Սեփական փորձով. Արջերի քարանձավ՝ ստորգետնյա դրախտ
Վայոց Ձորում գտնվող Արջերի քարանձավը Արփի գյուղից հեռու է 3 կիլոմետր: Սա՝ ուղիղ գծով: Իսկ ճանապարհով հարկավոր է գրեթե անմատչելի ծերպերով ու նեղ արահետներով քայլել 8 կիլոմետր դեպի հարավ-արևմուտք: Տեղանքը որքան գեղեցիկ, նույնքան էլ անհյուրընկալ է: Մետրանոց մացառները, թունավոր սողուններն ու ժայռաբեկորներն էլ ավելի են բարդացնում գործը: Պետք է ուշադիր ու զգույշ լինել:
Նոր էինք սկսել վերելքը, երբ պատահեց չկանխատեսվածը: Ոտքս սխալ դնելու պատճառով ժայռի գագաթից գահավիժում եմ, ու միայն փշատերև ծառն է պահում, որ անդունդ չգլորվեմ: Ոտքի կանգնելուց հետո պարզ է դառնում, որ վնասվածքս լուրջ է, ու գուցե անհնար է շարունակելը: Աջ ոտքս դուրս է ընկել տեղից, կողոսկրերս այնպես են ցավում, կարծես կոտրված լինեն:
Անվտանգություն ապահովող հատուկ մասնագետները անմիջապես հանում են զինվորական կրկնակոշիկներն ու սկսում ուսումնասիրել վնասվածքը: Ուզած-չուզած պետք է դիմանալ, որ դուրս ընկած ոսկորը տեղը գցեն: Այլապես ստիպված կլինեմ մի քանի ժամ սպասել բժիշկներին: Անասելի ցավ, ու փշրվող ոսկորի ձայնով ծունկը տեղն է ընկնում: Հատուկ բինտով ոտքն ամուր կապելուց հետո կարելի է քայլել: Անվտանգությունը հոգացողները խորհուրդ չեն տալիս շարունակել: Դեռ պարզ չէ. հնարավոր է, որ նաև կողոսկրերի վնասվածք ունենամ, սակայն իմ ու մեր թիմի որոշումը մեկն է. գնալ առաջ: Եվս մեկ ժամ, ու արդեն անձավի մուտքի դիմաց ենք:
Տարածել
Կարդա նաև
Newmag-ը ներկայացնում է չեխ գրող Յախիմ Տոպոլի «Սատանայի արհեստանոցը» գիրքը (թրեյլեր)
Newmag-ը ներկայացնում է գերմանացի ռեժիսոր, դրամատուրգ Նուրան Դավիթ Քալիսի գրական դեբյուտը՝ «Լուսինը մեր արևն է» վեպը (թրեյլեր)
Ուշագրավ փաստեր «Անունները չփոխե՛լ» գրքի հեղինակ Մարիաննա Հակոբյանի մասին (տեսանյութ)
Newmag-ը Արմենիա Հ/Ը եթերում ներկայացրել է Գանեսա Նագառաջանի «Վաղը՝ մեկ ուրիշ օր» գրքի հեռուստաշնորհանդեսը (տեսանյութ)