«Հակա­Facebook»` Ello սոցցանց. Ինչո՞ւ է Ello-ն դեմ Facebook-ին

«Հակա­Facebook»` Ello սոցցանց. Ինչո՞ւ է Ello-ն դեմ Facebook-ին

Ello սոցցանցը, որը հայտնի դարձավ որպես «հակա­Facebook», շարունակում է ներգրավել մեծ թվով օգտատերերի:

Hello, Ello 🙂 6 փաստ սոցցանցի մասին

Ուտոպիա` ժպիտով, ինչո՞ւ գրանցվել Ello-ում և ի՞նչ կարելի է գտնել այնտեղ:

Առանց գովազդի

Սոցցանցը անվանեցին հակա-Facebook, քանի որ այստեղ արգելված է գովազդը և օգտատերերի տվյալները չեն վաճառվում գովազդատուներին: Ello-ում օգտատերերը կարող են ընկերներ ունենալ, գրառումներ կատարել, մեկնաբանել՝ առանց անձնական տվյալների բացահայտման մտավախության: Ello-ն խոստանում է օգտատերերի մասին տեղեկատվությունը երրորդ անձանց չվաճառել:

elloՄուտքը միայն հրավերով

Ello-ում հաշիվ ունենալ կարելի է միայն ցանցի օգտատերերից հրավերի ստանալու միջոցով կամ ուղարկելով գրանցման հայտ: ՀակաFacebook­ի սահմանափակ առաջարկի և մեծ պահանջարկի պատճառով Ello-ի հրավերները վաճառում են նույնիսկ eBay­ում: Գրանցված օգտատերերը կարող են հրավել ուղարկել միայն 25 ընկերների:

Հիմնադիրը

Ցանցը ստեղծել են մի խումբ նկարիչներ, դիզայներներ և ծրագրավորողներ: Հիմնադիրը Փոլ Բուդնիցն է: Նրան հետաքրքրում են ոչ միայն տեխնոլոգիաները, այլև դիզայներական լուծումները, կինոն ու հեծանիվները: Հեղինակը այն բնորոշել է՝ որպես ցանց` ստեղծագործ մարդկանց համար: Ello-ն ունի ընդամենը 14 աշխատակից:

ello (1) (1)Ello-ն կաշխատի վճարովի գործառույթների հաշվին

Ello-ի հեղինակները նախատեսում են ապագայում ցանցը հասանելի դարձնել բոլորին, բայց պետք կլինի վճարել լրացուցիչ գործառույթների համար: Քննադատները համոզված են, որ նման մոդելը չի աշխատի: Լրացուցիչ ծառայություններից ստացված գումարը չի բավականացնի հակագովազդային արշավը պահպանելու համար:

Սոցցանցին պակասում են նոր գործառույթներ

Աղմուկ և ընկներներ՝  Ello-ի հիմնական բաժիններն են: Այն ավելի շատ հիշեցնում է բլոգերների համար պլատֆորմ, քան լիարժեք սոցցանց: Այստեղ չեն համալրվում ֆոտոալբոմներն ու չեն փոխանակվում անձնական հաղորդագրություններով: Չկա վիրավորական գրառումները բողոքարկելու հնարավորություն, հնարավոր չէ արգելափակել ոչ ցանկալի օգտագործողներին:

Ello–ն սատարում է միասեռականներին

Facebook-ը գովազդատուների պահանջով օգտատերերին ստիպում է նշել իրական անունը, վերջերս էլ ցանցը ջնջել էր ոչ ավանդական սեռական կողմնորոշում ունեցողների հաշիվներ, որոնք անվտանգության նկատառումներով ներկայանում էին կեղծանուններով: Ello-ում ծածկանունով արդեն գրանցված են բազմաթիվ միասեռականներ:

Գրել կարծիք