Նաստասյա Կինսկի. «Երբեք հեշտ չէ մեծանալը»

Կինսկիի մասնակցությամբ առավել հայտնի ֆիլմերից է Վիմ Վենդերսի «Փարիզ, Տեխաս»-ը, որը Կաննի բազմաթիվ մրցանակների է առժանացել:

nastassja-kinski-888476309

Գերմանացի դերասանուհի Նաստասյա Կինսկին իր ներկայութամբ պատվում է «Ոսկե ծիրան» Երևանի 12-րդ կինոփառատոնը: Դերասանուհին բեմից անկեղծանում է՝ շնորհակալ է Հայաստանին այսքան ջերմ հյուրընկալության համար: Նրա ֆիլմերի հետահայաց ցուցադրությունը մեկնարկեց նորաբաց «Հայաստան» կինոթատրոնում, որտեղ տեղի ունեցավ եռակի օսկարակիր Ռոման Պոլանսկու «Tess» ֆիլմի ցուցադրությանը:

«Ես շատ զգացված եմ և այս ամենը հիանալի է: Ես առաջին անգամ եմ այստեղ: Շատ յուրահատուկ էր այստեղ լինել Օռնելա Մուտիի հետ: Երբեմն, երբ հաջողությունը գալիս է մեզ մոտ, մենք պետք է այն ընդունենք և բաց չթողնենք այն: Երբեք հեշտ չէ մեծանալը, մենք պետք է ուշադիր լինենք, սխալներ չգործենք: «Tess»-­ը մի ուժեղ աղջկա մասին է: Դժվարն այն է, որ միշտ կա սայթաքելու վտանգը, բայց պետք է ուշադիր լինել: Մենք միշտ պետք է հավատանք կյանքին»-նշեց դերասանուհին, ով ակնհայտ հուզվում էր:

ՀՀ արվեստի վաստակավոր գործիչ Դավիթ Մուրադյանը հանդիսատեսին ֆիլմը ներկայացնելիս ընգծեց, որ հավաքվածները եկել են դիտելու և շփվելու մի դերասանուհու հետ, ում սիրում են միլիոնավոր մարդիկ և ում տաղանդն աստղային բարձրություն ունի և ծովի խորություն:

Դերասանուհին կինոթատրոնում անակնկալ նվեր ստացավ նկարիչ Գագիկ Ավետիսյանի «Գույների խաղ» գեղեցիկ կտավը, հետո վերցրեց և հուզվեց, ասաց՝ գույները շքեղ են, կարծես ոսկեծիրանյան:

Դերասանուհին փառքի հասավ նկարահանվելով Ռոման Պոլանսկու, Վիմ Վենդերսի, Ֆրանսիս Ֆորդ Կոպոլայի և այլոց ֆիլմերում:

Գերմանացի դերասանուհին համաշխարհային ճանաչման հասավ 1978 թվականին` հանդես գալով Ալբերտո Լատուդայի իտալաիսպանական «Եղիր ինչպես կաս» ռոմանտիկ ֆիլմով, որտեղ Կինսկիի զուգընկերն էր Մարչելո Մաստրոյանին: Հաջորդ տարի Ռոման Պոլանսիկին նրան վստահեց «Թես» ֆիլմի գլխավոր հերոսուհու կերպարը: «Թեսը» բրիտանացի նովելիստ Թոմաս Հարդիի «Տեսսը Դէրբերվիլների տոհմից» դասական վեպի էկրանավորումն է: Ֆիլմը մեծ հաջողություն ունեցավ` Օսկարի վեց անվանակարգից հաղթելով երեքում: Պոլանսկու խորհրդով Կինսկին նաև դերասանական հմտություններ ձեռք բերեց հայտնի դերասան Լի Ստրասբերգի մոտ: Դերասանուհին առաջին հոլիվուդյան ֆիլմը Ֆրենսիս Ֆորդ Կոպոլայի «Ամբողջ սրտով» ռոմանտիկ մյուզիքլն էր: Նույն տարում Կինսկիի մասնակցությամբ մեկ այլ ֆիլմ էկրան բարցրացավ` Փոլ Շրեդերի «Կատու մարդիկ» էրոտիկ թրիլլերը:

1981-ին հայտնի ամերիկացի ֆեշն լուսանկարիչ Րիչարդ Ավեդոնը Կինսկիիին նկարեց` վագրապիթոնը մերկ մարմնին փաթաթված: Լուսանկարի թողարկումից հետո այն հայտնի դարձավ և հաստատեց Կինսկիին որպես սեքս խորհրդանիշ:

Կինսկիի մասնակցությամբ առավել հայտնի ֆիլմերից է Վիմ Վենդերսի «Փարիզ, Տեխաս»-ը, որը Կաննի բազմաթիվ մրցանակների առժանացավ: Նույն տարում Կինսկին Ռոբերթ Միչումի հետ խաղաց նաև Անդրեյ Կոնչալովսկու «Մարիայի սիրեկանները» ֆիլմում:

Դերասանուհին 90-ականների և վաղ 2000-ականների ևս շարունակեց հանդես գալ ֆիլմորում սակայն վերջին տասնամյակում Կինսկին ավելի ընտրողաբար է վերաբերում իր դերերին: Նրա՝ վերջին շրջանի հիշարժան ֆիլմերից են Դեյվիդ Լինչի «Ներքին կայսրություն» (2006) և Ռոտիմի Ռեյնվոթերի «Շաքար» (2013) կինոնկարները:

«Ոսկե ծիրան»-ի շրջանակներում տեղի կունենա Նաստասյա Կինսկիի ֆիլմերի հետահայաց ցուցադրությունը.

«Թես» Ռոման Պոլանսկի

«Փարիզ, Թեքսաս» Վիմ Վենդերս

«Մարիայի սիրեցյալները», Անդրեյ Կոնչալովսկի

Գրել կարծիք