Զգուշացե´ք, ղեկին կին է (ՖՈՏՈՇԱՐՔ)

Զգուշացե´ք, ղեկին կին է (ՖՈՏՈՇԱՐՔ)

newmag-ը ներակայացնում է կանանց ձևավոր վարման 17-րդ առաջնության մասնակիցներին:

Մոտ տասը տարի առաջ քաղաքում հայտնվեցին մեքենաներ, որոնք հետնապակու վրա ունեին, այն ժամանակի համար. տարօրինակ նշան` կարմիր երիզով սպիտակ եռանկյունու մեջ  կանացի բարձրակրունկ կոշիկ: Ժամանակի ընթացքում այդ նշանով մեքենաները ավելի շատացան: Հետքրքիր ատրիբուտից,  ժամանակի ընթացքում, դա վերածվեց նախազգուշական նշանի` «զգուշացե´ք, ղեկին կին է»: Կանանց վատ վարորդ լինելու մասին. հենց վարորդների շրջանում,  միֆեր տարածվեցին, որոնք հաճախ սարսափելի էին:  Սակայն կանանց մեծասնությունը հրաժարվում էր խոստովանել, որ իրենք վատ վարորդ են, նույնիսկ սկսեցին մասնակցել տարբեր վարորդական մրցումների:

Սեդա Ստեփանյան

IMG_5960

Ռետրո մեքենաների սիրահար, մասնագիտությամբ մանկվարժ Սեդան մեքենա վարում է չորս տարի: 1958թ. Արտադրության գազ 21-ն էլ չի փոխի ոչ մի գերժամանակակից մեքենայի հետ: Թեև ռետրո մեքենան էլ ռեստավրացված է, ունի բոլոր ժամանակակից հարմարանքները, նույնիսկ ապակիների էլեկտրական կառավարում: Սիրում է արագություն, բայց հազվադեպ է գերազանցում:

«Դրիֆտերի ու ձևավոր վարման սերը հայրիկիցս մնաց: Էս 21-ն էլ հայրկիս մեքենան է, բայց շատ եմ սիրում: Հաճախ խոսում եմ մեքենայի հետ, փաղաքշական խոսքեր եմ ասում: Շատ եմ սիրում մեքենայի մեջ ռիթմիկ երաժշտություն լսել, ու հաճախ դա վտանգավոր է, քանի որ սկսում եմ շատ արագ վարել: Հենց երաժշտության պատճառով էլ վթարի ենթարկվեցի մի անգամ: Հետիոտնի կյանքի պայքար էր, եթե չհարվածեի դիմացի մեքենային, ավելի վատ հետևանքներ կունենար: Ճիշտն ասած կցանկանամ գոնե մի օր տաքսի վարեմ: Ուղղակի հետաքրքրության համար, ուզում եմ փորձել էդ մարդկանց էլ հասկանալ»:

IMG_5943

Կիմա Սարյան

IMG_6011

Մասնագիտությամբ իրավաբան է ու հիմնական պաշտպանյալներն են վարորդներն են: Ասում է դեռ չի ունեցել կին վարորդ պաշտպանյալ:

«Ինչքան էլ զարմանալի է, տարօրինակ դեպքեր հետս չեն եղել մեքենա վարելիս: Լեզուն լավ եմ հասկանում, ու գիտեմ ինչ է ուզում: Արագ եմ վարում` աշխատում եմ հասցնել ժամանակի մեջ: Կայանելու կանացի խնդիրը չունեմ»:

IMG_6007

Լուսինե Ենգոյան

IMG_5999

Մի օր վթարի ենթարկվեց ու դա դարձավ ճակատագրական: Վարորդական սիրավեպն էլ այդտեղից սկսվեց:

«Աշխատանքային մեքենայով էի: Հարվածել էի նշանածիս ընկերոջ մեքենային ու ինքն էլ պատահաբար իր մեքենայով անցնում էր: Ես ոտքս էի վնասել: Ճիշտ է մինչև այդ ճանաչում էինք, բայց չէինք շփվում: Մեքենան կանգնեցրեց ու ինձ տարավ հիիվանդանոց: Ու այդտեղից էլ սկսվեց»:

IMG_5996

Հռիփսիմե Ջհանգիրյան

IMG_6059

Էքստրեմալ վարման սիրահար է Հռիփսիմեն, կամ ինչպես դիմում են նրան` Ռիփան:  Մեքենա վարում է չորս տարի, աշխատում է ընտրել հատկապես արագընթաց ու սպորտային մեքենաներ:

«Շատ եմ մասնակցել նման մրցույթների: Առաջին անգամ երբ մասնակցեցի, մեքենաս թույլ էր, ու, կարելի է ասել, խայտառակ եղա: Հիմա, հատուկ այդ մրցույթներին մասնակցելու նպատակով, մեքենաս փոխել եմ` ավելի սպորտային ու արագընթաց: Հիմա վեբ դիզայներ եմ, որ թոշակի անցնեմ, որոշել եմ, եթե կարիքը լինի, երևի տաքսի կվարեմ, համ էլ հետաքրքիր է»:

IMG_6037

Հասմիկ Ալեքսանովա

IMG_4831

18 տարվա վարորդին հունից հանելը մի փոքր վտանգավոր է: Ասում է` զուսպ է բնավորությամբ, բայց ապահովության համար մեքենայում մահակ է պահում:  Ձևավոր վարման առաջնությանը որոշել է մասնակցել ադրենալինի համար, նաև ամուսինն ու որդին էին համոզել: Մասնագիտությամբ երաժիշտ-մանկավարժ է, աշխատում է ՀՀ կառավարությունում:

«Ամուսնուն նախկին մեքենան էի շատ սիրում: Մի տեսակ հարմարվել էր ինձ: Հետը զրուցում էի ամեն օր: Ամեն մեքենա վաճառելուց սթրես եմ տանում: Չգիտեմ ինչից է: Քանի որ նուրբ լսողություն ունեմ, ձայնից հասկանում եմ` ինչ խնդիր ունի մեքենան: Երբ ամուսնուս հետ մեքենա եմ նստում, միշտ փորձում եմ խորհուրդ տալ: Նույնիսկ նստատեղն այնքան եմ առաջ տանում, որ ոտքս հասնի արգելակին»:

IMG_4804 ՖՈՏՈ

Գրել կարծիք