Գրքի սրտում՝ էջերի արանքում

Գրքի սրտում՝ էջերի արանքում

Որտեղի՞ց է սկիզբ առնում գրքասերների հուշարարի`էջանշանի պատմությունն ու ո՞վ ունի դրանց ամենամեծ հավաքածուն:

Այն կգտնեք էջերի մեջ: Այն միանգամից կհուշի ճիշտ տեղը: Այն կարող է լինել նաև լավագույն հուշանվեր: Գրքի անբաժան մասնիկը՝ էջանշանը, մոռացկոտության դեմ պայքարելու ամենալավ միջոցն է: Գրքերի դեպքում կարող եք վստահ լինել. Ձեր փոխարեն էջանշանն է հիշելու: Առանց գիրքը փչացնելու և առանց ժամանակ կորցնելու՝  էջանշանն ուղղորդում է դեպի ճիշտ էջ: Որքան էլ կլանված լինեք գրքով, մի պահ դադար եք վերցնելու, չէ՞: Հենց այդ ժամանակ չմոռանաք էջանշանի մասին:

Պատմություն

Էջանշանների մասին ամենահին հիշատակումը թվագրվում է 1584 թվականով: Այդ ժամանակ թագավորական գրագիր Քրիստոֆեր Բարքերը Էլիզաբետ I-ին մետաքսե էջանշան նվիրեց: Հետո էջանշանները տարածում գտան: 18-19-րդ դարերում նեղ մետաքսե ժապավեններն ամենասիրելի էջանշաններն էին: Դրանք ամրացնում էին գրքի կազմին և էջից մի փոքր երկար թողնում: Բայց սա կարող էր անհարմարություն ստեղծել՝ փչացնելով գիրքը: Այդ իսկ պատճառով մարդիկ ստեղծեցին շարժական էջանշանները: 1850-ականներին առաջինը անգամ հայտնվեցին մետաքսե կամ ասեղնագործ էջադիրները:

ejanshan

Ամենամեծ հավաքածուն

Պարզվում է՝ ժողովել կարելի է ոչ միայն գրքերը, այլև էջանշանները: Արևելյան Յորքշիրի թագավորահպատակ Ռաֆայել Սեյվիլն ունի աշխարհի ամենամեծ հավաքածուն: Ինչ մտքներիդ փչի, Ռաֆայելի հավաքածուում հաստատ կգտնեք: Էջանշանները պատրաստված են տարբեր նյութերից, տարբեր չափերի են և ձևի: Ռաֆայել Սեյվիլի հավաքածուն արդեն ունի 1416 էջանշան:

iնշան

Էլեկտրոնային գրքերը դուրս մղեցին թղթե գրքերը, դրանց հետ էլ` ավանդական շարժական էջանշանները: Հիմա արդեն երկար մտածելու կարիք չկա: Ձեզ անհրաժեշտ է միան մատի մեկ հպում, և էլէկտրոնային գիրքն ինքը կէջանշի: Անհրաժեշտության դեպքում կրկին մատի մեկ հպում, և Դուք անհրաժեշտ էջում եք:

Գրել կարծիք