Արևմուտքի արևելյան գետտոները

Արևմուտքի արևելյան գետտոները

Եվրոպան փոխում է դեմքը. Լոնդոնում, Փարիզում և Բեռլինում իսլամական գոտիները ավելի են ընդարձակվում և դուրս գալիս հսկողությունից: newmag-ն ուսումնասիրել է Մեծ Բրիտանիայի, Ֆրանսիայի և Գերմանիայի գետտոների պատմությունը:

img650786Եվրոպայի գլխավոր 3 մայրաքաղաքները կտրուկ և անշեղորեն փոխվում են: Լոնդոնում, Փարիզում և Բեռլինում ավելի ու ավելի հաճախ կարելի է տեսնել ամբողջ մարմինը ծածկած կանանց, երկար մորուքով ու իսլամական հագուստով տղամարդկանց:

Ավելի դանդաղ տեմպերով, բայց փոխվում է նաև այս քաղաքների ճարտարապետությունը: Մզկիթներից բացի կառուցվում են նաև արևելյան ոճով հյուրանոցներ, ճաշարաններ: Սակայն այս ամենը մեդալի միայն մեկ՝ համեմատաբար ավելի անմեղ կողմն է:

Եվրոպայի մայրաքաղաքներում արդեն ձևավորվել են ինքնուրույն և շրջապատող հասարակությունից կտրված համայնքներ:

Ինքնատիպ գետտոներում Մեծ Բրիտանիայի, Ֆրանսիայի և Գերմանիայի օրենքները հիմնականում չեն գործում: Դրանցում գնալով ուժեղանում է կրոնական քողով ծածկված ծայրահեղական գաղափարախոսությունը: Հենց նման գետտոներում են մեծացել հիմա Եվրոպան սարսափեցնող ահաբեկիչները, նույն պայմաններում  մեծանում են նաև նորերը: Ավելին, Արևմուտքի իսլամական անկլավներն այժմ համալրվում են հազարավոր նոր անդամներով, որոնք Եվրոպա են գալիս փախստականների նոր ալիքի հետ:

shariahcontrolՎերջին՝ 2011 թվականի մարդահամարի համաձայն Լոնդոնի բնակչության ավելի քան 12 տոկոսը կազմում են մուսուլմանները: Ընդ որում բնիկ սպիտակամորթ բրիտոնները կազմում են Լոնդոնի բնակչության ընդամենը 45 տոկոսը: Լոնդոնի արևելյան հատվածը(East London) մեծապես արևելյան ներգաղթյալների ազդեցության տակ է:  Borough of Tower Hamlets թաղամասը հաճախ անվանում են Բրիտանիայի իսլամական հանրապետություն: Այս թաղամասում մեծամասնություն են կազմում Բանգլադեշից ներգաղթածները: Ծայրահեղականներն այստեղ բազմիցս փորձել են շարիաթ հաստատել, իսկ շատ փողոցներում կարելի է տեսնել հետևյալ գրառմամբ պաստառներ:

«Դուք մտնում եք շարիաթական տարածք, իսլամական օրենքները պարտադիր են»

Փողոցներում ոստիկանության աչքից հեռու շրջում են իսլամական ուղեկալներ, որոնք անցորդներին պարտադրում են իսլամական հագուկապ ու վարքականոններ:

 

Ֆրանսիան Եվրոպայում ամենամեծ՝ 7 միլիոնանոց  իսլամական համայնք ունեցող պետությունն է: 10,5 միլիոնանոց Փարիզի բնակչության 25 տոկոսը կազմում են իսլամի հետևորդները: Ֆրանսիայի մայրաքաղաքի մեծապես ներգաղթյալներով բնակեցված թաղամասերը կոչվում են փակ գոտիներ՝ No go zone: Դրանցից ամենահայտնին Սեն Դենի թաղամասն է, որտեղ 1 միլիոն 4 հարյուր հազար բնակիչներից  6 հարյուր հազարը parisՀյուսիսային ու Արևմտյան Աֆրիկայի երկրներից գաղթած մուսուլմաններ են: Նրանք կենտրոնացած են Սեն Դենիի 40 շրջաններից 36-ում:

Ֆրանսիայի իշխանությունը պաշտոնապես դրանք հաստատել է որպես «խոցելի քաղաքային գոտիներ»:

Աս շրջաններն իրենց բնորոշումը վաստակել են հանցավորության, թմրանյութերի շրջանառության, գործազրկության ու իսլամիստական ծայրահեղականության բարձր մակարդակի համար: Սեն Դենիում շարիաթական օրենքն աստիճանաբար տիրապետող է դառնում ֆրանսիական սահմանադրության նկատմամբ, իսկ գերխոշոր մահմեդական համայնքը պարփակվում է ինքն իր մեջ՝ հրաժարվելով ինտեգրվել ֆրանսիական հասարակությանը: Զբոսաշրջիկները պետք է մի քանի անգամ մտածեն՝ արժե այցելել Փարիզի այս թաղամասը, թե ոչ:

Գերմանիան իսլամադավան 6 միլիոն բնակչությամբ երկրորդն է հին մայրցամաքում: Մուսուլմանների 63 տոկոսը ազգությամբ թուրքեր են: Բեռլինում իսլամադավանները կազմում են ընդհանուր 3.5 միլիոն բնակչության 9 տոկոսը:

Public Viewing: Germany v Spain - 2010 FIFA World CupՆրանք հիմնականում կենտրոնացած են Friedrichshain-Kreuzberg և Հյուսիսային Neukölln թաղամասերում, Wedding շրջանում: Այս թաղամասերում գնալով խորանում է անդունդը բնիկ գերմանացիների ու եկվորների՝ հիմնականում թուրքերի միջև:

1960-70-ական թվականներին Գերմանիա տեղափոխված թուրք բնակչությունը արդեն կես դարից ավելի համառորեն չի ինտեգրվում գերմանական հասարակությանը:

Ավելին թուրքերը պահում են բարեկամական ու մշակութային-կրոնական սերտ կապերը Թուրքիայի հետ: Նրանք նաև քաղաքական լուրջ գործոն են թե Գերմանիայի, թե Թուրքիայի քաղաքական կյանքում: Իզուր չէ, որ ամեն նախընտրական շրջանում Էրդողանն այցելում և քարոզարշավ է անցկացնում Գերմանիայում, կոչ անում թուրքերին պահպանել իրենց ինքնությունն ու չձուլվել:

Իրավիճակն ավելի բարդ է Գերմանիայի Դոյսբուրգ քաղաքում, որտեղ 500 հազար բնակիչներից 60 հազարը մուսուլմաններ են, նույնպես հիմնականում թուրքեր: Դույսբուրգի առանձին թաղամասերում ներգաղթյալների հանցախմբերը լիակատար տեր ու տիրական են: Այստեղ բնիկ գերմանացիները վախով են երեկոյան գնացք կամ տրամվայ նստում, ոստիկանները և հատկապես կին ոստիկանները մշտապես անարգանքի են ենթարկվում: Ավելին ոստիկանները վախենում են որևէ մեքենա կանգնեցնել, քանի որ գիտեն՝ շատ չանցած նրանց կշրջապատեն 40-50 ներգաղթյալներ:

Գրել կարծիք