Մթերքներ, որոնք կօգնեն ազատվել ավելորդ քաշից և քաղցած չմնալ

Մթերքներ, որոնք կօգնեն ազատվել ավելորդ քաշից և քաղցած չմնալ

Ինչպե՞ս զսպել անզուսպ թվացող ախորժակը: Դիետան միայն գայթակղությունն է մեծացնում և մի լավ ուտելու ցանկությունը: Ավելի էֆեկտիվ են այսպես կոչված «ախորժակ կոտրող» մթերքները:

Գետնանուշ
Պարունակում է շատ սպիտակուցներ: Օգտակար տարրերի պարունակությամբ առաջինն է ընկուզեղենի մեջ և կարող է հագեցնել քաղցը
pist
Կանաչ աղցաններ
Ճաշից առաջ կանաչ աղցան կերեք: Դրանք շատ բջջանյութ են պարունակում, որը փակում է ախորժակը` իջեցնելով արյան մեջ գլյուկոզայի մակարդակը: Փորձված է՝ ճաշից առաջ կանաչ աղցան ուտող կանայք ճաշի միայն 80 տոկոսն են ուտում: Սա լավ տարբերակ է, եթե չեք ուզում հատուկ դիետա պահել, բայց ուզում եք քիչ ուտել:
green
Խնձոր
Այո, սովորական խնձորը նույնպես ախորժակ փակող մթերքների շարքում է: Այն նույնպես շատ բջջանյութ է պարունակում, ինչը դժվարամարս է: Եվ այն ժամանակը, որ ծախսվում է խնձորի բջջանյութը մարսելու վրա, անցնում է առանց ուտելու: Բացի այդ, խնձորը շատ «C» վիտամին է պարունակում և հակաբորբոքային հատկություն ունի:
apple (1)
Կտավատի յուղ
Կտավատը «Օմեգա 3» ճարպերի բնական աղբյուր է, ինչի հաշվին էլ ախորժակը զսպող մթերքների շարքում է: Այն պարունակում է թելիկներ, որոնք նպաստում են մարսողությանը: Չնայած յուղ է, բայց իջեցնում է խոլեստերինի մակարդակը օրգանիզմում: Կտավատի ձեթով աղցանները ճաշից առաջ ախորժակ փակելու լավագույն միջոցն են:
From_flax_to_linseed_oil.
Վարսակ
Բնական վարսակի շիլան առողջ և օգտակար ածխաջրերի գտած աղբյուր է: Այն մանրաթելերի հաշվին հագեցնում է օրգանիզմը և երկար ժամանակ պահում այդ զգացողությունը: Առավոտյան կերած մեկ ափսե վարսակաձավարի շիլան կուշտ է պահում գրեթե 7 ժամ:
oatmeal-cooked
Ապուրներ
Իհարկե, խոսքը սերուցքի ու թթվասերի հիմքով պատրաստված արգանակների մասին չէ: Ամենօրյա սննդակարգի մեջ մտցնելով բանջարեղենային ու հատապտղային արգանակով ապուրներ, անպայման, կզգաք դրական ազդեցություն: Նախ՝ կհագենաք, հետո` կնիհարեք: Հեղուկներն անփոխարինելի են մարսողության համար:
soup-4

Գրել կարծիք