ԱՅՐԻՉ. Ամենատարածված նվերը տղամարդկանց համար

ԱՅՐԻՉ. Ամենատարածված նվերը տղամարդկանց համար

Ցանկացած առիթի դեպքում օրիգինալ ու հետաքրքիր դիզայնով այրիչն ամենահարմար նվերը կարող է լինել: Ի˚նչ էին անելու կանայք, եթե 2 դար առաջ այն չհայտնագործվեր:

Լուցկուց առաջ

newmag#48Ժամանակակից այրիչն ու լուցկին համարյա տարեկիցներ են: Միայն թե Յոհան Վոլֆգանգ Դեբերեյները մի փոքր առաջ ընկավ Ջոն Ուոքերից:

Գերմանացի քիմիկոսն այրիչը պատրաստեց 1823-ին, իսկ ժամանակակից լուցկիները պատրաստվեցին 3 տարի հետո:

Ի դեպ, դրանք չափազանց երկար էին՝ 91 սմ, և գարշահոտ:

 

Ամենաթանկը

tankԱմենաթանկ այրիչը 74 հազար դոլար արժե: Եզակի այս այրիչը լրացնում է «Dupont» ընկերության «Ligne 2 Champagne lighter» հավաքածուն:

Այն պատրաստված է 18-կարատանոց սպիտակ ոսկուց և զարդարված է 468
ադամանդով: Ահա թե ինչով է պայմանավորված բարձր գինը:

Այրիչով փրկված

Պարզվում է՝ բացի բուն նշանակությունից՝ այրիչը կարող է փրկության լավագույն միջոց դառնալ: Իհարկե, բախտը ոչ բոլորին է ժպտում: Շարքային Քլինգերը հաստատ հաջողակներից էր: 1944-ին նրա կյանքն այրիչից էր կախված: Գերմանիայում մարտական հերթական գործողությունից հետո զինվորը գրպանում գտավ այրիչը, որի մեջ մխրճվել էր փամփուշտը: Նույնիսկ այդ վիճակում այրիչը շարունակում էր աշխատել:

Պանդոկ-այրիչ

Սլովակիայում «Լինգո» անունով մի պանդոկ կա: Որ կողմ նայես, այրիչ է: Սկզբում այն գրադարան էր, 1993-ին վերածվեց պանդոկի: Ընդամենը 400 այրիչ էր պատերից կախված: Պանդոկի տերն ընդլայնեց հավաքածուն: Հիմա այն հավակնում է աշխարհի ամենամեծ հավաքածուի կոչմանը: Այսօր պանդոկում մոտ 4000 այրիչ կա: Ամեն այցելու իր նվերն է թողնում: Այրիչներով զարդարված պանդոկն այժմ Սլովակիայի ամենաայցելվող վայրերից մեկն է:

Գրել կարծիք