Սեփական Փորձով. Ի՞նչ են արձանագրել Խոսրովի արգելոցի վիդեոթակարդները

Մեր արշավախումբը 20 օրով մեկնել էր աշխարհի ամենահին արգելոց: «WWF-Հայաստանի»՝ վայրի բնության փորձագետ Ալեքսանդր Մալխասյանի հետ որոշում ենք սեփական փորձով մանրադիտակի տակ առնել և ուսումնասիրել Խոսրով արքայի դեռևս չհետազոտված ու չբացահայտված որսատեղիները: Քոթոթներին գտնելու համար ընտրում էինք համեմատաբար դյուրամատչելի ու անցանելի կածաններ, սակայն արգելոցի բնակիչների մասին ամբողջական պատկերացում կազմելու համար հարկավոր կլինի հասնել այնտեղ, որտեղ միայն բեզոարյան այծերն են լինում, մագլցել այնքան, որ մոտից տեսնենք անգղներին, ու, եթե հարկ լինի, գիշատիչներից խուսափելու համար ժամերով անշարժանալ: