Ուժեղ կանայք և նրանց պես ուժեղ երգերը

Ուժեղ կանայք և նրանց պես ուժեղ երգերը

Այս կանայք չհամակերպվեցին պարզապես տնային տնտեսուհի լինելու մտքի հետ ու որոշեցին… փոխել երաժշտական աշխարհը: Այո՛, ոչ միայն երգել ու ստեղծագործել, այլև փոխել՝ դառնալով միլիոնավոր տղամարդկանց և կանանց կուռքն ամբողջ աշխարհում: Ստորև կներկայացնենք ժամանակակից երաժշտության 7 ամենականանց ու նրանց ամենաալբոմները:

print-58-76ՄԱԴՈՆՆԱ

Կարելի է չսիրել նրան, կարելի է պնդել, որ վոկալային տվյալները այնքան էլ լավը չեն (ի դեպ, այստեղ Դուք օբյեկտիվորեն ճիշտ կլինեք), սակայն անհնար է ժխտել, որ ժամանակակից երաժշտության մեջ բացառիկ ազդեցիկ է փոփ թագուհին` Մադոննան:

275 միլիոն վաճառված ալբոմ՝ ամբողջ աշխարհում (ռեկորդային` Գինեսի գրքի մակարդակով): Նրանից ոգեշնչվում ու սովորում են ժամանակակից փոփ արքայադուստրերն ու փոփ սկսնակները: Նրա բեկումնային ալբոմն է «Like a Virgin»-ը:

 

 

print-58-77ՔՐԻՍՏԻՆԱ ԱԳԻԼԵՐԱ

«Գրեմի»-ների քանակով Բեյոնսեին չզիջող Ագիլերան ծնվել է իռլանդուհու և էկվադորցու ընտանիքում: Երևի նաև հենց այս էկզոտիկ խառնուրդն է նրան դարձրել 20-21-րդ դարերի լավագույն երգչուհիներից մեկը:

18 տարեկանում նրան համաշխարհային հռչակ բերեց «Genie in a Bottle» («Ջինը շշում») սինգլը: Ագիլերան ավելի շատ աչքի է ընկնում «ռումբային» սինգլներով: Ալբոմների տեսանկյունից ամենահաջողվածը կարելի է համարել բազմիմաստ անվանում ունեցող «Stripped»-ը:

 

 

print-58-78ԲԵՅՈՆՍԵ

Դեռևս «Destiny’s Child» խըմբում եղած ժամանակ Բեյոնսեն գուցե բնազդաբար զգում էր, որ կարող է անել ավելին, ու որ դա պետք է անել մենակ: Եվ 22-ամյա Բեյոնսեն խմբի առաջին տրոհման ժամանակ (2003) թողարկեց իր առաջին սոլո ալբոմը` «Dangerously in Love»-ը: Ու ստացավ 5 «Գրեմի»:

5 տարի անց սոլո կարիերայով հայտնի երգչուհին գերազանցեց իր իսկ ռեկորդը` 6 «Գրեմի» տանելով «I am… Sasha Fierce» հիթային ալբոմի համար: Ի դեպ, Սաշա Ֆիրսը Բեյոնսեի ալտերէգոն է:

 

 

print-58-82ԷՄԻ ՈՒԱՅՆՀԱՈՒՍ

«27 ակումբի» 1 նորեկ Ուայնհաուսը իր արժանի տեղն է զբաղեցնում ակումբակիցների կողքին: Բացի ինքնատիպ արտաքինից ու վոկալից` Էմին հասցրեց մեծ ազդեցություն թողնել ժամանակակից երաժշտության վրա` կոտրելով փոփի, սոուլի, R’n’B-ի և ջազի միջև եղած սահմանները:

Ասվածի լավագույն ապացույցն է նրա երկրորդ` «Back to Black» աշխարհահռչակ ալբոմը, որը ձայնագրելուց 2 տարի անց Ուայնհաուսը գրանցվեց Գինեսի ռեկորդների գրքում որպես միակ բրիտանուհի, որը միանգամից 5 «Գրեմի» է ստացել:

 

 

print-58-79ԹԵՅԼՈՐ ՍՎԻՖԹ

60 միլիոն. ահա այս քանակությամբ սինգլներ է վաճառել 27-ը դեռ չբոլորած Ռիհաննան: Սրանից 10 տարի առաջ Երևանում հատկապես սպիտակ «Նիվա»-ների միջից թնդում էր այդ ժամանակ դեռ անչափահաս Ռիհաննայի «Pon de Replay»-ը: Իսկ դրանից հետո, ինչպես ասում են, գնա՜ց. մեկը մյուսից հաջողակ սինգլներ ու ալբոմներ:

Այսօր նրա պահարանում արդեն կա 8 «Գրեմի» և 6 «American Music Awards» մրցանակ: Աղջիկները փորձում են կրկնօրինակել նույնիսկ նրա դաջվածքները:

 

 

print-58-80ՌԻՀԱՆՆԱ

2008-ին Սվիֆթի թողարկած «Fearless» ալբոմը հաջորդ տարի շահեց 4 «Գրեմի» մրցանակ. Սվիֆթը ճանաչվեց ամենաերիտասարդ երգչուհին, որը երբևէ «Գրեմի» է շահել ալբոմի համար:

2014-ի օգոստոսին նրա «Shake it Off» տեսահոլովակը դարձավ ամենասկանդալային, բայց և ամենաքննարկվածներից մեկը համացանցում. կես միլիարդից ավելի դիտում: Պետք է խոստովանենք, որ, իսկապես, այնքան էլ հաջող աշխատանք չէ: Եթե իրական Թեյլոր Սվիֆթ եք ուզում, «Fearless»-ում փնտրեք:

 

 

print-58-81ՍԻԱ

Սիան իր առաջին ալբոմը թողարկել է դեռևս 1997 թ., սակայն հաջողության աստղը նրա գըլխավերևում փայլատակեց միայն 11 տարի անց «Some People Have Real Problems» ալբոմի շնորհիվ: Սիային առանձնացնում են տեսահոլովակները փոքրիկ շիկահեր պարուհու մասնակցությամբ, որը դարձավ նրա այցեքարտը համաշխարհային երաժշտության մեջ:

Սիայի ազդեցությունը առավել նկատելի է սկսնակ երգչուհիների կատարումներում. «Սիայի նման է երգում». էլ ի՞նչ է պետք չափանիշ լինելու համար:

Գրել կարծիք