Բուտրոս Բուտրոս Ղալի. Ժողովուրդների մարդ՝ կիսով չափ հայ

Բուտրոս Բուտրոս Ղալի. Ժողովուրդների մարդ՝ կիսով չափ հայ

Կահիրեում 93 տարեկանում կյանքից հեռացել է Բուտրոս Բուտրոս-Ղալին: Նա ՄԱԿ-ի 6-րդ Գլխավոր քարտուղարն էր ու ամենից հայամետը:

93 տարեկանում Կահիրեում մահացել է ՄԱԿ-ի 6-րդ Գլխավոր քարտուղար Բուտրոս Բուտրոս-Ղալին: Եգիպտոսցի քաղաքական ամենահայտնի գործիչքներից մեկի հայրը  քրիստոնյա էր` ղպտի: Չհաստատված տեղեկություններ կան, որ Բուտրոս Ղալիի մայրը հայուհի էր` Աննա Գևորգի Ասլանյան: Ավելին, Ղալի տոհմի բարեկամությունը հայերի հետ սկսվել է դեռ 19-րդ դարում (Տե’ս`  այստեղ):

Բուտրոս Ղալին ՄԱԿ-ի Գլխավոր քարտուղար էր 1992-96 թվականներին: Հենց նրա ղեկավարության տարիներին էլ ՄԱԿ-ի անդամ է դարձել Հայաստանը:

Հայաստանի դրոշը բարձրացվում է ՄԱԿ-ի գրասենյակի դիմաց 1992 թ., մարտի 2

Բուտրոս Ղալին նաև ՄԱԿ-ի միակ Գլխավոր քարտուղարն է, որը այցելել է Հայաստան:

Բուտրոս Ղալին համաշխարհային հռչակ ձեռք բերեց դրանից շատ առաջ: Միջազգային իրավունքի և փիլիսոփայության դոկտորի գիտական աստիճան ունեցող եգիպտոսցի քրիստոնյա գործիչը 1970-ականներին ճակատագրական դեր ունեցավ Մերձավոր Արևելքի ամենածանր խնդրի լուծման գործում:

1977 թվականին Եգիպտոսի նախագահ Անվար Սադաթը քրիստոնյա Բուտրոս Ղալիին նշանակեց գերազանցապես մուսուլմանական երկրի արտաքին գործերի պետքարտուղար, ընդ որում` վճռական փուլում: Նախագահ Սադաթը ցանկանում էր փոխել Եգիպտոսի արտաքին քաղաքական փիլիսոփայությունն ու մտադիր էր հասնել եգիպտաիսրայելական հաշտության:

12717210_1030758106983257_6590571687907677328_nԱՄՆ-ի միջնորդությամբ Իսրայելի վարչապետն ու Եգիպտոսի նախագահը սկսեցին հաշտության գործընթաց, որն ավարտվեց Քեմփ-Դևիդում ստորագրված պատմական համաձայնությամբ:

Փաստաթղթի յուրաքանչյուր տառն ու ստորակետը ուղղակիորեն առնչություն են ունեցել Բուտրոս Ղալիի հետ, ով համաձայնագրի համահեղինակն էր:

Իսրայելի հետ հաշտվելու համար Եգիպտոսի նախագահին 2 տարի անց սպանեցին, իսկ Բուտրոս Ղալին երկար տարիներ ապրեց անորոշության մեջ: Նա ոչ միայն արաբաիսրայելական հակամարտության սեպարատ համաձայնագրի համահեղինակն էր, այլև քրիստոնյա ղպտի և ավելին` նրա կինը հրեա էր: Բայց ռիսկն արդարացված էր.Եգիպտոսն ու Իսրայելը չեն պատերազմում արդեն 4 տասնամյակ:

Բուտրոս Ղալիի պապը եղել է Եգիպտոսի վարչապետ 1908-10 թվականներին: Նրան սպանել են: Ղալիի եղբորորդին Եգիպտոսի ֆինանսների նախարարն էր Հոսնի Մուբարաքի կառավարման վերջին փուլում: Նրան ձերբակալել են… հետո ազատ արձակել:

Գրել կարծիք