Աննա Չուրինա. «Playboy»-ի հրեշտակը

Նա սկզբում երազում էր դառնալ օտար լեզուների մասնագետ, թեև 174 սմ հասակը թույլ էր տալիս զուգահեռ զբաղվել մոդելի կարիերայով: Բայց մի օր՝ առաջին բուհն ավարտելուն պես, հասկացավ, որ պիտի գնա կինո ու դառնա դերասանուհի: Դերն ու կերպարը իրենն են, իսկ սերտած անգլերենը, իտալերենը կօգնեն, որ նոր դեր ստանա, այն էլ Ռուսաստանից դուրս: Եվ այդպես էլ մեկը օգնեց մյուսին:
Աննա Չուրինան հիմա ռուսական կինոյում հայտնի դեմք է: Առաջինը «Օլիգարխը» ֆիլմում մարմնավորած լրագրողի կերպարն էր: Այնուհետև միանգամից հայտնվեց երկու ամերիկյան կինոնկարում՝ «Aphrodisia» և «The Sunsetters»: Այսօր նրա կինոցանկում բազմաթիվ հայտնի ֆիլմեր են՝ մրցանակակիր ու շուկայի առաջատար, բարձր վարկանիշ ունեն նրա մասնակցությամբ հեռուստասերիալները: Պորտֆոլիոյի խցիկի առջև այսօր հայտնի դերասանուհու անկեղծության կադրն է: