Թվիթերյան հեղափոխությունն ընկերության համար հպարտություն է. @Րաֆֆի Գրիգորյան

Թվիթերյան հեղափոխությունն ընկերության համար հպարտություն է. @Րաֆֆի Գրիգորյան

Ինչպե՞ս է պետք նվաճել համաշխարհային տեխնո-շուկան, զրոյից ստեղծել սեփական կիբեր-կայսրությունը, արդյոք կառավարությունները փորձում եմ վերահսկել սոցցանցերը,- newmag-ի հարցերին պատասխանում է նախկին թվիթերցի, այժմյան ուբերցի Րաֆֆի Գրիգորյանը:

raffitexekanq

Նա գիտի` ինչպես հասնել հաջողության, չի վախենում փոփոխություններից և ձգտում է նոր հաղթանակների: Րաֆֆի Գրիգորյանը մեր հայրենակիցն է. նա թողեց «Twitter»-ը (փոխնախագահ՝ 2009- 2014 թթ.), այժմ աշխատում է ամերիկյան «Uber» ընկերությունում. առաջատար տեխնոլոգիաների կենտրոնի ինժեներական գծով ղեկավարն է:

texekanq-UBER

Րաֆֆի Գրիգորյանը «Twitter»-ում ղեկավարում էր հինգ տարբեր խմբեր և պատասխանատու էր սոցիալական ցանցի ծրագրային ապահովման ենթակառույցի համար: Նախքան «Twitter»-ին միանալը Րաֆֆին համահիմնադրել էր անձնական էներգախնայողության WattzOn.com սթարթափը, որը «Business Week» ամսագիրն անվանել էր 2008-ի լավագույն գաղափար: Ղեկավարել է խորհրդատվական ընկերություն և դասավանդել է Նյու Յորքի համալսարանի ինտերակտիվ հեռահաղորդակցության բաժնում:

««Twitter»-ը 50 աշխատակից ուներ, երբ միացա նրան: Միկրոբլոգում ամենաքննարկվող նորությունն այն ժամանակ Մայքլ Ջեքսոնի մահն էր: Այն սկզբում ինձ շատ զվարճալի պլատֆորմ թվաց: «Twitter»-ին միացա որպես ինժեներ, բայց երբ տեղեկատվական հոսքերն ավելացան, համակարգը չէր դիմանում, օրինակ՝ երբ սպորտային իրադարձություններ էին լինում կամ նախագահի այց: Առաջարկեցի փոխել ծրագիրը. այդ պահից ղեկավարեցի թիմը»:

raffi

#«Twitter» միկրոբլոգային ծառայությունը թույլ է տալիս գրել մինչև 140 նիշից բաղկացած տեքստային հաղորդագրություն: Այն հայտնի է tweets («ծլվլոցներ») բնորոշմամբ։ «Twitter»-ն անվանում են համացանցի SMS։

««Twitter»-ի 140 նիշը գոհացնում է. այն մոտավորապես մեկ sms-ի չափ է. «Twitter»-ը մենք դիտարկում ենք մամուլի ժողովրդականացման միջոց: Փորձում ենք ցանցում ազատվել սինտաքսիսից՝ թվիթերային ժարգոնից. այն խճճում է օգտատերերին: 140 նիշով պետք է լինել դիպուկ ու հասկանալի»:

Միջազգային լրատվամիջոցները 2011-ի հունվարին հայտարարություն տարածեցին, որ ԱՄՆ կառավարությունը պատրաստվում է «ՎիքիԼիքսի» խմբագիր Ջուլիան Ասանժի ու նրա մի քանի օգնականների անձնական տվյալները ստանալու համար դիմել «Twitter»-ին: Հետո միայն հայտնի դարձավ, որ ԱՄՆ արդարադատության նախարարությունը դեռ 2010-ին էր դիմել «Twitter»-ին, բայց մերժում էր ստացել: Այդ պատճառով դիմել էր Վիրջինիա նահանգի դաշնային դատարան: Հայցը բավարարվել էր, «Twitter»-ը պարտավոր էր հանձնել Ասանժի և օգնականների անձնական տվյալները՝ էլփոստի հասցեները, հաղորդագրությունները:

«Մենք ապրում ենք մի աշխարհում, որտեղ անձնական տարածքը ջնջվում է: Մեզ ամենուր տեսնում և լսում են: Գաղտնի ոչինչ չկա այլևս և՛ իրական կյանքում, և՛ օնլայն տիրույթում: Պետք է լինել զգույշ և իմանալ, որ մի օր ամեն ինչ կարող է հանրային դառնալ: Երբ անվտանգության ծառայությունները փորձում են «Twitter»-ից ինֆորմացիա վերցնել, ընկերությանը նախ հետաքրքրում է՝ այդ ծառայությունները ցանկանում են վնասե՞լ, թե՞ օգտակար լինել օգտատերերին: Երբ տեսնում ենք, որ այն օգտատերերին օգուտ չի բերելու, հրաժարվում ենք, եթե նույնիսկ Սնոուդենի հարցով է»:

raffi-2Թվիթերյան հեղափոխությունները ցույց տվեցին, որ միկրոբլոգն օգտագործվում է ժողովրդավարական գործընթացների համար: Որտեղ ընդվզում է, քաղաքացիներն ու քաղաքական գործիչները միանգամից սկսում են թվիթել:

ՖԻՖԱ-ի կոռուպցիոն սկանդալը «Twitter»-ում դարձել էր ամենաքննարկվողը: Թրենդում էին #FIFA-ով գրառումները: Հեշթեգը առաջին տեղում էր Շվեյցարիայի, ԱՄՆ, Ֆրանսիայի, Ռուսաստանի և ընդանուր worldwide ռեյտինգում: Թրենդները «Twitter»-ին օգնում են հասկանալ, թե ինչ է կատարվում աշխարհում:

«Թվիթերյան հեղափոխությունն ընկերության համար հպարտություն է: «Twitter»-ը կարողացել է այդ ազդեցությունը ձեռք բերել: Այն փոխում է աշխարհը, ընտրությունները դարձնում է ազատ ու թափանցիկ»:

Twitter revolution (թվիթերյան հեղափոխություն) արտահայտությունը բնորոշում է բողոքի ակցիաները, որոնք կոորդինացվում են միկրոբլոգում: Այդպիսիք էին Իրանում բողոքի ակցիաները (2009), Թունիսի (2010—11), Եգիպտոսի (2011) հեղափոխություններն ու Եվրամայդանը (2013—14):

2014-ի երկրորդ կիսամյակում «Twitter»-ին ամենաշատ բողոքներն ուղարկել է Թուրքիայի կառավարությունը (470 դիմում)՝ միկրոբլոգում ինֆորմացիայի արգելափակման համար: «Twitter»-ը տարին 2 անգամ հաշվետվություն է ներկայացնում, թե բովանդակություն արգելափակելու քանի դիմում է ստացել երկրների իշխանություններից: 2014-ի վերջին տվյալով առաջատարը Թուրքիան է, հաջորդում են Ռուսաստանն ու Գերմանիան:

««Twitter»-ը խաղի հավասար պայմաններ է ստեղծում բոլորի համար. եթե որևէ երկրի կառավարություն զայրանում է, «Twitter»-ն ասում է. «Դա մեր մեղքը չէ, մենք արտացոլում ենք իրականությունը»: Ընկերությունը գործելաոճը չի փոխի հանուն որևէ կառավարության»:


Տես նաև Րաֆֆի Գրիգորյանի Twitter-ի պաշտոնական էջը


Ի տարբերություն «Facebook»-ի՝ «Twitter»-ում մարդիկ չեն տարածում անձնական լուսանկարներն ու պատմությունները. այն առավելապես հանրային հարթակ է: Այստեղ ինֆորմացիա է, որը հետաքրքրում է աշխարհին:

«Twitter»-ն աշխարհի 10 ամենաայցելվող կայքերից է։ Օգտատերերի թիվն աճում է ամեն օր: Այս տարվանից «Twitter»-ում սկսեց աշխատել հայերեն հեշթեգը (օր.#Հայաստան): Հեշթեգը թվիթերյան տեխնոլոգիա է, որը հետագայում օգտագործվեց այլ համակարգերում՝ «Facebook»- ում, «Instagram»-ում: Այն օգտատերերին օգնում է արխիվացնել որոշակի թեմայով թվիթերյան գրառումները և դրանք դարձնել հեշտ որոնելի:

raffi-1«Պետք է կառավարել ինտերնետում անցկացրած ժամանակը. այն կարևոր է գլոբալ աշխարհի հետ շփվելու համար, բայց չպետք է մոռանալ իրական կյանքի մասին: Իմ կոչն է գործընկերներիս. միայն համակարգչի մեջ մի՛ նայեք, այն օգնում է ավելի լայն շառավղով կապ հաստատել, օնլայն չաթը իրական շփումների շարունակությունն է, ոչ ավելին: Ինտերնետը դիտարկում եմ տարածք, որտեղից պետք է շատ օգուտ քաղել ու կապեր հաստատել»:

Րաֆֆին «Թումո»-ի խորհրդի անդամ է: Հայաստան այցելելիս մասնագիտական դասընթացներ է անցկացնում երիտասարդների համար:

Շեշտում է, որ պետք է օգնել ու քաջալերել սթարթափներին: ՏՏ-ում կայուն զարգացում ապահովելու համար պետք է շրջանավարտներին ներառել գործնական աշխատանքում, փորձառուները պետք է իրենց փորձը փոխանցեն սկսնակներին:

«Հայաստանում տեխնոլոգիական առաջընթացն ակնհայտ է, մշտապես կապ եմ պահպանում տեղական ընկերությունների և Հայաստանից ԱՄՆ եկողների հետ: Նրանք, իրոք, ցանկանում են միանալ գլոբալ տնտեսությանն ու ինտերնետային համայնքին»:

Րաֆֆիի վերջին այցը Հայաստան ապրիլին էր. նա «Թումո» կենտրոնում մասնակցում էր HIVE տեխնոլոգիական առաջնորդության գագաթնաժողովին: Հայկական սթարթափների համար էլ բացում էր գործնական գաղտնիքներ՝ ինչպես մտնել համաշխարհային շուկա:

Գրել կարծիք