Մեդիա մարտահրավերներ ու մտավախություններ՝ «Թվապատում» կոնֆերանսում

Մեդիա մարտահրավերներ ու մտավախություններ՝ «Թվապատում» կոնֆերանսում

Ինտերնետը տպագիր մամուլին հնարավորություն տվեց նաև փոխանցել երեխայի ծիծաղը կամ քամու ձայնը:

1

Լրատվամիջոցների տրանսֆորմացիաներին ու փոփոխություններին հետեւող ու դրանք փոփոխող մեդիաաշխատողները քննարկում են, թե թվային աշխարհում ինչ մարտահարվերներ կան ԶԼՄ-ների համար: Յոթ տարեկանից ժուռնալիստիկայով զբաղվող Լեսլի Թորնթոնը եկել է Հայաստան, որ պատմի` լրագրողները փոխվել են, փոխվել են նաեւ պատմություններ պատմելու միջոցները:

 Հեռուստատեսությամբ հնարավոր է փոխանցել երեխայի ծիծաղը կամ քամու ձայնը, իսկ ինտերնետը հնարավորություն տվեց դա անել նաեւ տպագիր մամուլին: Բայց ինտերնետի գլխավոր առանձնահատկությունն այն է, որ պատմությունները տարածելու միջոցով մենք դարձնում ենք ավելի անձնական, – շեշտել է Արիզոնայի համալսարանի մուլտիմեդիա լրագրության դասախոս Լեսլի Թորնթոնը:

Լատվիական հայտնի «Մեդուզա» կայքի աշխատակիցն առաջարկում է փոխել լրատվություն հաղորդելու դասական միջոցները, ոչ թե պատմել, այլ խաղալ ու ցույց տալ` թեստերի, ինտերակտիվ ինֆոգրաֆիկաների ու նույնիսկ խաղերի միջոցով:

Նման նախագծերը, նոր ֆորմատներն օգնում են նորանոր լսարաններ ձեռք բերել, մարդիկ սիրում են ինտերակտիվ խաղեր, թեստեր, դրանք նաեւ շատ լավ են տարածվում ինտերնետում ու ապահովում շատ դիտումներ, – վստահ է «Մեդուզա» կայքի նոր ժանրերի եւ հատուկ նախագծերի պատասխանատու Ալեքսանդր Պոլիվանովը:

Մեդիա նախաձեռնությունների կենտրոնի media.am կայքի պրոդյուսեր Գեղամ Վարդանյանը չգիտի, թե մինչեւ ուր կհասնեն հայկական ԶԼՄ-ները, բայց ինտերնետում նրանք լավ են տեղավորվել:

– Ինտերնետում հայկական ԶԼՄ-ները ավելի ու ավելի են շատանում, նրանց դերը ուժեղանում է, կարեւորվում: Վաղ, թե ուշ, այն քանակը, որ կա օգտատերերի ու ԶԼՄ-ների, կբերի որակի, – նկատել է Գեղամ Վարդանյանը:

Գերազանցիկ, այսպես է հայկական լրատվամիջոցներին բնութագրում «Ազատություն» կայքի խմբագիր Արթուր Պապյանը ու տիպիկ գերազանցիկության վատ հետեւանքների ու իր մտավախությունների մասին էլ պատմում է. «Գերազանցիկի պես են իրենց պահում, սոցցանցերում կան, youtube-ում կան: Եւ ես այստեղ վտանգ եմ տեսնում` հայաստանյան լրատվամիջոցները չկորցնեն մեդիա լինելու իրենց դերը»:

Այսօր մարտահրավերների ու մտավախությունների մասին, իսկ վաղն արդեն տեղացի ու արտասահմանցի մեդիամասնաագտները կներկայացնեն իրենց փորձը, ինչպես աշխատել մեդիայում` ինտերնետի ու մոբայլ սարքերի դարաշրջանում:

Այնուհետև, քննակուներին եկավ փոխարինելու գործնականը: Լսարաններում մեդիա ներկայացուցիչները մասնակիցներին էին ներկայացնում հաջողված նախագծերն ու պամում, ինչպես սկսեցին և հաջողեցին:

Բուն TV-իի թիմը պատմում էր ոչ կոմերցիոն մեդիայի դժվարությունների ու հնարավորությունների մասին, մյուս լսարանում էլ «Չայխանա» նախագծի հայկական բաժնի համակարգող Նվարդ Հովհաննիսյանը ներկայացնում նախագիծն ու ընդգծում, որ «Մենք կենտրոնացած ենք ոչ թե իրադարձությունների, այլ մարդկային պատմությունների վրա»:

360Stories-ի տնօրեն Ալբերտ Պողոսյանը հյուրերին պատմեց վիրտուալ իրականության և օգտատերերի կողմից ստեղծվող բովանդակության մասին: Քննարկումների փուլը կշարունակվի նաև վաղը:

 

Գրել կարծիք