ուղղված չէ միայն ֆուտբոլասերներին, այլ ուղղված է հանրության լայն շրջանին, որոշեցինք բացատրագրեր կազմել: Կարծում եմ, մեկտեղված են բավականին շատ փաստագրական եւ հանրագիտարանային տվյալներ ընդհանուր ֆուտբոլի մասին»:
Ո՞ւմ է վստահվել թարգմանությունը և ո՞վ է խմբագրել «Ռոնալդու. Կատարելության տենչով» գիրքը
Ծանոթագրությունները կօգնեն այն մարդկանց, որոնք մարզասեր չեն, բայց ցանկանում են կարդալ գիրքը. «Շատ հաճախ նույնիսկ ֆուտբոլասերներն են ժամանակի ընթացքում մոռանում այդ փաստերը, եւ հաճախ սկսում են վիքիպեդիայով փնտրել այս կամ այն ֆուտբոլիստի, ակումբի վերաբերյալ տեղեկատվություն: Մեր պարագայում այդպիսի խնդիր չկա»:
Արմեն Նիկողոսյանը ոչ միայն ծանոթագրությունների հեղինակն է, այլև գրքի հայերեն հրատարակության համար գրել է հատուկ նախաբան, իսկ երբ հայտնի դարձավ, որ Ռոնալդուն տեղափոխվում է Յուվենտուս ֆուտբոլային ակումբ, ապա ֆուտբոլային վերլուծաբանը գրեց նաև լրացուցիչ վերջաբան-հետգրություն։
[caption id="attachment_53285" align="aligncenter" width="702"]Digitain ընկերության կոմերցիոն տնօրեն[/caption]
«Ռոնալդու. Կատարելության տենչով» գիրքը հնարավոր դարձավ իրականացրել Digitain ընկերության շնորհիվ, որը հրատարակության գլխավոր հովանավորն է: Ընկերության կոմերցիոն տնօրեն Սուրեն Խաչատրյանը կարեւորում է newmag-ի հետ առաջին համագործակցությունը. «newmag–ը հանդիսանում է բազմաժանր նորությունների լուսաբանող լավագույն պորտալներից մեկը, որը կարևոր տեղ է հատկացնում սպորտին և սպորտային նորություններին: Ռոնալդուին նվիրված գրքի հայերենով թարգմանությունը մեծ առաջխաղացում է մեզ համար, ուստի շատ կարևոր էր այս համագործակցությունը»:
Newmag-ը սեպտեմբերին կներկայացնի Կրիշտիանու Ռոնալդուի մասին պատմող նոր բեսթսելլեր
Digitain ընկերության կոմերցիոն տնօրենը կարեւորում է նաեւ հայերեն սպորտային բովանդակության ստեղծումը. «Սպորտն այն հատուկենտ ոլորտներից է, որը միշտ ունի շարունակական զարգացող և նոր թիրախներ նվաճող հատկություն: Այն չունի գենդերային խտրականություն, չունի տարիքային սահմանափակում և ստատուս: Սա լեզու է, որով խոսում են բոլորը: Այդ իսկ պատճառով կարևորում եմ Հայաստանում հայերենով սպորտային բովանդակության ստեղծումը: Ռոնալդուի մասին գրքի հայերեն թարգմանությունը վառ օրինակներից մեկն է, որը վստահ եմ վարակիչ կլինի»:
Հետևեք newmag-ին Telegram-ում և Instagram-ում։
Տարածել
Կարդա նաև
Newmag & friends ծրագիրը ներկայացնում է Արփի Կարապետյանի «Փոքր գիրք կյանքի մեծ դասերի մասին կամ՝ բոլորս էլ մանուկ ենք եղել» գիրքը (թրեյլեր)
Newmag-ն արժանացել է «Տարվա ամենապահանջված թարգմանություն» անվանակարգի մրցանակին (լուսանկարներ)
12 ժամ շարունակ գրական ու մշակութային իրադարձություններ՝ Newmag Winter Fest 2025-ի ընթացքում (լուսանկարներ)
Հարցազրույց՝ Արդշինբանկի վարչության նախագահ Արտակ Անանյանի հետ