Ռոբեր Գեդիգյան. «Հայոց ցեղասպանությունն էկրանավորելը իմ նպատակն էր»

Ռոբեր Գեդիգյան. «Հայոց ցեղասպանությունն էկրանավորելը իմ նպատակն էր»

«Խենթ պատմություն»-ը «Ոսկե ծիրան» Երևանի 12-րդ միջազգային կինոփառատոնի բացման ֆիլմն էր:

BA1508C1-EC92-4AB6-B49D-8F819F275A44_mw1024_s_n

Մի ֆիլմ, որը սեփական պատմության հիման վրա: Ֆրանսիացի ռեժիսոր, դերասան, սցենարիստ և պրոդյուսեր Ռոբեր Գեդիգյանը անկեղծանում է `Հայոց ցեղասպանությունն էկրանավորելը իր նպատակն էր: Մարսելի աշխատավոր դասի երգչի խենթ պատմությունն ասալայի մասին է: Խենթ պատմության գլխավոր հերոս Արամի` մոր կերպարը մարմնավորում է Ռոբեր Գեդիկյանի կինը` Արիան Ասկարիդը:

Այս պատմությունը ներկայացվել է միայն Կաննի փառատոնում, աշնանը էկրան կբարձրանա Կանադայում: Հաջորդ տարի Գեդիգյանի ֆիլմը կներկայացվի Իտալայի, Իսպանիայի ու Սկանդինավյան երկրների կինոփառատոններին:

«Իրականում ցանկացել եմ նկարահանել ֆիլմ, որն ամփոփում է հայկական իրականությունը: Իհարկե դժվար էր աշխատել սցենարի վրա: Եղել են մի քանի տարբերակներ, բայց վերջում եզրահանգել ենք այս տարբերակին»,­-նշեց Ռոբեր Գեդիգյանը:

Ռոբեր Գեդիգյանը կգլխավորի «Ոսկե ծիրան»-ի միջազգային խաղարկային մրցույթի ժյուրին:

Գեդիգյանն արդեն 35 տարի է ստեղծագործում է կինոյի ասպարեզում և հաստատուն տեղ ունի իր սերնդի լավագույն ֆրանսիական կինոգործիչների շարքում: Նրա հեղինակած շուրջ երկու տասնյակ ֆիլմերը պատկանում են ամենատարբեր ժանրերի՝ կատակերգություններ, դրամաներ, պատմական ֆիլմեր և այլն: Անկախ ժանրից՝ բոլոր այս ֆիլմերում վառ փայլում է ռեժիսորի խորը հոգևոր աշխարհընկալումը և մարդասիրական վերաբերմունքն իր հերոսների նկատմամբ: Ֆրանսիացի կինոգետները Գեդիգյանին կոչել են «Մարսելի աշխատավոր դասի երգիչ»:

Ռոբեր Գեդիգյանը ծնվել է 1953 թվականին Ֆրանսիայի Մարսել քաղաքում՝ հայ հոր և գերմանուհի մոր ընտանիքում: Մինչ օրս ապրում է Մարսելում, որը նրա ֆիլմերի մշտական միջավայրն է: Ուսանել է Փարիզի համալսարանի սոցիալական գիտությունների բաժնում:

1980-ից կինոյի ասպարեզում է: Հիմնականում հայտնի էր իր սոցիալական ֆիլմերով, սակայն համաշխարհային ճանաչում ստացավ 1996 թվականին «Մարիուսն ու Ժանեթը» կատակերգության հաջողությունից հետո: Ֆիլմն արժանացել է Կաննի «Հատուկ հայացք» ծրագրի մրցանակին, «Դելյուկ», «Լյումիեր» մրցանակներին, ինչպես նաև Ժնևի, Ֆիգեյրա դա Ֆոսի (Պորտուգալիա), Հայֆայի (Իսրայել) միջազգային փառատոների Մեծ մրցանակին:

Գեդիգյանի ֆիլմերը մշտապես ընդգրկվում են եվրոպական հեղինակավոր՝ Կաննի, Բեռլինի Սան-Սեբաստյանի և այլ կինոփառատոների մրցութային ծրագրերում:

2001 թվականին Եվրոպական կինոակադեմիայի մրցանակաբաշխության ժամանակ Գեդիգյանն արժանացավ Կինոքննադատների միջազգային ասոցիացիայի (ՖԻՊՐԵՍՍԻ) մրցանակին «Քաղաքը հանգիստ է» կինոնկարի համար:

Մրցանակների է արժանացել ոչ միայն ռեժիսորը, այլև նրա դերասանական կազմը: «Մարիուսն ու Ժուլյետը» ֆիլմի դերասանուհի Արիան Ասկարիդը, ով նաև Գեդիգյանի կինն է, իր աշխատանքի համար պարգևատրվել է Ֆրանսիայում կինոոլորտի ամենապատվավոր՝ «Սեզար» մրցանակով: Նույն պարգևին է արժանացել Գեդիգյանի «Մարսյան դաշտի անցորդը» (2005) կինոնկարի գլխավոր դերակատար Միշել Բուքեն:

Մի շարք ֆիլմերում Գեդիգյանն անդրադարձել է հայկական թեմային: Այս տարվա Կաննի կինոփառատոնի հատուկ ցուցադրությունների շարքում ընդգրկվել էր Գեդիգյանի «Խենթ պատմություն» խաղարկային կինոնկարը, որը բարձրաձայնեց Հայոց ցեղասպանության թեման այդ կարևորագույն կինոհարթակում:

2006 թվականին Գեդիգյանն իր «Ուղևորություն դեպի Հայաստան» ֆիլմի համար արժանացել է «Ոսկե ծիրան» կինփառատոնի «Արծաթե ծիրան» հատուկ մրցանակին:

Գեդիգյանի «Խենթ պատմություն»-ը «Ոսկե ծիրան» Երևանի 12-րդ միջազգային կինոփառատոնի բացման ֆիլմն էր:

Գրել կարծիք