FASHION 2016. Գարուն-ամառ սեզոնի ամենանորաձև կոշիկները

FASHION 2016. Գարուն-ամառ սեզոնի ամենանորաձև կոշիկները

Սանդալներ, սաբոներ, էսպադրիլներ` գունեղ ու հարմարավետ մոդելները սեզոնի հիթն են: newmag-ն առանձնացրել է գարուն-ամառ 2016-ի ամենամոդայիկ կոշիկները:

«Տվեք աղջկան մի զույգ հարմար կոշիկ, և նա կգրավի աշխարհը». Մերիլին Մոնրոյի հայտնի այս թևավոր խոսքով կարող եք արդարացնել նոր կոշիկ գնելու մտադրությունը: Հատկապես, որ նորաձևության այս սեզոնում պոդիումին այնքան բազմազան տեսականի ցուցարդվեց:

ԿԱՊԵՐ

kaper

Թելերով կոշիկները պոդիումից չեն իջնում արդեն մի քանի սեզոն: Նախկինում ուշադրության կենտրոնում գլադիատորական ոճի կաշվե հյուսքերով սանդալներն էին, հիմա դրանց փոխարինելու են եկել բարակ թելերով ու կտորե  ժապավեններով մոդելները, որոնք կապվում են կոճի վրա: Ի դեպ դրանք ավելի նուրբ և կանացի են: Գարուն-ամառ 2016-ի կոշիկները կարող են լինել ամենատարբեր ֆասոնների` սրածայր, փարթամ դեկորով  բալետկաներից մինչև լայն ու բարձր կրունկով սանդալներ: Այստեղից կարելի է կռահել` ամռանը ակտուալ կլինի և իսպանական ոճը,  և ռոմանտիկ վիկտորիանականը, և էթնիկը, և սպորտայինը … բայց հիշեք` ինչ էլ ընտրեք` առանց թելերով կապերի ոչինչ մոդայիկ չէ:

ՍԱԲՈ

sabo

1970-ականները բոլորի շուրթին են ու հագին: Սաբոներն էլ որպես այդ ժամանակաշրջանի վառ օրինակ, արդեն երկրորդ տարին անընդմեջ գարուն-ամառ սեզոնի գլխավոր թրենդն են: Միայն թե այս անգամ դիզայներները երկու ճամբարի են բաժանվել. մի մասը որպես հիմք ընտրել է բարակ կրունկն ու սուր ծայրը, մյուսները` քառակուսի ամուր կրունկը և կլորավուն ֆորմաները: Այ, դեկորների հարցում յուրաքանչյուրն իր խոսքն է ասում` color blocking ոճի, հսկա «պրյաժկաներով», թելերով, ապլիկացիաներով:

ԷՍՊԱԴՐԻԼՆԵՐ

espadril

Իսպանացի գեղջուկների ավանդական կոշիկը վաղուց է «ղեկավարում» կանանց ամառային զգեստապահարանի «պարահանդեսը»: Այս սեզոնն առանց էսպադրիլների անցկացնելն անհնար է, հատկապես, որ դիզայներները տառապում են «Կարմենի» կերպարի նոստալգիայով: Ուշադրություն դարձրեք` էսպադրիլների դասական ֆասոնը փոփոխության է ենթարկվել. մոդայիկ են թելերով զարդարված ու մի թեթև բարձր պլատֆորմով մոդելները: Էսպադրիլները  կարելի է կրել վերև ծալված ջինսով ու սպիտակ վերնաշապիկով:

ՍԼԻՓԵՐՆԵՐ

slipers

Երեկույթին ոտքից գլուխ «տնային» հագուստով` գիշերազգեստով, կոմբինեզոն- զգեստով, մետաքսե խալաթով ներկայանալու թրենդը ամրապնդում է իր դիրքը: Այս կերպարը համալրելու են եկել հողաթափ հիշեցնող, բաց կրունկով սլիփերները, որոնք արդեն իսկ դարձել են սեզոնի must have-ը: Կաշվե, թե թափանցիկ ժանյակից, ասեղնագործ թե կոնտրաստային զոլերով` ճաշակի հարց է:

ՍՊՈՐՏԱՅԻՆ ՍԱՆԴԱԼՆԵՐ

690x550_1_95d62545a03555a72066ab70e16438f6@691x551_0xc0a83925_4824687851460490096

Սպորտային ոճով սանդալները նորաձևության այս սեզոնին էլ պահում են իրենց դիրքը: Դիզայներները խորհուրդ են տալիս ընտրել լայն պրինտներով ու հաստ պլատֆորմով մոդելները: Դրանք կարող են լինել բազմագույն, ռելիեֆային, վառ ներդիրներով զարդարված: Ամենացանկալի սպորտային սանդալներն առաջարկում են Chanel-ը, Kenzo-ն, Paul Smithը և Stella McCartney-ին:

Գրել կարծիք