Կին արձանագործուհիներ. Վերացող տեսակ` ընդհատակում

Կին արձանագործուհիներ. Վերացող տեսակ` ընդհատակում

Հայաստանում կին քանդակագործների դեֆիցիտ կա, կամ ընդհատակում են կամ էլ չեն երևում տղամարդկանց ֆոնին: newmag-ը գտել, լուսանկարել ու զրուցել է կին, բայց և քանդակի պես ամուր արձանագործուհիների հետ:

Հայաստանում կին քանդակագործների դեֆիցիտ կա: Նրանց ու հանրային վայրերում տեղ գտած իրենց աշխատանքները կարելի է մատների վրա հաշվել: Հանրային տարածքներում այսօր կարելի է տեսնել ընդամենը երեք արարչագործություն` կնոջ ձեռքով: Սա մեծ խնդիր է, որը մտահոգում է կին քանդակագործներին:

Այդ պատճառով էլ որոշել են այս տարի իրենց աշխատանքների վիրտուալ ինստալյացիա անել հանրային վայրերում ու ցուցադրություն կազմակերպել` հուսալով, որ մարդիկ նաև իրենց` կանանց հայացքով կփորձեն տեսնել մայրաքաղաքի արձանային լանդշաֆտը:

Նունե Թումանյան

Խոհափիլիսոփայական փոքր ծավալի քանդակներ, որոնք նախատեսված են մեծ դառնալ: Նյութը՝ կավ, բրոնզ, փայտ, ապակի: Մասնակցել է հանրապետական և միջազգային ցուցահանդեսների. 1996 թ.՝ Դանթեի «Աստվածային կատակերգությանը» նվիրված VII, VIII բիենալե, Իտալիա, 2001 թ.՝ «Դանթեն հայ կերպարվեստում». Դանթեի կենտրոն, Իտալիա, 2004 թ.՝ «Սալոն 2004». Նկարիչների կենտրոնական տուն, Մոսկվա, 2014 թ.՝ «Կանայք և արվեստը-2014» միջազգային բիենալե, Շարժա, ԱՄԷ: Անհատական ցուցահանդեսներ՝ 2001, 2008, 2013 թթ.: Ամենաթանկ քանդակը դեռ չի վաճառել:

kin-1

Մայա Ավագյան

Սկսնակ. ոճը կձևավորվի հետագայում: Աշխատանքային նյութը ՝ քար, բրոնզ, գիպս: Մասնակցել է մշակույթի նախարարության թանգարանային ցուցադրություններին, նկարիչների միության ցուցահանդեսներին:

kin-2

Արփինե Քեթցյան

Ոճը՝ քաղաքային մանրաքանդակներ: Աշխատանքային նյութը ՝ բրոնզ, կավ: 2002 թ.՝ ցուցահանդես` «Լողափ» քանդակների շարքով, Լիոն: 2005 թ.՝ «Հացթուխ», «Մարգարիտա», Նյու Յորք:

kin-3

 

Մարգարիտա Մատուլյան

Մանրաքանդակներ, միջին մեծության քանդակներ: Նյութը՝ բրոնզ, պղինձ, թուղթ: Անհատական ցուցահանդեսներ. 2006-2014 թթ.՝ ցուցահանդեսներ Երևանում, 2013 թ.՝ «Bairut Souks» ցուցադրություն «Արամե» պատկերասրահում, Բեյրութ:

kin-4

Լուսինե Ավետիսյան

Մանրաքանդակներ: Նյութը՝ օճառ, փայտ, կավ: Ցուցահանդեսներ ունեցել է Երևանում:

kin-5

Հայաստան Ներսիսյան

Քաղաքային մանրաքանդակներ, միջին մեծության քանդակներ: Աշխատանքային նյութը՝ կավ: Ունեցել է ցուցահանդես Ժողարվեստի թանգարանում, Երևան:

kin-6

Կարինե Ճշմարիտյան

Մանրաքանդակներ, միջին մեծության քանդակներ: Աշխատանքային նյութերը՝ բրոնզ, մարմար, գիպս: Ցուցահանդեսներ` «Շեդևր», «Ալբերտ և TOV Բոյաջյան պատկերասրահ», Երևան:

kin-7

Գրել կարծիք