Ո՛չ, դուք չպետք է խմեք օրական 8 բաժակ ջուր

Ո՛չ, դուք չպետք է խմեք օրական 8 բաժակ ջուր

Խմե՞լ 2 լիտր ջուր, թե՞ ոչ: Ամերիկացի հայտնի պրոֆեսորի աղմկահարույց հոդվածն այն մասին, որ իրականում չկա որևէ իրական գիտական ապացույց այն պնդմանը, թե ջրի հավելյալ օգտագործումը տալիս է որևէ առավելություն:

aaron

Եթե աշխարհում գոյությու ունի մի առասպել, որը երբևէ չի կորցնի իր կենսունակությունը, ապա այն հետևյալի մասին է. դուք պետք է խմեք օրական 8 բաժակ ջուր: Սա ուղղակի սուտ է՝ առանց որևէ գիտական հիմնավորման:

Այդուհանդերձ, յուրաքանչյուր ամառ մեզ հեղեղում են լրատվությամբ, հոդվածներով, որոնք զգուշացնում են` ջրազրկումը վտանգավոր է ու ամենահաս: Նմանատիպ հոդվածները վախ են առաջացնում ու տպավորություն ստեղծում, թե առողջ երեխաներն ու մեծահասակներն իրականում ջրազրկված են, և որ ջրազրկումը հասել է համաճարակային մասշտաբների:

Եկեք մանրամասն ուսումնասիրենք այս պնդումները:

Ես եղել եմ բժշկական առասպելների մասին BMJ (British Medical Journal) գիտական հանդեսի 2007թ.-ի հավաքածուի համահեղինակը: Գրքի առաջին առասպելն այն էր, թե մարդիկ պետք է օրական առնվազն 8 բաժակ ջուր խմեն: Այդ աշխատությունն արժանացավ լրատվամիջոցների ավելի մեծ ուշադրության (նույնիսկ Тhe Times-ի կողմից) քան իմ երբևէ  հեղինակած որևէ այլ գիտական աշխատանք: Բայց այն ոչինչ չփոխեց:

Երբ երկու տարի անց մենք հրատարակեցինք բժշկական առասպելների մասին մեկ այլ գիրք, որը կրկին մերկացնում էր այն գաղափարը, թե մեզ օրական անհրաժեշտ է այդ 8 բաժակ ջուրը, ես կարծում էի այն կստիպի մարդկանց չանհանգստանալ: Ես կրկին սխալվեցի:

Շատերը կարծում են, թե այս առասպելի հիմքում 1945 թ.-ին հրատարակած ԱՄՆ պարենի ու սննդամթերքի խորհրդի հանձնարարականն է, որում նշված է, որ մարդիկ օրական 2.5լ ջրի կարիք ունեն: Բայց նրանք անտեսում են նախադասությունը, որը գալիս է անմիջապես  հաջորդիվ, որտեղ նշվում է. «Այս չաբաբաժնի մեծ մասը պարունակում է պատրաստի սննդամթերքը»:

Ջուր են պարունակում միրգն ու բանջարեղենը: Այն կա հյութերում, գարեջրում, թեյի ու սուրճի մեջ: Նախքան որևէ մեկը կգրի ինձ, թե սուրճը ջրազրկում է մարմինը, գիտական աշխատանքները կապացուցեն, որ դա նույնպես սուտ է:

Թեև ես խորհուրդ եմ տալիս հեղուկներից ընտրել ջուրը որպես լավագույն խմիչք, այն, իհարկե, Ձեր  օրգանիզմի խոնավեցման միակ աղբյուրը չէ: Դուք չպետք է ապահովեք ջրի անհրաժեշտ չափաբաժինը միայն ջուր խմելով: Ավելին, Դուք չպետք է այդքան անհանգստանաք ջրազրկվելու վտանգի համար: Մարդու մարմինը ճշգրիտ համակարգված է ու կհուշի Ձեզ խմել, նախքան Դուք իրականում կջրազրկվեք:

Ի հեճուկս այն բազմաթիվ պատմությունների, որ դուք կարող եք լսել, չկա որևէ իրական գիտական ապացույց այն պնդման, թե ջրի հավելյալ օգտագործումը տալիս է որևէ առավելություն: Օրինակ՝ հետազոտություններն այդպես էլ չկարողացան փաստել, որ ջրի շատ օգտագործումը խոնավեցնում է մաշկը և զերծ է պահում այն կնճիռներից: Ավելին՝ այդ հետազոտություններում ջրի «մեծաքանակ» սպառման տակ սահմանվում է շատ ավելի փոքր չափաբաժին քան այդ 8 բաժակը:

Մի շարք գովազդատուներ ու ԶԼՄ-ներ փորձում են համոզել Ձեզ, որ դա այդպես չէ: Յուրաքանչյուր տարվա հետ աճում է այն մարդկանց թիվն, ովքեր իրենց հետ ջուր են մատ տալիս: Շարունակում է աճել նաև շշալցված ջրի սպառումը:

Այս ամառվա պատմությունների մեծ մասը ոգեշնչված էր Միացյալ Նահանգների Հանրային Առողջության Տեղեկագրի ուսումնասիրություններով, որտեղ օգտագործվել են 2009-2012թթ.-ի Ազգային Առողջապահության ու Սննդի հետազոտությունները: Հետազոտվել է 6-19 տարեկան 4,134 երեխա: Մասնավորապես, հաշվարկվել է նրանց մեզի օսմոտիկ խտությունը: Որքան բարձր է թիվը, այնքան բարձր է մեզի խտությունը:

Պարզվել է, որ երեխաների  մեծ մասի մոտ մեզի օսմոտիկ խտությունը 800մՕսմ/կգ է և ավելի: Պարզվել է նաև, որ այն երեխաների մոտ, ովքեր սովորաբար 8 և ավելի բաժակ ջուր են օգտագործել, մեզի օսմոտիկ խտությունը 8մՕսմ/կգ-ով պակաս է եղել, քան նրանց մոտ, ովքեր չեն խմել այդ 8 բաժակը:

Այսպիսով, եթե ջրազրկումը սահմանենք որպես մեզի օսմոտիկ խտություն 800մՕսմ/կգ և ավելի դեպքում, ապա հետազոտության արդյունքներն իրոք մտահոգիչ են: Խնդիրն այն է, որ հետազոտողներից շատերին դա չի մտահոգում:

Ես մանկաբույժ եմ, և ես հազվադեպ եմ օգտագործում մեզի օսմոտիկ խտությունը եզրակացնելու համար, թե երեխայի մարմինը ջրազրկվել է: Երբ ես հարցրեցի իմ գործընկերներին, նրանցից և ոչ մեկը չասաց, թե 800մՕսմ/կգ մտահոգիչ ցուցանիշ է:  Ես փնտրեցի համացացնցում: Այստեղ ևս աղբյուրների մեծ մասը նշում են, որ 1.200 մՕսմ/կգ դեռ համարվում է ընդունելի ցուցանիշ:  Որևէ մեկը չի նշում, թե 800-ն արդեն մտահոգիչ ցուցանիշ է, երբ երեխայի մարմինը կանգնած է ջրազրկման վտանգի առջև:

Այլ կերպ ասած՝ շատ քիչ պատճառ կա հավատալու, թե երեխաների մոտ մեզի 800մՕսմ/կգ խտությունը մտահոգիչ է:

Ի դեպ, 2002-ին, Մանկաբուժության ամսագրում մի հետազոտություն էր հրատարակվել, ըստ որի գերմանացի տղաների մոտ մեզի միջին օստոմատիկ խտությունը 844մՕսմ/կգ է: Հոդվածը բերում էր մի շարք երկրների օրինակներ, որտեղ այդ ցուցանիշը տարբեր էր: Քենիայում այն  392 էր, իսկ Շվեդիայում՝ 964 :

Բայց սա էլ չկանգնեցրեց հետագա հետազոտությունները, որտեղ 800մՕսմ/կգ-ն նշվում է որպես ցուցանիշ, որի դեպքում երեխայի մարմինը համարվում է ջրազրկված:

2012թ-ի Սննդի և նյութափոխանակության տարեգրքում նշված է, որ ֆրանսիացի երեխաների 2/3-ը բավարար քանակությամբ հեղուկ չեն ստացել: Մեկ այլ հետազոտություն Հանրային առողջապահության ու սննդի ամսագրում փաստում է, որ Լոս Անջելեսում և Նյու Յորքում երեխաների 2/3ը նույնպես բավականաչափ հեղուկ չեն ստանում:

Առաջին հետազոտությունը ֆինանսավորել էր Nestlé Waters-ը, երկրորդը ՝ Nestec-ը՝ Nestlé-ի դուստր ընկերությունը:

Հնարավոր է, որ կան երեխաներ, ովքեր ավելի շատ հեղուկի կարիք ունեն: Բայց, մյուս կողմից, մենք ռիսկի ենք դիմում` կոչելով սովորական առողջ վիճակը հիվանդություն: Այն, որ առողջ երեխաների 2/3ը տարեցտարի լաբորատոր հետազոտությունների հիման վրա «աննորմալ»  պիտակավորվում են ստանում, կարող է լինել միայն սահմանում, այլ ոչ նրանց առողջության իրական վիճակի նկարագրություն:

Ջրազրկումը նույնիսկ կազմել է Միշել Օբամայի «Drink Up» քարոզարշավի մասը: 2013-ին Սեմ Քասը, այն ժամանակ Սպիտակ Տան սննդային քաղաքականության խորհրդականը, հայտարարեց. «Ամերիկացիների 40%-ը օգտագործում է ջրի օրական անհրաժեշտ չափաբաժնի կեսը»:

Չկա պաշտոնական ցուցում մարդուն անհրաժեշտ ջրի օրական չափաբաժնի վերաբերյալ: Այն ակնհայտորեն տարբեր է, հաշվի առնելով այն, թե որտե՞ղ են մարդիկ բնակվում, ի՞նչ են ուտում, ի՞նչով են զբաղվում են և քանի տարեկան են: Բայց, քանի որ մարդիկ այս երկրում ապրում են ավելի երկար քան երբևէ, իսկ խմիչքն առավել հասանելի է, քան եղել է պատմության գրեթե ամբողջ ընթացքում, իրականությանն ուղղակի չի համապատասխանում պնդումը, թե մենք բոլորս ջրազրկված ենք:

Գրել կարծիք