Ո՞վ է Եվրատեսիլում Ուկրաինան ներկայացնող հայուհին

Ո՞վ է Եվրատեսիլում Ուկրաինան ներկայացնող հայուհին

Եվրատեսիլյան բեմ այս տարի կբարձրանան երկու հայուհի: Իվետա Մուկուչյանից բացի, որը ներկայացնելու է Հայաստանը, Ստոկհոլմում Ուկրաինայի դրոշի ներքո ելույթ կունենա հայկական ծագումով Ջամալան: newmag-ը պատմում է ուկրաինահայուհու կարիերայի ու քաղաքական երգի մասին:

402full-jamalaՍուսանա Ջամալադինովա` Ուկրաինան հենց նա կներկայացնի մայիսին Ստոկհոլմում կայանալիք Եվրատեսիլ-2016-ում:  Նա հանդես է գալիս Ջամալա բեմական անվամբ:

Սուսաննան  ծնվել է Ղրղզստանում` 1983-ի օգոստոսի 27-ին: Հայրը թաթար է, մայրը` հայուհի:

Ավելի ուշ` նրանց ընտանիքը տեղափոխվել է Ղրիմ: Ծնողները երաժիշտ են: Մայրը երգում է ու դասավանդում երաժշտական դպրոցում: Հայրը`դիրիժոր է:

uzn_1394719436Սուսաննան ու քույրը ստացել են  արևելյան խիստ դաստիարակություն: Աղջիկներին առանց հսկողության թույլ չէին տալիս տանից դուրս գալ. անգամ ընկերների հետ դիսկոտեկ նրանք գնում էին հոր ուղեկցությամբ:

Սուսաննայի երգելու տաղանդը մայրը նկատեց, երբ աղջիկը 3 տարեկան էր: 9 տարեկանում Սուսանան թողարկեց առաջին ալբոմը: Ի զարմանս հնչյունային ռեժիսորի` աղջնակին 12 մանկական երգ անթերի կատարելու համար ընդամենը մեկ ժամ էր պետք:

Առաջին հոնորարը Սուսաննան մայրիկից ստացավ` Բարբի տիկնիկ էր:

Սիմֆերոպոլի երաժշտական ուսումնարանում Սուսաննան սովորեց դաշնամուր և օպերային երգեցողություն: Երաժշտական կրթությունը շարունակեց Կիևում` Ազգային երաժշտական ակադեմիայում: Ուսմանը զուգահեռ մասնակցում էր նաև մրցույթների` «Крымская весна», «Додж 2001»:

Բայց Սուսանան երազում էր հայտնվել La Scala-ում և լրջորեն տրամադրված էր դասական երաժշտարվեստում կարիերա ստեղծելուն:

1376323672Սակայն ծրագրերը գլխիվայր շրջվեցին, երբ Սուսաննան տարվեց սոուլ և ջազ երաժշտությամբ:Ելենա Կոլյադենկոն առաջին պրոդյուսերն էր, որ նկատեց երիտասարդ, տաղանդավոր աղջկա ներուժը: Ջամալան դարձավ նրա «Па» մյուզիքլի սոլիստը, որի պրեմիերան կայացավ 2007-ին: Դա սկիզբն էր:

Այնուհետև` Ջամալան հայտնվեց  «Новая Волна»-ում: Հեղինակավոր երաժշտական մրցույթում արժանացավ Գրան Պրիի:

2012-ին երգչուհին մասնակցեց ուկրանինական «Звёзды в опере» հեռուստանախագծին: Նրա զույգը Վլադ Պավլյուկն էր: Միասին դարձան հեռուստաշոուի հաղթողներ: 2013-ին  Ջամալան ներկայացրեց  «All or Nothing» ալբոմը: Դեբյուտային ձայնասակավառակը թողարկել էր դեռ 2011-ին:

Սուսաննա Ջամալադինովան չի սահմանափակվում փոփ երաժշտությամբ: Նրան հետաքրքիր է էքսպերիմենտներ անել սոուլ և ջազ ոճերում:

Նա նաև չի թիրախավորում միայն ուկրաինական ու ռուսական լսարանը:  Ջամալայի նպատակը աշխարհի համար երգելն է:Հենց դրա համար էլ նա Եվրատեսիլի ուկրանիանական  նախընտրական փուլին ներկայացավ «1944» հեղինակային երգով:

Այն պատմում է Ղրիմի թաթարների բռնի տեղահանման մասին: Ասում է` պատմական փաստերի մասին  գրել է տատից լսած պատմություննեով:

32-ամյա երգչուհին երգը ներկայացնելիս նշել է` դեպորտացիայի ու ցեղասպանության թեման վերաբերում են ոչ միայն թաթարներին:

Ջամալայի քաղաքական ենթատեքստով կատարումը ուկրաինական հասարակությունը բաժանել է երկու մասի: Շատերը (այդ թվում` նախագահ Պորոշենկոյի մամուլի քարտուղարը) համոզված են, որ Ջամալան ճիշտ ընտրություն է կատարել` ակտուալ թեմայով երգելով, մի մասն էլ պնդում է` Եվրոպային թաթարների ճակատագիրը չի հետաքրքրի:

http://www.youtube.com/watch?v=Y1yzjoNTokk

 

Գրել կարծիք