Անբաժանելի ականջակալները. Ձայնահաղորդիչ ձայնամեկուսիչը

Անբաժանելի ականջակալները. Ձայնահաղորդիչ ձայնամեկուսիչը

Երաժշտություն, որ միայն Դուք եք լսում, հեռախոսազրույց՝ առանց ձեռքերը զբաղեցնելու… Սա հնարավոր է միայն մեկ դեպքում. եթե Դուք ականջակալ ունեք:

Աքսեսուար, առանց որի՝ անհնար է պատկերացնել օրը: Դրանք ականջներին են, երբ ճանապարհին եք, երբ գիրք եք կարդում, երբ հանգստանում եք… Միայն թե զգուշացե՛ք բարձր ձայնից:

Ճապոնիայի հոգեբանական գիտությունների ազգային ինստիտուտի և Գերմանիայի Մյունստերի համալսարանի մասնագետները պարզել են, որ եթե ականջակալներով անընդհատ շատ բարձր երաժշտություն լսեք, կզրկվեք ձայները իրարից տարբերելու ունակությունից:

57 PRINT

Հետաքրքիր

Եթե սովորական ականջակալները միացնեք բարձրախոսի համար նախատեսված տեղից, կարող եք դրանք որպես խոսափող օգտագործել: Բանն այն է, որ ականջակալի և բարձրախոսի կառուցվածքը նույնն է:

Պատմական

19-րդ դարի վերջին, երբ հայտնվեցին հեռախոսային առաջին կայանները, հեռախոսավարուհիները ստիպված էին ժամերով ականջի ու բերանի մոտ պահել ընդունիչ և հաղորդիչ սարքերը: Սա շարունակվեց մինչև այն պահը, երբ հեռախոսային ընկերության աշխատակցուհին` Բելլա Էզրա Ջիլիլենդը, 1881-ին մի կոնստրուկցիա մտածեց, որը ներառում էր մետաղական ձողին ամրացրած հեռախոսի մասեր: Սարքը կշռում էր 3 կգ-ից ավելի:

Ուղիղ հեռարձակում ականջակալով

19-րդ դարի 80-ականներին Եվրոպայում հայտնի ծառայություններ կային, որոնք օպերային թատրոններից ձայնը հեռախոսով ուղիղ հեռարձակում էին տներ: Արիան լսելու համար ընդունիչը ժամերով ականջին պահելը հարմար չէր: Այդ իսկ պատճառով բաժանորդներին հատուկ սարքեր էին տրամադրում: Լուսանկարներ չեն պահպանվել, բայց սարքի մանրամասն նկարագրությունը կա 1888-ին հրապարակված «The Electrical Engineer» շաբաթաթերթում: Գլխի վրայով անցնող գոտուն ամրացված էր ընդունիչը: Ցանկացողները կարող էին նաև երկու ընդունիչով ականջակալ ունենալ: Սա ստերեո ականջակալների մասին առաջին հիշատակումն է:

57 PRINT2

Արտոնագիր

Ֆրանսիացի գյուտարար Էռնեստ Ժյու Պիեռ Մերկադիեն 1891-ին ստացավ երկհեռախոսի արտոնագիրը. յուրաքանչյուր ականջի համար նախատեսված էր մեկ ընդունիչ, և դրանք իրար էին ամրացված:

Երաժշտական աքսեսուար

1921-ին ԱՄՆ-ում վաճառքի դուրս եկավ առաջին կոմերցիոն ռադիոընդունիչը, որի հետ վաճառվում էր նաև ականջակալ: 30-ականներին արդեն ականջակալները կիրառվում էին նաև երաժշտություն լսելու համար:

Գրել կարծիք