Փոքրիկ տանիք՝ գլխավերևում

Փոքրիկ տանիք՝ գլխավերևում

1715-ին Փարիզում հայտնվել է առաջին ծալովի հովանոցը, իսկ հեղափոխությունն ավելի ուշ եղավ՝ 1850-ին և այդ ժամանակ հայտնագործվեց հովանոցը, որն օգտագործում ենք մեր օրերում:

Ի սկզբանե այն հնարեցին արևից պաշտպանվելու համար: Իսկ հիմա հիշում ենք, երբ անձրև է գալիս: Աշունը սկսվեց թե չէ, հովանոցը դառնում է մեր անբաժան ընկերը: Փոքրիկ ու շարժական տանիքը հարմար է և թեթև: Թրջվելու մասին անհանգստանալու առիթ այլևս չկա:

Իշխանության խորհրդանիշ/ Հետճաշյա հովանոց (1875)

newmag 46_printՄինչև հիմա հովանոցի հայրենիքը որոշված չէ: Մ. թ. ա. 11-րդ դարում գրեթե միաժամանակ այն հայտնվեց և՛ Եգիպտոսում, և՛ Չինաստանում: Երկու երկրներում էլ այն իշխանության խորհրդանիշ էր: Հովանոց ունեին միայն կայսրն ու փարավոնը: Դրանք այնքան մեծ էին ու ծանր, որ տեղափոխելու համար հատուկ ստրուկներ էին պահում:

Հովանոցն իշխանության խորհրդանիշ էր նաև Հնդկաստանում: Տիբեթում դեղին և սպիտակ հովանոցները հոգևոր մեծության նշան էին: Ավելի ուշ հովանոցները հայտնվեցին Հունաստանում և Հին Հռոմում: 17-րդ դարում հովանոցը հայտնվեց Ֆրանսիայում:

 

 

Ամենա…

Ամենամեծ հովանոցը Շվեդիայում է: 240 սմ տրամագծով հովանոցի տակ միաժամանակ 16 մարդ է տեղավորվում:

Ամենաթանկ հովանոցը պատրաստում են լոնդոնյան նորաձևության տանը` հատուկ պատվերով: Կոկորդիլոսի կաշվից պատրաստված հովանոցն արժե 50 հազար դոլար:

Անձրևից պաշտպանվողը

1637-ին առաջին անգամ հովանոցը կիրառվեց որպես անձրևից պաշտպանվելու միջոց: Նորարարը ֆրանսիացի թագավոր Լյուդովիկոս 13-րդն էր: Մինչև այդ հովանոցը միայն արևից պաշտպանվելու համար էր:

Մինչև մեր օրերը

1715-ին Փարիզում հայտնվեց առաջին ծալովի հովանոցը: Հեղափոխությունն ավելի ուշ եղավ՝ 1850-ին: Հենց այդ ժամանակ հայտնագործվեց հովանոցը, որն օգտագործում ենք մեր օրերում: Գյուտարարը անգլիացի Սեմուել Ֆոքսն էր:

Ի նշան

Արքայազն Ռուպերտին 1682-ին 2 մեծ հովանոց նվիրեցին: Մի քանի ամիս անց հերցոգը մահացավ: Սնահավատները նրա մահը կապեցին հովանոցների հետ: Հենց այդ պահից սկսած՝ տանիքի տակ հովանոց բացելը անհաջողության նշան է համարվում:

Գրել կարծիք