Օռնելլա Մուտի, Նաստասյա Կինսկի. Համաշխարհային կինոդեմքերը կմասնակցեն «Ոսկե ծիրան» կինոփառատոնին

Օռնելլա Մուտին Կաննի մշտական պատվավոր հյուրերից է:

27361-SyD

Իտալացի կինոդիվա Օռնելլա Մուտին և գերմանացի դերասանուհի Նաստասյա Կինսկին կզարդարեն «Ոսկե ծիրան» Երևանի 12-րդ կինոփառատոնը:

Օռնելլա Մուտին իր կինոդեբյուտն արեց 1970 թվականին՝ «Ամենագեղեցիկ կինը» ֆիլմով:

Հայտնի գեղեցկուհին հիմնականում նկարահանվել է եվրոպական ֆիլմերում: Առավել հայտնի աշխատանքներից են գերմանական նոր կինոյի հայրերից մեկի` Ֆոլկեր Շլյոնդորֆի «Սվանի սերը» (1984) ֆիլմում կերտած նրա կերպարը: «Սվանի սերը»Մարսել Պրուստի «Կորուսյալ ժամանակների որոնումներում» առաջին գրքի էկրանավորումն է, որտեղ Մուտիի խաղընկերներն են Ջերեմի Այրոնսը և Ալեն Դելոնը: 1985-ին կինոնկարն առաջադրվեց ԲԱՖՏԱ մրցանակաբաշխության երկու անվանակարգում:

Մուտին նկարահանվել է նաև անվանի իտալացի ռեժիսորներ Մարկո Ֆերրերի և Դինո Րիզզիի ֆիլմերում:Սակայն հայ հանդիսատեսին առավելապես ծանոթ է «Անսանձի սանձահարումը» (1980) կատակերգական ֆիլմից, որտեղ նա խաղում է Ադրիանո Չելենտանոյի հետ:

Իր Հոլիվուդյան դեբյուտը դերասանուհին ունեցավ 1980 թվականին՝ մարմնավորելով  արքայադուստր Աուրային «Ֆլեշ Գորդոն»  ֆիլմում: Ամերիկյան ֆիլմերից հայտնի են նաև ռեժիսոր Ջոն Լենդիսի «Օսկար» Էքսցենտրիկ կատակերգությունը՝ Սիլվեսթր Սթալոնեի մասնակցությամբ: Մուտին տասից ավելի անգլալեզու ֆիլմերում է նկարահանվել, բայց նրա կարիերան հիմնականում զարգացել է իտալական կինոյի մատույցներում՝ ավելի քան հարյուր դերերով կինոյում և հեռուստատեսությունում:

«Ոսկե ծիրանի» շրջանակներում տեղի կունենա դերասանուհու մասնակցությամբ «Սվանի սերը»  կինոնկարի Երևանյան պրեմիերան:

NastassjaKinski_2449104k

Նաստասյա Կինսկին ևս կլինի «Ոսկե ծիրան» Երևանի 12-րդ կինոփառատոնի պատվավոր հյուրերից: Դերասանուհին փառքի հասավ նկարահանվելով Ռոման Պոլանսկու, Վիմ Վենդերսի, Ֆրանսիս Ֆորդ Կոպոլայի և այլոց ֆիլմերում:

երմանացի դերասանուհին համաշխարհային ճանաչման հասավ 1978 թվականին` հանդես գալով Ալբերտո Լատուդայի իտալաիսպանական «Եղիր ինչպես կաս» ռոմանտիկ ֆիլմով, որտեղ Կինսկիի զուգընկերն էր Մարչելո Մաստրոյանին: Հաջորդ տարի Ռոման Պոլանսիկին նրան վստահեց «Թես» ֆիլմի գլխավոր հերոսուհու կերպարը: «Թեսը» բրիտանացի նովելիստ Թոմաս Հարդիի «Տեսսը Դէրբերվիլների տոհմից» դասական վեպի էկրանավորումն է: Ֆիլմը մեծ հաջողություն ունեցավ` Օսկարի վեց անվանակարգից հաղթելով երեքում: Պոլանսկու խորհրդով Կինսկին նաև դերասանական հմտություններ ձեռք բերեց հայտնի դերասան Լի Ստրասբերգի մոտ: Դերասանուհին առաջին հոլիվուդյան ֆիլմը Ֆրենսիս Ֆորդ Կոպոլայի «Ամբողջ սրտով» ռոմանտիկ մյուզիքլն էր: Նույն տարում Կինսկիի մասնակցությամբ մեկ այլ ֆիլմ էկրան բարցրացավ` Փոլ Շրեդերի «Կատու մարդիկ» էրոտիկ թրիլլերը:

1981-ին հայտնի ամերիկացի ֆեշն լուսանկարիչ Րիչարդ Ավեդոնը Կինսկիիին նկարեց` վագրապիթոնը մերկ մարմնին փաթաթված: Լուսանկարի թողարկումից հետո այն հայտնի դարձավ և հաստատեց Կինսկիին որպես սեքս խորհրդանիշ:

Կինսկիի մասնակցությամբ առավել հայտնի ֆիլմերից է Վիմ Վենդերսի «Փարիզ, Տեխաս»-ը, որը Կաննի բազմաթիվ մրցանակների առժանացավ: Նույն տարում Կինսկին Ռոբերթ Միչումի հետ խաղաց նաև Անդրեյ Կոնչալովսկու «Մարիայի սիրեկանները» ֆիլմում:

Դերասանուհին 90-ականների և վաղ 2000-ականների ևս շարունակեց հանդես գալ ֆիլմորում սակայն վերջին տասնամյակում Կինսկին ավելի ընտրողաբար է վերաբերում իր դերերին: Նրա՝ վերջին շրջանի հիշարժան ֆիլմերից են Դեյվիդ Լինչի «Ներքին կայսրություն» (2006) և Ռոտիմի Ռեյնվոթերի «Շաքար» (2013) կինոնկարները:

«Ոսկե ծիրան»-ի շրջանակներում տեղի կունենա Նաստասյա Կինսկիի ֆիլմերի հետահայաց ցուցադրությունը.

«Թես» Ռոման Պոլանսկի

«Փարիզ, Թեքսաս» Վիմ Վենդերս

«Մարիայի սիրեցյալները», Անդրեյ Կոնչալովսկի

 

 

Գրել կարծիք