[ The President ] Դենդի նախագահը, որին ամուսնության առաջարկ էին անում կանայք

[ The President ] Դենդի նախագահը, որին ամուսնության առաջարկ էին անում կանայք

Նոյեմբերի 8-ին ԱՄՆ-ում ընտրելու են երկրի 45-րդ նախագահին: newmag-ն անդրադառնում է ԱՄՆ բոլոր նախագահներին` ներկայացնելով նրանց մասին գրեթե անհայտ, զարմանալի փաստեր:

ԱՄՆ 21-րդ նախագահ (1881-1885) Արթուր Չեսթերը նախընտրում էր աշխատել գիշերը: Նա հաճախ առավոտյան 4-ին ընկերների հետ զբոսնում էր Վաշինգտոնի փողոցներով: Հնարավոր է՝ նաև դա էր պատճառը, որ նախագահի նախաձեռնությամբ Վաշինգտոնում կայացավ միջազգային կոնֆերանս ժամային գոտիների հստակեցման համար:

Այն տեղի ունեցավ 1884 թվականին, ու հենց այդտեղ էլ հաստատվեց Գրինվիչի միջօրեականը՝ որպես աշխարհագրական երկայնությունների հաշվարկի սկիզբ:

Արթուր Չեսթերը եղել է առաջին նախագահը, որի երդմնակալությունն անցկացվել է նրա սեփական տանը: Բացի այդ, նա երդմնակալությունից հետո ավանդական ելույթով հանդես չի եկել:

Չեսթերը հայտնի էր թանկարժեք հագուստի նկատմամբ իր թուլությամբ: Նա օրը մի քանի անգամ փոխում էր պաշտոնական հագուստը: ԱՄՆ 21-րդ նախագահի աշխատանքային վերջին օրն առանձնահատուկ էր՝ այդ օրը միաժամանակ 4 կին նրան ամուսնության առաջարկ է արել:

Գրել կարծիք