Հոլիվուդի լեգենդ, գերմանական Լոլիտա, ամերիկյան  Գարբո. Նաստասյա Կինսկին՝ Երևանում

Հոլիվուդի լեգենդ, գերմանական Լոլիտա, ամերիկյան Գարբո. Նաստասյա Կինսկին՝ Երևանում

Նրան անվանում են գերմանական Լոլիտա, նրան համեմատում են Գրետա Գարբոյի, Ինգրիդ Բերգմանի և Օդրի Հեփբերնի հետ:

NastassjaKinski_2449104b

Հայրը՝ Կալուս Կինսկին, իսկական սեքսուալ մանյակ էր, որ պոետ կնոջն ու մանկահասակ աղջկան թողել էր ծայրահեղ աղքատության մեջ: Նաստասյան մինչև բեմ բարձրանալը ստիպած էր գողությամբ լուծել օրվա հացի խնդիրը: Տխրահռչակ հորից միակ օգուտն ազգանունն էր, որը նկատեց Վիմ Վենդերսը: Լեգենդար ռեժիսորը կնոջ խորհրդով համաձայնեց շանս տալ աղջնակին: Վիմ Վենդերսի «Կեղծ շարժումով» Նաստասյա Կինսկին հայտնվեց մեծ էկրանին:

Նա ասում է, որ 13-ից մինչև 15 տարեկանը վարել է անկանոն ապրելակերպ.

«Ես նման էի վայրի գազանի։ Գիշերներն անքուն էի անց կացնում և անընդհատ երեկույթների է մասնակցում, իսկ մայրս դրան դեմ չէր»:

15 տարեկանում նրա կյանքի երկրորդ ռեժիսորը եղավ Ռոման Պոլանսկին: 43-ամյա ռեժիսորը սիրահարվեց պատանու պես: Պոլանսկու «Տեսս»-ով էլ Նաստասյա Կինսկին ներխուժեց ամերիկյան կինոինդուստրիա: Մինչև Անջելինա Ջոլին` Հոլիվունդն ուներ Նաստասյա Կինսկի:

nastassja-kinski-888476309

Նրան անվանում են գերմանական Լոլիտա: Նրա մասնակցությամբ ֆիլմերը դարձել են ամերիկյան կլասիկա: Նրան համեմատում են Գրետա Գարբոյի, Ինգրիդ Բերգմանի և Օդրի Հեփբերնի հետ: Նա ազատ խոսում է անգլերեն, ֆրանսերեն, իտալերեն ու ռուսերեն: Ու նրան հետաքրքիր է բացահայտել նոր մշակույթը` Հայաստան անունով:

Նաստասյա Կինսկին 12-րդ «Ոսկե Ծիրան»-ի հատուկ հյուրն է: Քաղցրահամ ծիրանով նրան դիմավորել են «Զվարթնոց»-ում: Նաստասյա Կինսկին ծիրանի հյուրասիրությունից չի օգտվել, բայց խոստովանել է` անակնկալ էր «Ոսկե Ծիրան»-ի հրավերը:

asb,asbd

Երևանյան կինոփառատոնից հետո նրան սպասում են Վենետիկում: Կինսկին ճանաչվել է Վենետիկյան 72-րդ փառատոնի պաշտոկան դեմքը:

Գրել կարծիք