Կախված հուշանվեր. Ամենաթանկն ու նորաձևը

Կախված հուշանվեր. Ամենաթանկն ու նորաձևը

Փոքրիկ և հարմար… Այն լավագույն հուշանվերն է, երբ արտասահմանում եք ու չգիտեք՝ ինչ նվեր բերել ընկերոջ համար: Կիրառական է և աչք շոյող: Բանալիների կախազարդը կուրախացնի ցանկացած մարդու:

print-58-100ՆՈՐԱՁԵՎՈՒԹՅՈՒՆԻՑ ՄԻՆՉԵՎ ԱՆՀՐԱԺԵՇՏՈՒԹՅՈՒՆ

Կախազարդերը նորաձև էին հատկապես 18-րդ դարում: Այդպիսին շարունակեցին մնալ մինչև 19-րդ դարակես: Իրեն հարգող յուրաքանչյուր ջենտլմեն գոտին պարուրող շղթային միանգամից մի քանի կախազարդ էր ամրացնում: Որքան շատ, այնքան լավ: Դրանց քանակը վկայում էր դրանց տիրոջ բարձր սոցիալական դիրքի մասին:

Բացի այդ՝ քայլելիս դրանք զրնգում էին և գրավում լեդիների ուշադրությունը: Զրնգացող կախազարդերը հիմնականում ոսկուց էին՝ զարդարված փղոսկրով, թանկարժեք քարերով և էմալով: Նորաձև արիստոկրատներն իրենց կանոններն ունեին, թե ինչպես համադրել կախազարդերն ու կրել դրանք:

 

 

print-58-102ԿԱԽԱԶԱՐԴԸ՝ ԸՍՏ ՆՇԱՆԱԿՈՒԹՅԱՆ

19-րդ դարի կեսին շղթային ամրացված կախազարդերի քանակը նվազեց՝ հասնելով 2-3-ի: Դրանք սկսեցին ընկալվել ավելի շատ որպես հուշանվեր: 20-րդ դարում կախազարդը սկսեցին կիրառել միայն մեկ նպատակով՝ բանալիներն իրար կապելու համար:

Բայց նույնիսկ այդ դեպքում կախազարդը մնաց դիզայներների սիրած աքսեսուարը: Կախազարդերը համադրելով տարբեր առարկաների հետ՝ դիզայներները ստեղծեցին կախազարդ-սուլիչ, կախազարդ-լուսարձակ, կախազարդ-բացիչ…

21-րդ դարում հայտնվեցին առաջին կախազարդ-կրիչները: Պոպուլյար դարձան բջջայինների համար նախատեսված կախազարդերը:

 

print-58-103ԱՄԵՆԱԹԱՆԿԸ

«Hello Kitty» կախազարդը (3 սմ) ամենաթանկն է աշխարհում: Այն պատրաստվել է բրենդի 30-ամյակի առիթով և ծածկված է 131 ադամանդներով: Կախազարդն արժե 28262 դոլար:

Գրել կարծիք