Ինչպես հասնել Ձեր առաջ դրած նպատակին. Ուորեն Բաֆեթի մեթոդը

Ինչպես հասնել Ձեր առաջ դրած նպատակին. Ուորեն Բաֆեթի մեթոդը

25 նպատակներից բաղկացած ցուցակ կազմեք, որոնք ուզում եք իրագործել առաջիկա մի քանի տարվա ընթացքում:

Ուորեն Էդվարդ Բաֆեթ
Ամերիկացի խոշոր գործարար: Համարվում է 20-րդ դարի ամենահաջող ներդրողը: 2014-ի ապրիլի 30-ին նրա կարողությունը գնահատվել է 66 մլրդ դոլար: Աշխարհի ամենահարուստ մարդկանցից մեկն է, իսկ ԱՄՆ-ում երկորդն՝ իր կարողությամբ: Ծնվել է 1930 թվականի օգոստոսի 30-ին Նեբրասկայում, ԱՄՆ:

Ուորեն Բաֆետը հարցազրույցներ այդքան էլ հաճախ չի տալիս: Առավել ևս, որ նրա հարցազրույցը բաժանվի մասերի` ըստ խորհուրդների ու գաղափարների: Ձեր բախտը բերել է. սա հենց այդ դեպքն է:

25 նպատակներից բաղկացած ցուցակ կազմեք, որոնք ուզում եք իրագործել առաջիկա մի քանի տարվա ընթացքում: Ընտրեք դրանցից 5 ամենակարևորները:

Ինչ անել մնացած 20-ի հե՞տ: Շատերը կասեին՝ կենտրոնանալ հիմնական հինգի վրա, մնացածի մասին էլ կարելի է մտածել ազատ ժամերին: Բաֆետն այդպես չի կարծում:

Վերջ: Ինչ դուրս մնաց թոփ-հնգյակից, տաբու է կիրառվում: Պետք է խուսափեք մնացած նպատակներից, քանի դեռ չեք իրագործել առաջին հնգյակը:

Կարծում եք՝ դժվա՞ր է կազմել 25 կետանոց ցուցակ: Երևի, ճիշտ եք, այնքան էլ հեշտ չէ: Կարող եք սկսել ամենասկզբից. ամեն օր մի քանի նպատակ հանձնեք թղթին:

Մարդկանց մեծամասնությունն անհաջողության է մատնվում ոչ այն պատճառով, որ չունի անհրաժեշտ գիտելիք ու հմտություն: Հաճախ դա պատահում է, քանի որ վատնում ենք մեզ տարբեր խնդիրների վրա ու քիչ ժամանակ հատկացնում գլխավոր նպատակի համար: Ականջ դրեք Բաֆեթին, և Ձեր կյանքում ամեն ինչ հաջող կընթանա:

Գրել կարծիք