Ո՞վ է Կանադայի նոր, փլեյբոյ ու իդեալական սանրվածքով վարչապետը

Ո՞վ է Կանադայի նոր, փլեյբոյ ու իդեալական սանրվածքով վարչապետը

Ի՞նչ է պետք իմանալ Կանադայի նոր վարչապետի մասին:

Հոկտեմբերի 19-ին Կանադայի Լիբերալ կուսակցության լիդեր, 43-ամյա Ջասթին Տրյուդոն հաղթեց խորհրդարանական ընտրություններում ու դարձավ երկրի վարչապետը: Տրյուդոյի հաղթանակը անսովոր էր շատ առումներով: Նա ամենաերիտասարդ վարչապետներից է ու նախկին վարչապետի որդին է: Տրյուդոյի լիբերալ ծրագիրը համեմատում են Բարաք Օբամայի բարեփոխումների հետ: Իսկ առաջինն, ինչ արեց նա, Օբամային զանգելն ու հայտնելն էր, որ Սիրիայից ու Իրաքից հետ է կանչում կանադացի օդաչուներին:

Ջասթին Տրյուդոյի հաղթանակն ընտրություններում կանխատեսել էր Ռիչարդ Նիքսոնը:  Ջասթին Տրյուդոն ծնվել է 1971 թվականին Պիեր Էլիոթ Տրյուդոյի ընտանիքում: Երբ Պիեր Էլիոթը պատրաստվում էր առաջադրվել երկրորդ անգամ, նա արդեն «Ժամանակակից Կանադայի հայրն էր» և երկրի կարևոր քաղաքական գործիչներից մեկը: Երբ Պիեր Տրյուդոյի որդին ընդամենը  չորս ամսական էր, ԱՄՆ նախագահ Ռիչարդ Նիքսոնը Օտտավայում ընդունելության ժամանակ փոքրիկ Ջասթինի պատվին  բաժակ բարձրացրեց ու նրան անվանեց «Կանադայի ապագա վարչապետ»: Պիերն ի պատասխան հույս հայտնեց, որ երեխայի մոտ կզարգանան կառավարության ղեկավար դառնալու համար անհրաժեշտ հատկություններ: Ոչ Նիքսոնը, ոչ էլ Պիեր Տրյուդոն չապրեցին մինչև Ջասթինի հաղթանակը:

GEN-PLC-CONGRES-TRUDEAU

Տրյուդոյի հաղթանակը ոչ ոք չէր սպասում, եթե չհաշվենք Նիքսոնին, իհարկե: Մինչև ընտրությունները, Լիբերալ կուսակցությունը Կանադայի խորհրդարանում միայն երրորդ տեղում էր, և դա այն դեպքում, երբ 20-րդ դարում կանադացի լիբերալները 70-ամյա կառավարման պատմություն ունեն: 2015-ի ամռանը հարցումները ցույց էին տալիս, որ Լիբերալ կուսակցությանը ձայն տվողները կազմում են 30 տոկոսից ոչ ավելի, իսկ դա կարող էր չբավականացնել ոչ միայն կառավարության ձևավորման, այլ նաև հաղթանակի համար: Ջասթին Տրյուդոյին քննադատում էին երիտասարդության ու անփորձության համար, նա ընդամենը 43 տարեկան է: Լիբերալ կուսակցությունը սկսել է ղեկավարել ընդամենը երկու տարի առաջ և երբեք չէր մասնակցել որևէ լուրջ ընտրության: Արդյունքում, Տրյուդոյի վստահ հրապարակային ելույթներն ու նախընտրական խոստումները լիբերալներին բերեցին անհավանական հաջողություն, կուսակցությունը Խորհդարանում ստացավ 184 տեղ (54 տոկոս), գրեթե երկու անգամ ավելի շատ, քան պահպանողականներին հետևողները:

Տրյուդոյին կոչում են քաղաքականության հայտնի մարդ:  Գրավիչ արտաքինն ու ծագումը մեկ անգամ չէ, որ Ջասթին Տրյուդոյի դեմ են աշխատել: Օրինակ, պահպանողականներն իրենց քարոզչության ժամանակ նրան դիմում էին անունով՝ ընդգծելով նրա հանդեպ ոչ լուրջ վերաբերմունքը, նաև կատակում էին, որ իդեալական սանրվածք ունի: Տրյուդոյին լուրջ չընկալելու պատճառներից մեկն էլ նրա անցյալն է, այդ թվում և կանադացի սենատոր-պահպանողական Պատրիկ Բրազոյի հետ 2012-ին անցկացրած բարեգործական բռնցքամարտը: Մենամարտը Տյուդոն հաղթեց, իսկ Բրազոն հետագայում մեղադրվեց ընտանեկան բռնության ու թմրանյութերի օգտագործման համար ու զրկվեց սենատորի  պաշտոնից: Հիմա նախկին քաղաքական գործիչը գիշերային ակումբում մենեջեր է աշխատում: Առանց այդ մենամարտի հիշատակման, կարծես թե, չի հրապարակվել ոչ մի հոդված ապագա վարչապետի մասին:

Մարիխուաննայի օրինականացումը, ամբողջ աշխարհում խաղաղության համար պայքարն ու հարուստների հարկերն ավելացնելը Տրյուդոյի գլխավոր խոստումներն էին: Առաջին հերթին նա որոշեց զբաղվել թեթև թմրանյութերի օրինականացմամբ: Բացի այդ, Տրյուդոն դեմ էր աբորտներն ու մուսուլմանական հագուստն արգելելուն: Ինքն իրեն էլ Տրյուդոն անվանում էր ֆեմինիստ: Կառավարության ղեկավարի աշխատանքի առաջին արդյունքներն արդեն երևում են: Հոկտեմբերի 20-ին՝ ընտրությունից մեկ օր հետո, նա զանգեց ԱՄՆ նախագահ Բարաք Օբամային ու հայտնեց, որ կանադացի օդաչուներին հետ է կանչում Սիրիայից: Մինչև այդ, Սիրիայում ու Իրաքում կանադական կործանիչները կատարել էին ավելի քան վեց հազար թռիչք:

Ջասթին Տրյուդոն Պուտինին համարում է վտանգավոր պնդերես: Կանդայի Լիբերալ կուսակցության ղեկավարը նախընտրական մրցավազքում չխուսափեց նաև այսպես կոչված  «Պուտինի փորձությունից»: Հարցին, թե ինչպես է շփվելու ռուս լիդերի հետ, Տրյուդոն ասաց, որ Պուտինը պնդերես է, վտանգավոր է ամբողջ Արևելյան Եվրոպայի համար, Մերձավոր Արևելքում իր գործողությունների համար պատասխանատու չէ ու պատրաստ է Արկտիկայում իրականացնել չհիմնավորված պրովոկացիաներ:

«Եթե առաջիկա ամիսներին ես հնարավորություն ունենամ հանդիպել Պուտինին, այս ամենը ես կասեմ նրա դեմքին, քանի որ մենք պետք է Երկրի վրա խաղաղության ու արդարության երաշխավորներից մեկը լինենք»,– մինչև ընտրությունները հայտնել էր Տրյուդոն:

Գրել կարծիք